ಸ್ಟಾಕ್ಹೋಮ್: ಕತ್ತಲೆಯ ನಂತರ ಎಲ್ಲವೂ ಕಪ್ಪು ಮತ್ತು ಗಾಢವಾಗಿ ಕಾಣುತ್ತದೆ. ಆದರೆ ಸ್ವೀಡನ್‌ನ ಈ ಪ್ರದೇಶದಲ್ಲಿ ಮಾತ್ರ ಕತ್ತಲಾಗುತ್ತಿದ್ದಂತೆ ಆಕಾಶವು ಇದ್ದಕ್ಕಿದ್ದಂತೆ ನೇರಳೆ ಬಣ್ಣಕ್ಕೆ ತಿರುಗಿತು. ಏನಾಯಿತು ಎಂದು ಜನರಿಗೆ ಬಹಳ ಸಮಯ ಅರ್ಥವಾಗಲಿಲ್ಲ. ಆದರೆ ಈಗ ಇದರ ಹಿಂದಿನ ಕಾರಣವನ್ನು ಜನರು ತಿಳಿದುಕೊಂಡಿದ್ದಾರೆ.
ರೋಚಕ ಕಥೆ ತಿಳಿದು ನಿಟ್ಟುಸಿರು ಬಿಟ್ಟ ಜನ:
ಸ್ವೀಡನ್‌ನ ದಕ್ಷಿಣ ಕರಾವಳಿಯ ಟ್ರೆಲಿಬೋರ್ಗ್‌ನಲ್ಲಿ ರಾತ್ರಿಯಲ್ಲಿ ಆಕಾಶವು (Sky) ಕಪ್ಪು ಬಣ್ಣದಿಂದ ನೇರಳೆ ಬಣ್ಣಕ್ಕೆ ಬದಲಾಯಿತು. ಆರಂಭದಲ್ಲಿ ಜನರು ಈ ಘಟನೆಯ ಬಗ್ಗೆ ತುಂಬಾ ಭಯಭೀತರಾದರು. ನಂತರ ಕಾರಣವನ್ನು ತಿಳಿದಾಗ ಇಲ್ಲಿನ ಜನರು ನಿಟ್ಟುಸಿರು ಬಿಟ್ಟರು. ವಾಸ್ತವವಾಗಿ ಹತ್ತಿರದ ಟೊಮೆಟೊ (Tomato) ಫಾರ್ಮ್‌ನಲ್ಲಿ ಇಂಧನ ದಕ್ಷತೆಯ ಬೆಳಕಿನ ವ್ಯವಸ್ಥೆಯನ್ನು ಸ್ಥಾಪಿಸಲಾಗಿದೆ. ಇದರಿಂದಾಗಿ ಅಲ್ಲಿ ನೇರಳೆ ಬೆಳಕು ಹೊರಸೂಸುತ್ತದೆ ಮತ್ತು ಆಕಾಶದ ಬಣ್ಣವೂ ಬದಲಾಗುತ್ತದೆ.
ಈ ನಗರದಲ್ಲಿ Recharge Planಗಿಂತಲೂ ಕಡಿಮೆ ದರದಲ್ಲಿ ಸಿಗುತ್ತೆ ಮನೆ, ಕಾರಣ ಏನು ಗೊತ್ತಾ..!
ಎಲ್ಇಡಿ ದೀಪಗಳಿಂದ ಸಮಸ್ಯೆ:
ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಟ್ರೆಲಿಬೋರ್ಗ್‌ನಿಂದ 10 ನಿಮಿಷಗಳ ದೂರದಲ್ಲಿರುವ ಗಿಸ್ಲೋವ್‌ನ ಟೊಮೆಟೊ ಫಾರ್ಮ್‌ನಲ್ಲಿ ಇಂಧನ ಉಳಿಸುವ ಎಲ್ಇಡಿ (LED) ಲೈಟ್ ವ್ಯವಸ್ಥೆಯನ್ನು ಸ್ಥಾಪಿಸಲಾಗಿದೆ. ಇದು ನೇರಳೆ ಬಣ್ಣದ್ದಾಗಿದೆ. ಮರಗಳ ಮೇಲೆ ಬೀಳುವ ಬೆಳಕು ಅವರ ಆರೋಗ್ಯಕ್ಕೆ ಒಳ್ಳೆಯದು ಎಂದು ಹೇಳಲಾಗುತ್ತದೆ. ಈ ಉದ್ದೇಶಕ್ಕಾಗಿ ಹೆಚ್ಚಿನ ಬೆಳಕನ್ನು ಹೊಂದಿರುವ ಈ ಎಲ್ಇಡಿ ದೀಪಗಳನ್ನು ಸ್ಥಾಪಿಸಲಾಗಿದೆ. ಆದರೆ ಅವರ ಪ್ರಯತ್ನವು ಜನರಿಗೆ ತೊಂದರೆ ಉಂಟುಮಾಡುತ್ತದೆ ಎಂದು ಕೃಷಿ ಮಾಲೀಕರಿಗೆ ತಿಳಿದಿರಲಿಲ್ಲ ಎನ್ನಲಾಗಿದೆ.
ಪಾಕಿಸ್ತಾನದಲ್ಲಿ ವಿಷ್ಣುವಿನ 1,300 ವರ್ಷಗಳ ಹಳೆಯ ದೇಗುಲ ಪತ್ತೆ
ದೂರು ನೀಡಿದ ಬಳಿಕ ಕ್ರಮ:
ಬೆಳಕು ಎಷ್ಟು ಪ್ರಬಲವಾಗಿದೆಯೆಂದರೆ ಆಕಾಶವು ಕತ್ತಲೆಯಾದ ಕೂಡಲೇ ನೇರಳೆ ಬಣ್ಣಕ್ಕೆ ಬರುತ್ತದೆ. ಈ ನಿಟ್ಟಿನಲ್ಲಿ ಜನರು ಕೂಡ ದೂರು ನೀಡಿದ್ದು ದೂರಿನ ಮೇರೆಗೆ ಇಲ್ಲಿ ಸಂಜೆ 5 ರಿಂದ 11 ಗಂಟೆವರೆಗೆ ಲೈಟ್ ಸ್ವಿಚ್ ಆಫ್ ಮಾಡಲು ಪ್ರಾರಂಭಿಸಲಾಗಿದೆ. ಈ ಸಮಯದಲ್ಲಿ ಕೆಲವು ಗಂಟೆಗಳ ಕಾಲ ದೀಪಗಳನ್ನು ಸ್ವಿಚ್ ಆಫ್ ಮಾಡಲಾಗುತ್ತಿದೆ ಎಂದು ಟ್ರೆಲಿಬೋರ್ಗ್ ಪರಿಸರ ವ್ಯವಸ್ಥಾಪಕ ಮೈಕೆಲ್ ನೊರೆನ್ ಹೇಳುತ್ತಾರೆ, ಆದರೆ ಶೀಘ್ರದಲ್ಲೇ ದೀಪಗಳು ಉರಿಯುತ್ತಲೇ ಇರುತ್ತವೆ ಮತ್ತು ಯಾರೂ ಇದರಿಂದ ತೊಂದರೆಗೆ ಸಿಲುಕದಂತೆ ಮತ್ತೊಂದು ಯೋಜನೆಯನ್ನು ಮಾಡಲಾಗುವುದು ಎಂದು ತಿಳಿಸಿದ್ದಾರೆ. ಅದೇ ಸಮಯದಲ್ಲಿ ಟೊಮೆಟೊ ಫಾರ್ಮ್ನ ಮಾಲೀಕ ಆಲ್ಫ್ರೆಡ್ ಪೆಡರ್ಸನ್ & ಸನ್, ವಿದ್ಯುತ್ ಉಳಿಸಲು ಹೀಗೆ ಮಾಡಲಾಗುತ್ತಿದೆ, ಯಾರಿಗೂ ತೊಂದರೆ ಕೊಡುವ ಉದ್ದೇಶ ನಮಗಿಲ್ಲ ಎಂದು ಹೇಳಿದ್ದಾರೆ.
