Delhi Air Pollution: ഡൽഹിയിൽ അന്തരീക്ഷ മലിനീകരണം രൂക്ഷം; ചർമ്മരോ​ഗങ്ങൾ വർധിക്കുന്നു, ശ്രദ്ധിക്കണം ഇക്കാര്യങ്ങൾ

ന്യൂഡൽഹി: വിഷലിപ്തമായ അന്തരീക്ഷ മലിനീകരണം നിങ്ങളുടെ ആരോഗ്യത്തിന് ദോഷം ചെയ്യും. ഇത് നിങ്ങളുടെ ശരീരത്തിന്റെ പ്രവർത്തനത്തെ ബാധിക്കുകയും ഗുരുതരമായ ആരോഗ്യപ്രശ്നങ്ങൾ ഉണ്ടാക്കുകയും ചെയ്യും. ഡൽഹി-എൻ‌സി‌ആറിലെ വായുവിന്റെ ഗുണനിലവാരം 'വളരെ മോശം' വിഭാഗത്തിന് മുകളിലായി തുടരുന്നതിനാൽ, അപകടകരമായ പുകമഞ്ഞ് കാരണം ചർമ്മ സംബന്ധമായ രോഗങ്ങൾക്ക് സാധ്യതയുണ്ടെന്ന് ആരോ​ഗ്യ വിദഗ്ധർ മുന്നറിയിപ്പ് നൽകുന്നു. കണ്ണിന് താഴെയുള്ള കറുപ്പ്, ചർമ്മത്തിലെ ചുളിവുകൾ, അലർജികൾ തുടങ്ങിയ ചർമ്മ പ്രശ്നങ്ങൾ തലസ്ഥാന നഗരിയിൽ വർദ്ധിച്ചുവരുന്നതായി ഡൽഹിയിലെ മുതിർന്ന ഡെർമറ്റോളജിസ്റ്റ് ഡോ.ദീപാലി ഭരദ്വാജ് പറഞ്ഞു.

"ലോകത്തിലെ ഗ്യാസ് ചേംബർ നഗരം തീർച്ചയായും ചർമ്മപ്രശ്നങ്ങളിലേക്ക് നയിക്കുന്നു, കണ്ണുകൾക്ക് താഴെയുള്ള കറുപ്പ്, മഞ്ഞനിറം, പിഗ്മെന്റേഷൻ, എക്സിമ, അലർജികൾ, അകാല വാർധക്യം, ചർമ്മത്തിലെ ചുളിവുകൾ, ചർമ്മത്തിലെ കാൻസർ എന്നിവ വർധിച്ചുവരികയാണ്. ഡൽഹി നിവാസികൾ ആരോഗ്യകരമായ ജീവിതശൈലിക്ക് നിങ്ങളാൽ കഴിയുന്നത് ചെയ്യേണ്ടതുണ്ട്,” ഡോ ദീപാലി ഭരദ്വാജ് നിർദേശിച്ചതായി വാർത്താ ഏജൻസിയായ എഎൻഐ റിപ്പോർട്ട് ചെയ്തു.

ഡൽഹിയിൽ അന്തരീക്ഷ മലിനീകരണം രൂക്ഷം; ചർമ്മപ്രശ്നങ്ങൾ വർധിക്കുന്നു

കണ്ണുകൾക്ക് താഴെ ഇരുണ്ട നിറം
കണ്ണിന്റെ വെള്ള നിറം നഷ്ടപ്പെടുന്നു പൊടിപടലമുള്ള മഞ്ഞ നിറമായി മാറുന്നു
പിഗ്മെന്റേഷൻ
എക്സിമ
അലർജികൾ
ഫോട്ടോ ഏജിംഗ്
തൊലിയിൽ ചുളിവുകൾ
ത്വക്ക് കാൻസർ

അന്തരീക്ഷ മലിനീകരണത്തിൽ നിന്ന് സ്വയം എങ്ങനെ സംരക്ഷിക്കാം

മാലിന്യങ്ങൾ കത്തിക്കരുത്
അന്തരീക്ഷ മലിനീകരണ തോത് കൂടുതലായിരിക്കുമ്പോൾ പുറത്തിറങ്ങരുത്
തിരക്ക് കൂടുതലുള്ള സ്ഥലങ്ങൾക്ക് സമീപം വ്യായാമം ചെയ്യുന്നത് ഒഴിവാക്കുക
സാധ്യമെങ്കിൽ പൊതുഗതാഗതം ഉപയോഗിക്കുക
നിങ്ങളുടെ വീട്ടിൽ കുറഞ്ഞ ഊർജ്ജം ഉപയോഗിക്കുക
നിങ്ങളുടെ പ്രദേശത്തെ ദൈനംദിന വായു മലിനീകരണ പ്രവചനങ്ങൾ പരിശോധിക്കുക
വീടിനുള്ളിൽ പുകവലി ഒഴിവാക്കുക
ഇലകൾ, പ്ലാസ്റ്റിക്, മറ്റ് മാലിന്യ വസ്തുക്കൾ എന്നിവ കത്തിക്കുന്നത് ഒഴിവാക്കുക
ആരോഗ്യകരമായ ഭക്ഷണം കഴിക്കുകയും ശരിയായ ചർമ്മസംരക്ഷണ ദിനചര്യ പിന്തുടരുകയും ചെയ്യുക

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...