ಬ್ರಸೆಲ್ಸ್: World War Signals - ಪೂರ್ವ ಯುರೋಪಿನಲ್ಲಿ ಶೀತಲ ಸಮರದ ಭೀತಿ ಶುಕ್ರವಾರ ಮತ್ತೆ ಭುಗಿಲೆದ್ದಿದ್ದು, ರಷ್ಯಾ (Russia) ಸೇನಾ ಪಡೆಗಳು ಉಕ್ರೇನ್ ಬಳಿ ಸೇನಾ ಸಮರಾಭ್ಯಾಸ ನಡೆಸಿದ್ದು, ಉಕ್ರೇನ್ (Ukraine) ಮೇಲೆ ರಷ್ಯಾ ದಾಳಿ ನಡೆಸುವ ಸಾಧ್ಯತೆಯ ಬಗ್ಗೆ ಅಮೆರಿಕ ಎಚ್ಚರಿಕೆ ನೀಡಿತ್ತು. ಏತನ್ಮಧ್ಯೆ, ರಾಜತಾಂತ್ರಿಕರು ಮತ್ತು ಸರ್ಕಾರಿ ನಾಯಕರು ಯುದ್ಧವನ್ನು (Ukrain Russia World War) ತಪ್ಪಿಸಲು ಪ್ರಯತ್ನಿಸುತ್ತಿದ್ದಾರೆ. ಇದಕ್ಕಾಗಿ ಅವರು ಸಂಘರ್ಷ ಮಾಡುತ್ತಿರುವುದು ತೋರುತ್ತಿದೆ.
ಕೀವ್‌ನಲ್ಲಿರುವ ತನ್ನ ರಾಯಭಾರ ಕಚೇರಿಯನ್ನು ಖಾಲಿ ಮಾಡುತ್ತಿದೆ ಅಮೇರಿಕಾ
ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ದಾಳಿ ನಡೆಸಲು ನಿರ್ಧರಿಸಿದ್ದಾರೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ ಎಂದು ಶ್ವೇತಭವನ (White House) ಹೇಳಿದೆ. ಆದರೆ ಪುಟಿನ್ (Vladimir Putin) ಅವರು ದಾಳಿಗೆ ಬೇಕಾದ ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ. ಕೀವ್‌ನಲ್ಲಿರುವ ತನ್ನ ರಾಯಭಾರ ಕಚೇರಿಯನ್ನು ಸ್ಥಳಾಂತರಿಸಲು ಯುಎಸ್ ಸಿದ್ಧತೆ ನಡೆಸುತ್ತಿದೆ ಮತ್ತು ಉಕ್ರೇನ್‌ನಲ್ಲಿ ವಾಸಿಸುವ ಅಮೆರಿಕನ್ನರನ್ನು (US) 48 ಗಂಟೆಗಳ ಒಳಗೆ ದೇಶವನ್ನು ತೊರೆಯುವಂತೆ ಕೇಳಿಕೊಂಡಿದೆ.
ಉಕ್ರೇನ್‌ನಲ್ಲಿ ವಾಸಿಸುವ US ನಾಗರಿಕರಿಗೆ ದೇಶವನ್ನು ತೊರೆಯಲು ಸೂಚನೆಗಳು
ಫೆಬ್ರವರಿ 20 ರಂದು ಚೀನಾದಲ್ಲಿ (China) ನಡೆಯುತ್ತಿರುವ ಚಳಿಗಾಲದ ಒಲಿಂಪಿಕ್ಸ್ (Winter Olympics) ಅಂತ್ಯದವರೆಗೆ ದಾಳಿಯ ಸಾಧ್ಯತೆಯಿಲ್ಲ ಎಂದು ಅನೇಕ ವಿಶ್ಲೇಷಕರು ನಂಬಿದ್ದಾರೆ. ಯುಎಸ್ ಅಧ್ಯಕ್ಷ ಜೋ ಬಿಡೆನ್ (Joe Biden) ಅವರ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್ ಸುಲ್ಲಿವಾನ್ ಉಕ್ರೇನ್‌ನಲ್ಲಿ ವಾಸಿಸುವ ಎಲ್ಲಾ ಅಮೇರಿಕನ್ ನಾಗರಿಕರನ್ನು ಸಾಧ್ಯವಾದಷ್ಟು ಬೇಗ ಹೊರಡುವಂತೆ ಸೂಚಿಸಿದ್ದಾರೆ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಯಾವುದೇ ಸಮಯದಲ್ಲಿ ಉಕ್ರೇನ್ ಮೇಲೆ ದಾಳಿ ನಡೆಸಲು ಆದೇಶಿಸಬಹುದು ಎಂದು ಅವರು ಹೇಳಿದ್ದಾರೆ.
ಉಕ್ರೇನ್ ಮತ್ತು ರಷ್ಯಾ ನಡುವೆ ಈ ದಿನ ಯುದ್ಧ ಆರಂಭಗೊಳ್ಳಬಹುದು
ಈ ಕುರಿತು ಅನಾಮಧೇಯತೆಯ ಷರತ್ತಿನ ಮೇಲೆ ಮಾಹಿತಿ ನೀಡಿರುವ ಯುಎಸ್ ಅಧಿಕಾರಿಯೊಬ್ಬರು , ರಷ್ಯಾ ಬುಧವಾರ ಯುದ್ಧದ ದಿನಾಂಕವನ್ನು ನಿಗದಿಪಡಿಸಿದೆ ಎಂದು ಯುಎಸ್ ಗುಪ್ತಚರವನ್ನು ಪಡೆದಿದೆ ಎಂದು ಹೇಳಿದ್ದಾರೆ. ನ್ಯಾಟೋ (ಉತ್ತರ ಅಟ್ಲಾಂಟಿಕ್ ಟ್ರೀಟಿ ಆರ್ಗನೈಸೇಶನ್) ಮಿತ್ರರಾಷ್ಟ್ರಗಳಿಗೆ ತನ್ನ ಬದ್ಧತೆಯನ್ನು ಪ್ರದರ್ಶಿಸಲು ಮತ್ತು ಉಕ್ರೇನ್ ಮೇಲೆ ರಷ್ಯಾದ ದಾಳಿಯ ಆತಂಕದ ನಡುವೆ, ಅಮೇರಿಕಾ ಈಗಾಗಲೇ ಪೋಲೆಂಡ್‌ನಲ್ಲಿರುವ 1,700 ಸೈನಿಕರ ಜೊತೆಗೆ ಪೋಲೆಂಡ್‌ಗೆ 3,000 ಹೆಚ್ಚುವರಿ ಸೈನಿಕರನ್ನು ಉಕ್ರೇನ್ ಗೆ ಕಳುಹಿಸುತ್ತಿದೆ ಎಂದು ಪೆಂಟಗನ್ ಶುಕ್ರವಾರ ಘೋಷಿಸಿದೆ.
ದೂರವಾಣಿ ಮೂಲಕ ಬಿಡೆನ್-ಪುಟಿನ್ ಮಾತುಕತೆ
ಬಿಡೆನ್ ಮತ್ತು ಪುಟಿನ್ ಬಿಕ್ಕಟ್ಟಿನ ಬಗ್ಗೆ ಶನಿವಾರ ದೂರವಾಣಿ ಕರೆ ಮೂಲಕ ಮಾತುಕತೆ ನಡೆಸಲಿದ್ದಾರೆ ಎಂದು ಶ್ವೇತಭವನ ತಿಳಿಸಿದೆ. ರೊಮೇನಿಯಾದ ಕಾನ್ಸ್ಟಾಂಟಾದ ಕಪ್ಪು ಸಮುದ್ರದ ಬಂದರಿನಲ್ಲಿ ಯುಎಸ್ ಭಾರೀ ಮಿಲಿಟರಿ ಸಾಮಗ್ರಿಗಳನ್ನು ನಿಯೋಜಿಸುತ್ತಿದೆ, ಇದು ಯುಎಸ್ ತನ್ನ ಮಿಲಿಟರಿ ಉಪಸ್ಥಿತಿಯನ್ನು ಹೆಚ್ಚಿಸುತ್ತಿದೆ ಎಂಬುದರ ಸಂಕೇತವಾಗಿದೆ. ಇದಲ್ಲದೇ ಇನ್ನೂ 1,000 ಸೈನಿಕರು ಅಲ್ಲಿನ ವಾಯುನೆಲೆಯನ್ನು ತಲುಪುತ್ತಿದ್ದಾರೆ. ರಷ್ಯಾ, ಉಕ್ರೇನ್ ಮತ್ತು ಮೂರು NATO ಮಿತ್ರರಾಷ್ಟ್ರಗಳು ಆಯಕಟ್ಟಿನ ಪ್ರಮುಖ ಕಪ್ಪು ಸಮುದ್ರದಲ್ಲಿ ಮಿಲಿಟರಿ ನೆಲೆಗಳನ್ನು ಹೊಂದಿವೆ.
ಕಪ್ಪು ಸಮುದ್ರ ಪ್ರದೇಶದಲ್ಲಿ ರಷ್ಯಾ ಹಲವಾರು ಯುದ್ಧನೌಕೆಗಳ ನಿಯೋಜನೆ
ಈ ಕುರಿತು ಕಾನ್ಸ್ಟಾಂಟಾದಲ್ಲಿ ಮಾಹಿತಿ ನೀಡಿರುವ NATO ಸೆಕ್ರೆಟರಿ ಜನರಲ್ Zhenya Stoltenberg, "ಕಪ್ಪು ಸಮುದ್ರದ ಪ್ರದೇಶದಿಂದ ಬಾಲ್ಟಿಕ್ವರೆಗಿನ ಮಿತ್ರರಾಷ್ಟ್ರಗಳು ಈ ನಿರ್ಣಾಯಕ ಸಮಯದಲ್ಲಿ NATO ಉಪಸ್ಥಿತಿಯನ್ನು ಹೆಚ್ಚಿಸುತ್ತಿವೆ" ಎಂದಿದ್ದಾರೆ. ರಷ್ಯಾದ ಬಾಲ್ಟಿಕ್ ಮತ್ತು ಉತ್ತರ ಫ್ಲೀಟ್ನ ಯುದ್ಧನೌಕೆಗಳು ಕಪ್ಪು ಸಮುದ್ರದ ಕ್ರಿಮಿಯನ್ ಪರ್ಯಾಯ ದ್ವೀಪದಲ್ಲಿರುವ ಸೆವಾಸ್ಟೊಪೋಲ್ ಕೊಲ್ಲಿಗೆ ಆಗಮಿಸಿವೆ. 2014 ರಲ್ಲಿ ರಷ್ಯಾ ಈ ಪರ್ಯಾಯ ದ್ವೀಪಗಳನ್ನು ಆಕ್ರಮಿಸಿಕೊಂಡಿದೆ. ಹೀಗಾಗಿ ಹಲವಾರು ರಷ್ಯಾದ ಹಡಗುಗಳು ಈಗಾಗಲೇ ಕಪ್ಪು ಸಮುದ್ರದ ಫ್ಲೀಟ್ನಲ್ಲಿ ನೆಲೆಗೊಂಡಿವೆ ಎಂದರೆ ತಪ್ಪಾಗಲಾರದು.
ಇದನ್ನೂ ಓದಿ-ವಿಚ್ಛೇದನದ 24 ಗಂಟೆಗಳಲ್ಲೇ 3ನೇ ಮದುವೆ! 49ನೇ ವಯಸ್ಸಿನಲ್ಲಿ 18ರ ಯುವತಿ ಜೊತೆ ಸಂಸದನ ಮ್ಯಾರೇಜ್
ಮುಂಬರುವ ದಿನಗಳಲ್ಲಿ ಕಪ್ಪು ಸಮುದ್ರ ಮತ್ತು ಅಜೋವ್ ಸಮುದ್ರದಲ್ಲಿ ವ್ಯಾಪಕವಾದ ಸಮರಾಭ್ಯಾಸ ನಡೆಸುವುದಾಗಿ ಮಾಸ್ಕೋ ಘೋಷಿಸಿದೆ. ರಷ್ಯಾ ಮತ್ತು ಅದರ ಮಿತ್ರ ಬೆಲಾರಸ್ ಉಕ್ರೇನ್‌ನ ಉತ್ತರ ಗಡಿಯ ಬಳಿ 10 ದಿನಗಳ ಸಮರಾಭ್ಯಾಸ ಆರಂಭಿಸುತ್ತಿವೆ.
ಇದನ್ನೂ ಓದಿ-ಜಗತ್ತು ಇನ್ನೂ COVID ನಿಂದ ಮುಕ್ತವಾಗಿಲ್ಲ, ಹೆಚ್ಚಿನ ರೂಪಾಂತರಗಳನ್ನು ನಿರೀಕ್ಷಿಸಲಾಗಿದೆ: WHO ಎಚ್ಚರಿಕೆ
ಉಕ್ರೇನ್ ಮೇಲೆ ದಾಳಿ ಮಾಡುವ ಉದ್ದೇಶವಿಲ್ಲ
ಉಕ್ರೇನ್ ಬಿಕ್ಕಟ್ಟನ್ನು ಎದುರಿಸಲು ಯುರೋಪಿಯನ್ ನಾಯಕರು ಕಳೆದ ಹಲವು ವಾರಗಳಲ್ಲಿ ಹಲವಾರು ರಾಜತಾಂತ್ರಿಕ ಮಟ್ಟದ ಮಾತುಕತೆಗಳನ್ನು ನಡೆಸಿದ್ದಾರೆ. ಆದರೆ ಯಾವುದೇ ವಿಶೇಷ ಫಲಿತಾಂಶಗಳು ಪ್ರಕಟವಾಗಿಲ್ಲ. ಆದರೆ ಶುಕ್ರವಾರ, ಮಾಸ್ಕೋದಿಂದ ಸ್ವಲ್ಪ ಸಕಾರಾತ್ಮಕ ಸುದ್ದಿ ಪ್ರಕಟಗೊಂಡಿದ್ದು, ಬ್ರಿಟನ್ನ ರಕ್ಷಣಾ ಕಾರ್ಯದರ್ಶಿ ಬೆನ್ ವ್ಯಾಲೇಸ್ ಅವರು ತಮ್ಮ ರಷ್ಯಾದ ಕೌಂಟರ್ಪಾರ್ಟ್ ಸೆರ್ಗೆಯ್ ಶೋಯಿಗು ಅವರೊಂದಿಗೆ ಮಾತುಕತೆ ನಡೆಸಿದ್ದಾರೆ ಎಂದು ಹೇಳಿದ್ದಾರೆ. ಅವರು ಉಕ್ರೇನ್ ಮೇಲೆ ದಾಳಿ ಮಾಡುವ ಉದ್ದೇಶ ಹೊಂದಿಲ್ಲ ಎಂದು ರಷ್ಯಾ ಸರ್ಕಾರ ನನಗೆ ಸ್ಪಷ್ಟವಾಗಿ ಹೇಳಿದೆ ಎಂದಿದ್ದಾರೆ.
ಇದನ್ನೂ ಓದಿ-Corona ಹೊಸ ರೂಪಾಂತರಿ ಯಾವಾಗ ವಕ್ಕರಿಸಲಿದೆ, WHO ಹೇಳಿದ್ದೇನು?
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
