ഒരാഴ്ച നീണ്ടുനിൽക്കുന്ന വാലന്റൈൻസ് വീക്കിന്റെ ഭാഗമായി ആഘോഷിക്കുന്ന ഒരു ദിവസമാണ് ചുംബന ദിനം. ഫെബ്രുവരി 14ന് വാലന്റൈൻസ് ദിനം ആഘോഷിക്കുന്നതിന് മുന്നോടിയായി വാലന്റൈൻസ് വീക്ക് ആഘോഷിക്കുന്നു. ചുംബന ദിനത്തിൽ, ദമ്പതികൾ ചുംബനത്തിലൂടെ പരസ്പരം സ്നേഹം പ്രകടിപ്പിക്കുന്നു. ദമ്പതികൾ പരസ്‌പരമുള്ള സ്നേഹവും ബഹുമാനവും പ്രകടിപ്പിക്കുന്നതിനും അവിവാഹിതരായ ആളുകൾക്ക് പങ്കാളിയെ കണ്ടെത്താനുമുള്ള ദിവസമാണിത്. കവിളിൽ ചുംബിക്കുന്നതായാലും ആലിംഗനമായാലും, അല്ലെങ്കിൽ വികാരാധീനമായ ലിപ് ലോക്കായാലും, ഏറ്റവും പ്രധാനപ്പെട്ട കാര്യം നിങ്ങളോട് ഏറ്റവും അടുത്തവരോട് സ്നേഹവും വാത്സല്യവും പ്രകടിപ്പിക്കുക എന്നതാണ്.
എന്തുകൊണ്ടാണ് ചുംബന ദിനം ആഘോഷിക്കുന്നത്?
എല്ലാ കമിതാക്കളും ഫെബ്രുവരി 13ന് ചുംബന ദിനം ആഘോഷിക്കുന്നു. ചുംബിക്കുന്നത് സ്നേഹത്തെ കൂടുതൽ ആഴത്തിലാക്കുമെന്ന് പറയപ്പെടുന്നു. സ്‌നേഹനിർഭരമായ ചുംബനം പരസ്പര സ്നേഹവും ആദരവും വർധിപ്പിക്കുന്നു. ജീവിതത്തിൽ ചുംബനം വളരെ പ്രധാനമാണ്. അതും ഒരു സ്പർശനമാണ്, അത് ദുഃഖം കുറയ്ക്കും. ദുഃഖിതനും അസ്വസ്ഥനുമായ ഒരാളെ സ്നേഹത്തോടെ നെറ്റിയിൽ ചുംബിക്കുകയും കെട്ടിപ്പിടിക്കുകയും ചെയ്താൽ അവരുടെ സങ്കടങ്ങൾ കുറയും. സ്നേഹം പ്രകടിപ്പിക്കാനുള്ള മികച്ച മാർഗമാണ് ചുംബനമെന്ന് പറയപ്പെടുന്നു. ചുംബനത്തിലൂടെ നിങ്ങളുടെ വികാരങ്ങൾ നിങ്ങളുടെ പ്രിയപ്പെട്ടവരോട് വളരെ സ്നേഹത്തോടെ അറിയിക്കാൻ കഴിയും.
ALSO READ: Hugging Health Benefits : "ആലിംഗനം ആരോഗ്യവും സന്തോഷവും നൽകും"; ആലിംഗനത്തിന്‍റെ ഗുണങ്ങൾ എന്തൊക്കെ?
ചുംബന ദിനം 2023: ചരിത്രം
ആറാം നൂറ്റാണ്ടിൽ ഫ്രാൻസിൽ ആളുകൾ നൃത്തം ചെയ്തും നൃത്തം കഴിയുമ്പോൾ പരസ്പരം ചുംബിച്ചും തങ്ങളുടെ സ്നേഹം പ്രകടിപ്പിച്ചിരുന്നുവെന്ന് പറയപ്പെടുന്നു. വിവാഹസമയത്ത് പ്രതിജ്ഞയെടുക്കുന്നതിനിടെയാണ് റഷ്യയിൽ ചുംബനം തുടങ്ങിയതെന്നും പറയപ്പെടുന്നു. അതേസമയം, റോമിൽ അഭിവാദ്യം ചെയ്യുന്ന സമയത്ത് പരസ്പരം ചുംബിക്കുന്ന പാരമ്പര്യവും ആരംഭിച്ചു. അങ്ങനെയാണ് ഒരാളുടെ വികാരങ്ങൾ പ്രകടിപ്പിക്കുന്ന ഈ പ്രക്രിയ ക്രമേണ ലോകമെമ്പാടും ആരംഭിച്ചത്.
ചുംബന ദിനം 2023: പ്രാധാന്യം
വികാരങ്ങൾ അറിയിക്കുന്നതിനും രണ്ട് വ്യക്തികൾ തമ്മിലുള്ള ബന്ധം ശക്തിപ്പെടുത്തുന്നതിനുമുള്ള ശക്തമായ മാർഗമാണ് ചുംബനം. ഈ ബന്ധം ആഘോഷിക്കുന്നതിനുള്ള ഒരു പ്രത്യേക അവസരമാണ് ചുംബന ദിനം. ചില ദമ്പതികൾ പരസ്യമായി ചുംബനങ്ങൾ കൈമാറുന്നു, മറ്റുള്ളവർ സ്വകാര്യമായി അടുപ്പമുള്ള ചുംബനങ്ങൾ പങ്കിടാൻ താൽപര്യപ്പെടുന്നു. ചില ദമ്പതികൾ ഈ ദിവസം പരസ്പരം സമ്മാനങ്ങൾ കൈമാറുന്നു. ദമ്പതികൾക്ക് പരസ്പരം സ്നേഹം പ്രകടിപ്പിക്കാനും അവരുടെ ബന്ധം ആഘോഷിക്കാനുമുള്ള രസകരമായ മാർഗമാണ് കിസ് ഡേ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
