കേന്ദ്ര സർക്കാർ ജീവനക്കാർ കാത്തിരിക്കുന്നത് നിലവിൽ 7-ാം ശമ്പള കമ്മീഷൻറെ പ്രഖ്യാപനങ്ങളുമായി ബന്ധപ്പെട്ടാണ്. ഇത് ഉടനെ തന്നെ ഉണ്ടാവുമെന്നും ചില റിപ്പോർട്ടുകളുണ്ട്. എന്നാൽ നടപ്പാക്കാൻ പോകുന്നത് എട്ടാം ശമ്പള കമ്മീഷനാണെന്ന് ചില റിപ്പോർട്ടുകൾ പുറത്ത് വരുന്നുണ്ട്.
2023 ലെ കേന്ദ്ര ബജറ്റിൽ എട്ടാം ശമ്പള കമ്മീഷൻ നടപ്പാക്കൽ പദ്ധതിയുമായി ബന്ധപ്പെട്ട് കേന്ദ്രം ഒരു പ്രഖ്യാപനം നടത്തേണ്ടതായിരുന്നു. എന്നിരുന്നാലും, അത്തരമൊരു പ്രഖ്യാപനം ഉണ്ടായില്ല.ഓരോ 10 വർഷത്തിലുമാണ് ജീവനക്കാരുടെ ശമ്പള കമ്മീഷൻ ചട്ടങ്ങൾ പരിഷ്കരിക്കുന്നത്. 5, 6, 7 ശമ്പള കമ്മീഷനുകൾ നടപ്പിലാക്കിയപ്പോൾ ഈ രീതി നിരീക്ഷിക്കപ്പെട്ടു.
എട്ടാം ശമ്പള കമ്മീഷൻ എപ്പോൾ നടപ്പിലാക്കും?
എട്ടാം ശമ്പള കമ്മീഷനെ കുറിച്ച് ഔദ്യോഗിക പ്രഖ്യാപനം ഇല്ലെങ്കിലും, 2024 ൽ പ്രഖ്യാപനം നടത്തിയേക്കുമെന്നാണ് സമീപകാല റിപ്പോർട്ടുകൾ അവകാശപ്പെടുന്നത്.തിരഞ്ഞെടുപ്പിന് മുന്നോടിയായി എട്ടാം ശമ്പള കമ്മീഷനെ കേന്ദ്രം പ്രഖ്യാപിച്ചേക്കുമെന്ന് ഡിഎൻഎ റിപ്പോർട്ട് അവകാശപ്പെടുന്നു. ലക്ഷക്കണക്കിന് സർക്കാർ ജീവനക്കാർക്ക് തെരഞ്ഞെടുപ്പിന് മുമ്പുള്ള പ്രഖ്യാപനം വോട്ടിലേക്ക് ഗുണം ചെയ്തേക്കാം.
ഈ റിപ്പോർട്ടുകൾ യാഥാർത്ഥ്യമാണെങ്കിൽ, 2024 അവസാനത്തോടെ ഏഴാം ശമ്പള കമ്മീഷനു പകരം എട്ടാം ശമ്പള കമ്മീഷൻ ഉണ്ടാക്കാം. ഇത് പ്രഖ്യാപിച്ചാൽ 2026-ഓടെ ശുപാർശകൾ നടപ്പിലാക്കാൻ കഴിയും. എട്ടാം ശമ്പള കമ്മീഷൻ ജീവനക്കാർക്ക് ഉയർന്ന തലത്തിലേക്ക് വൻതോതിൽ ശമ്പള വർദ്ധനവ് നൽകും.
4% DA വർദ്ധനവ്
കേന്ദ്ര സർക്കാർ ജീവനക്കാർ ഡിഎ വർദ്ധന സംബന്ധിച്ച പ്രഖ്യാപനത്തിനായി കാത്തിരിക്കുകയാണ്, പേപ്പർ വർക്കുകൾ ഇപ്പോഴും നടക്കുന്നതിനാൽ അടുത്ത ആഴ്ചയോടെ 4 ശതമാനം ഡിഎ വർദ്ധനവ് ഉണ്ടായേക്കുമെന്ന് ധനമന്ത്രാലയത്തിലെ ഒരു ഉദ്യോഗസ്ഥൻ പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
