ഇങ്ങനെയൊരു കാലം കൂടി വരുന്നു; ഏതൊക്കെ രാശികൾ ജാഗ്രത പാലിക്കണം

ഹോളി ആഘോഷങ്ങൾ ആരംഭിക്കാറായി. ഈ ഉത്സവത്തെ സ്നേഹത്തിന്റെ ഉത്സവം എന്നും വിളിക്കുന്നു, കാരണം ഈ ദിവസം ശത്രുക്കൾ പോലും പരസ്പരം ആലിംഗനം ചെയ്യും. മാർച്ച് എട്ടിനാണ് ഹോളി ആഘോഷം. ഈ കാലത്താണ് ഹോളാഷ്ടക് എന്നൊരു യോഗം കൂടി ജ്യോതിഷത്തിൽ ഉണ്ടാവുന്നത്. ഈ കാലയളവിൽ മംഗളകരമായ ഒരു ജോലിയും ചെയ്യരുതെന്നാണ് ഹോളാഷ്ടകത്തിൽ പറയുന്നത്. ഉദാഹരണത്തിന് വിവാഹം, ഗൃഹപ്രവേശം അല്ലെങ്കിൽ ഒരു പുതിയ ബിസിനസ്സ് എന്നിവ പാടില്ല.ഹോളിക്ക് എട്ട് ദിവസം മുമ്പാണ് ഇത് ആരംഭിക്കുന്നത്. 

ദിവസവും ഈ കാലത്ത് വിവിധ ഗ്രഹങ്ങൾ ഉഗ്രഭാവത്തിൽ നിൽക്കുന്നത് കൊണ്ടാണ് ഈ കാലയളവിൽ ശുഭകാര്യങ്ങളൊന്നും നടക്കാത്തത്. ഈ വർഷം ഫെബ്രുവരി 27 മുതൽ മാർച്ച് 07 വരെയാണ് ഹോലാഷ്ടക് പ്രവർത്തിക്കുക. അതായത്, ഈ സമയത്ത്, നിങ്ങൾ എന്തെങ്കിലും നല്ലതോ പുതിയതോ ആയ ജോലി ചെയ്യാൻ ആഗ്രഹിക്കുന്നുവെങ്കിൽ, അത് മാറ്റിവയ്ക്കുക. ജ്യോതിഷികളുടെ അഭിപ്രായത്തിൽ, ഈ ഹോലാഷ്ടകം നമ്മുടെ രാശിചിഹ്നങ്ങളെയും ബാധിക്കുന്നു. ഇത് ചിലരിൽ നല്ല ഫലവും ചിലരിൽ മോശം ഫലവും ഉണ്ടാക്കുന്നു. അഞ്ച് രാശിക്കാർക്കാണ് ഇത്തവണ ഹോലാഷ്ടകം ദോഷഫലം നൽകാൻ പോകുന്നത്. 

1. മിഥുനം:  ഈ സമയത്ത്, മിഥുന രാശിക്കാർക്ക് അനാവശ്യമായ ടെൻഷനുകൾ ഉണ്ടാകാം. തർക്കമോ സംഘർഷമോ ഒഴിവാക്കേണ്ടിവരും. നിങ്ങൾ ഹോളാഷ്ടകത്തിന്റെ എട്ട് ദിവസങ്ങൾ സമാധാനപരമായി കടന്നുപോകും. വ്യവസായികളും ഈ കാലയളവിൽ പ്രത്യേകം ശ്രദ്ധിക്കേണ്ടതുണ്ട്. ചെലവുകൾ ശ്രദ്ധിക്കുക, അനാവശ്യമായി പണം ചെലവഴിക്കുന്നത് ഒഴിവാക്കുക. വരുമാനത്തെ മോശമായി ബാധിച്ചേക്കാം. 

2. കർക്കടകം:  കർക്കടക രാശിക്കാർക്ക് ബുദ്ധിമുട്ടുകൾ നിറഞ്ഞതായിരിക്കും കാലം. പ്രത്യേകിച്ചും ഇത്തരക്കാർക്ക് ഗാർഹിക പ്രശ്‌നങ്ങളിൽ നിന്ന് വിട്ടുനിൽക്കേണ്ടിവരും. ഇതോടൊപ്പം ഭൂമിയും കെട്ടിടവുമായി ബന്ധപ്പെട്ട തർക്കങ്ങളും ബുദ്ധിമുട്ട് വർധിപ്പിക്കും. പ്രധാനപ്പെട്ട തീരുമാനങ്ങൾ എടുക്കുന്നതിന് മുമ്പ്, നിങ്ങളുടെ അടുത്ത ആളുകളുടെ ഉപദേശം സ്വീകരിക്കുക. തൊഴിലിന് വളരെക്കാലം കാത്തിരിക്കേണ്ടി വന്നേക്കാം. 

3. വൃശ്ചികം:  വൃശ്ചിക രാശിക്കാർക്ക് ബുദ്ധിമുട്ടുകൾ വർദ്ധിക്കും. പ്രത്യേകിച്ച് സാമ്പത്തിക നഷ്ടത്തിന് സാധ്യതയുണ്ട്.  അനാവശ്യ ചെലവുകൾ ഒഴിവാക്കുക. ആർക്കും കടം കൊടുക്കരുത്. ഇതോടൊപ്പം, തർക്കങ്ങളിലോ വിവാദങ്ങളിലോ ഏർപ്പെടരുത്. പുതിയ ജോലികൾ തുടങ്ങാൻ ആലോചിക്കുന്നുണ്ടെങ്കിൽ നിർത്തുക. 

4. മകരം: മകരം രാശിക്കാർ എട്ട് ദിവസങ്ങളിൽ ജാഗ്രത പാലിക്കണം. വാഹനമോടിക്കുമ്പോൾ ശ്രദ്ധിക്കുക. ഉയർന്ന വേഗതയിൽ വാഹനം ഓടിക്കരുത്. പരസ്പര ബന്ധങ്ങളിൽ അസ്വാസ്ഥ്യമുണ്ടാകാം, സംവാദങ്ങൾ ഒഴിവാക്കുകയും നിങ്ങളുടെ സംസാരത്തിൽ നിയന്ത്രണം പാലിക്കുകയും ചെയ്യുക. ആരോഗ്യകാര്യത്തിൽ പ്രത്യേകം ശ്രദ്ധിക്കേണ്ടതുണ്ട്. 

5. കുംഭം:  കുംഭം രാശിക്കാർ പ്രധാനപ്പെട്ട കാര്യങ്ങൾ ഉടൻ പൂർത്തിയാക്കുക. കാലതാമസം ദോഷകരമായേക്കാം. ഏതെങ്കിലും ജോലിയിൽ പങ്കാളിത്തമുണ്ടെങ്കിൽ, പങ്കാളിയോട് ജാഗ്രത പുലർത്തുക. വിശ്വാസം തകർന്നേക്കാനും സാധ്യത. ഇക്കാരണത്താൽ, നിങ്ങൾക്ക് സാമ്പത്തിക നഷ്ടത്തിനുള്ള അവസരങ്ങളും സൃഷ്ടിക്കപ്പെടുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...