Fastest Weight Loss: അമിതവണ്ണം എന്നത് ഇന്ന് നല്ലൊരു ശതമാനം ആളുകളും അഭിമുഖീകരിയ്ക്കുന്ന ഒരു പ്രശ്നമാണ്. രണ്ടില്‍ ഒരാള്‍ പൊണ്ണത്തടി മൂലമുള്ള പ്രശ്നങ്ങളാല്‍ വലയുന്നതായാണ് കണക്കുകള്‍ സൂചിപ്പിക്കുന്നത്. ഇന്ന് ആളുകള്‍ നേരിടുന്ന പല ആരോഗ്യപ്രശ്നങ്ങള്‍ക്കുമുള്ള അടിസ്ഥാന കാരണം അമിതവണ്ണമാണ്.
Also Read: 2024 Lucky Zodiac Signs: പുതു വര്‍ഷമായ 2024ല്‍ സമ്പത്ത് വാരിക്കൂട്ടും ഈ രാശിക്കാര്‍!!
എല്ലാ സ്ത്രീകളുടെയും സ്വപ്നമാണ്, മെലിഞ്ഞ് ആകര്‍ഷണീയമായ വടിവൊത്ത ശരീരം. എന്നാല്‍, നമ്മുടെ ഭക്ഷണക്രമവും ജീവിതരീതികളും നമ്മുടെ ശരീരഘടനയെ തികച്ചും മാറ്റി മറിച്ചിരിയ്ക്കുകയാണ്. ദിവസേനയുള്ള വ്യായാമവും ശരിയായ ഭക്ഷണക്രമവും ശീലിച്ചാല്‍ നിങ്ങള്‍ ആഗ്രഹിക്കുന്ന രീതിയിലുള്ള ഭംഗിയുള്ള ശരീരം സ്വന്തമാക്കാം.
Also Read: Dhanteras 2023: ധന്‍തേരസ് ദിനത്തില്‍ ഈ കാര്യങ്ങള്‍ കാണുന്നത് ശുഭം!! ഭാഗ്യം ഉടന്‍ പ്രകാശിക്കും
പലരും അമിതവണ്ണം കുറയ്ക്കാന്‍ വ്യായാമത്തിനൊപ്പം ഭക്ഷണത്തിന്‍റെ അളവ് പരമാവധി കുറയ്ക്കുകയാണ് ചെയ്യാറ്. എന്നാല്‍, ഇത് തികച്ചും തെറ്റാണ്. ഇങ്ങനെ ചെയ്യുന്നതിലൂടെ നിങ്ങളുടെ ലക്ഷ്യം നേടാന്‍ കഴിയാതെ വരിക മാത്രമല്ല, ശരീരത്തിന് ആവശ്യമായ പോഷകങ്ങളുടെ കുറവ് ഉണ്ടാകുകയും ചെയ്യുന്നു.
നമുക്കറിയാം, അമിതവണ്ണം കുറയ്ക്കാന്‍ പലരും പല നടപടികളും സ്വീകരിക്കാറുണ്ട്. ശരീരഭാരം കുറയ്ക്കാന്‍ പലരും സ്വീകരിയ്ക്കുന്ന പ്രധാന മാര്‍ഗ്ഗമാണ് വ്യായാമം ചെയ്യുക എന്നത്. അതിനായി പലരും ജിം ആണ് ആശ്രയിക്കാറ്. ചിലപ്പോള്‍ മണിക്കൂറുകളോളം വ്യായാമം ചെയ്യുന്ന അവസരത്തിലും ശരീരഭാരം കുറയാറില്ല. എന്നാല്‍ നിങ്ങള്‍ക്കറിയുമോ? നിങ്ങളുടെ ഭക്ഷണക്രമത്തില്‍ വരുത്തുന്ന ചെറിയ മാറ്റങ്ങള്‍ അമിതവണ്ണം കുറയ്കാന്‍ സഹായിയ്ക്കും. അതായത്, ചില പ്രത്യേക ഭക്ഷണപദാര്‍ത്ഥങ്ങള്‍ ശരീരഭാരം കുറയ്ക്കാന്‍ സഹായകമാണ് എന്ന് മാത്രമല്ല, ശരീരഭാരം വര്‍ദ്ധിക്കാതിരിക്കാനും സഹായിയ്ക്കും.
ശരീരഭാരം കുറയ്ക്കുന്നതിനേക്കാൾ ശരീരഭാരം വർദ്ധിപ്പിക്കുന്നത് കൂടുതൽ ബുദ്ധിമുട്ടാണ് എന്നാണ് ആരോഗ്യ വിദഗ്ധര്‍ പറയുന്നത്. ശരീരഭാരം കുറയ്ക്കാൻ ചില പ്രത്യേക ഭക്ഷണ പദാര്‍ത്ഥങ്ങള്‍ ഉപേക്ഷിക്കുന്നത് ഉചിതമാണ്. എന്നാല്‍, ചിലരില്‍ എത്ര ഭക്ഷണം കഴിച്ചാലും ശരീരഭാരം വര്‍ദ്ധിക്കില്ല.
ശരീരഭാരം കുറയ്ക്കാന്‍ ആഗ്രഹിക്കുന്നവരില്‍ പലർക്കും എന്ത് കഴിക്കണം, എന്ത് കഴിക്കരുത് എന്ന് അറിയില്ല. അതിനാൽ, ശരീരഭാരം കുറയ്ക്കുമ്പോൾ കാർബോഹൈഡ്രേറ്റ്സ് കഴിക്കുന്നത് കുറയ്ക്കണമെന്നാണ് വിദഗ്ധര്‍ അഭിപ്രായപ്പെടുന്നത്.
ശരീരഭാരം കുറയ്ക്കുന്നതുമായി ബന്ധപ്പെട്ട ചില രസകരമായ കാര്യങ്ങളുണ്ട്. അതായത്, നിങ്ങൾ ശരീരഭാരം കുറയ്ക്കാൻ ആഗ്രഹിക്കുന്നുവെങ്കിൽ മൂന്ന് വെളുത്ത ഭക്ഷണപദാര്‍ത്ഥങ്ങളോട് ബൈ പറയുക. അമിതവണ്ണത്തില്‍ നിന്ന് മോചനം ലഭിക്കും. ആ വെളുത്ത ഭക്ഷണപദാര്‍ത്ഥങ്ങള്‍ ഏതെല്ലാമാണ് എന്ന് നോക്കാം...
പഞ്ചസാര (Sugar): ശരീരഭാരം കുറയ്ക്കാൻ ആഗ്രഹിക്കുന്നുവെങ്കില്‍ ഇന്ന് മുതൽ നിങ്ങളുടെ ഭക്ഷണത്തിൽ നിന്ന് പഞ്ചസാര ഒഴിവാക്കുക. അമിതമായ പഞ്ചസാരയുടെ ഉപയോഗം ഹൃദ്രോഗം, ഉയർന്ന രക്തസമ്മർദ്ദം, ടൈപ്പ് 2 പ്രമേഹം, മറ്റ് ആരോഗ്യ പ്രശ്നങ്ങൾ എന്നിവയ്ക്കുള്ള സാധ്യത വർദ്ധിപ്പിക്കുന്നു. നിങ്ങൾക്ക് മധുരപലഹാരങ്ങൾ കഴിക്കാൻ തോന്നുന്നുവെങ്കിൽ, പരിമിതമായ അളവിൽ കഴിക്കാം.
വൈറ്റ് ബ്രെഡ് (White Bread): ശരീരഭാരം കുറയ്ക്കാൻ നിങ്ങൾ ആഗ്രഹിക്കുന്നുവെങ്കിൽ, വൈറ്റ് ബ്രെഡ് കഴിക്കുന്നത് പൂര്‍ണ്ണമായും നിർത്തുക. വൈറ്റ് ബ്രെഡിൽ ശുദ്ധീകരിച്ച കാർബോഹൈഡ്രേറ്റ് അടങ്ങിയിട്ടുണ്ട്, ഇത് വേഗത്തിൽ ദഹിപ്പിക്കപ്പെടുകയും ശരീരത്തിൽ ഗ്ലൂക്കോസായി മാറുകയും ചെയ്യുന്നു. ഇത് ഇൻസുലിൻ അളവ് വർദ്ധിപ്പിക്കുന്നു, ഇത് ശരീരഭാരം വർദ്ധിപ്പിക്കുന്നതിന് കാരണമാകുന്നു. ചായയ്‌ക്കൊപ്പം ബ്രെഡ് കഴിക്കുന്ന ശീലമുണ്ടെങ്കിൽ ഉടൻ അത് മാറ്റുക. ചായയ്‌ക്കൊപ്പം ബ്രെഡ് കഴിക്കുന്നത് ശരീരഭാരം കുറയ്ക്കുന്നതിന് പകരം അമിതമായി വര്‍ദ്ധിപ്പിക്കും.
അരി (Rice): പഞ്ചസാരയും ബ്രെഡും പോലെ വെളുത്ത അരിയും ഒരു ശുദ്ധീകരിച്ച ഭക്ഷണമാണ്. കലോറിയും കാർബോഹൈഡ്രേറ്റും ഒഴികെ മറ്റ് പോഷകങ്ങളൊന്നും ഇതിൽ അടങ്ങിയിട്ടില്ല. ശരീരഭാരം കുറയ്ക്കാൻ നിങ്ങൾ ആഗ്രഹിക്കുന്നുവെങ്കിൽ, വെളുത്ത അരിക്ക് പകരം ബാർലി, ഓട്സ്, മില്ലറ്റ് അല്ലെങ്കിൽ മറ്റ് ധാന്യങ്ങൾ കഴിക്കുക. ഈ ധാന്യങ്ങളിൽ നാരുകളും മറ്റ് പോഷകങ്ങളും അടങ്ങിയിട്ടുണ്ട്, ഇത് നിങ്ങളെ ഏറെനേരം വിശപ്പ് ഉണ്ടാകാതിരിക്കാന്‍ സഹായിയ്ക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു.
നിരാകരണം: ഈ വിവരങ്ങള്‍ വീട്ടുവൈദ്യങ്ങളും പൊതുവിവരങ്ങളും അടിസ്ഥാനമാക്കിയാണ്. നിങ്ങളുടെ ആരോഗ്യവുമായി ബന്ധപ്പെട്ട എന്തെങ്കിലും നിങ്ങൾ എവിടെയെങ്കിലും വായിക്കുകയാണെങ്കിൽ, അത് സ്വീകരിക്കുന്നതിന് മുമ്പ് തീർച്ചയായും ഒരു ആരോഗ്യ വിദഗ്ദ്ധനെ സമീപിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
