ಸೀರಿಯಲ್‌ ನಟಿಯ ಕಿರಿಕ್:‌ ಕೆಲಸ ಕಳೆದುಕೊಂಡ ಆಟೋಚಾಲಕ

Viral News: ಪುಟ್ಟಗೌರಿ ಮದುವೆ, ಪುನರ್‌ ವಿವಾಹ ಸೀರಿಯಲ್‌ ಖ್ಯಾತಿಯ ನಟಿ ಪದ್ಮಿನಿ ಆಟೋದಲ್ಲಿ ಪ್ರಯಾಣಿಸಿ ಚಾಲಕನಿಗೆ ದುಡ್ಡು ಕೊಡದೆ ಹಾಗೆಯೆ ಹೋಗಿದ್ದಾರೆ. ನಟಿ ಮಲ್ಲೇಶ್ವರಂನಿಂದ ಬನಶಂಕರಿಯವರೆಗೂ ಪ್ರಯಾಣಿಸಿ ಚಾಲಕನಿಗೆ ಹಣ ನೀಡದೆ ಕಿರಿಕ್‌ ಮಾಡಿಕೊಂಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಆಟೋ ಚಾಲಕನೊಂದಿಗೆ ಕಿರುತೆರೆ ನಟಿ ಪದ್ಮಿನಿ ಅವರು ಕಿರಿಕ್ ಮಾಡಿಕೊಂಡಿರುವ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. 

ಆಟೋದಲ್ಲಿ ಹೋಗಿ ಕಿರಿಕ್ ಮಾಡಿಕೊಂಡ ಸೀರಿಯಲ್ ನಟಿ ಪದ್ಮಿನಿ, ನಡು ರಸ್ತೆಯಲ್ಲೇ ಆಟೋ ಚಾಲಕನೊಂದಿಗೆ ಜಗಳವಾಡಿ ತಾವು ಪ್ರಯಾಣಿಸಿದ್ದ ಆಟೋ ಬಾಡಿಗೆ ( 437ರೂ.) ನೀಡದೆ ಆಟೋ ಡ್ರೈವರ್‌ ಆಸಭ್ಯವಾಗಿ ವರ್ತಿಸಿದ್ದಾನೆಂದು ಓಲಾದಲ್ಲಿ ದೂರು ದಾಖಲಿಸಿದ್ದರು. ಅದರಿಂದ ಈಗ ಆಟೋ ಚಾಲಕನ ಕೆಲಸಕ್ಕೆ ಕುತ್ತಾಗಿದೆ. 
 
ಏನಿದು ಘಟನೆ? 
ಆಟೋ ಹತ್ತುವಾಗಲೇ ಬಿಲ್ ಯಾಕೋ ಜಾಸ್ತಿ ಇದ್ದಂತಿದೆ ಎಂದು ಗೊಣಗಾಡುತ್ತಲೇ ಆಟೋ ಹತ್ತಿದ್ದ ಕಲಾವಿದೆ ಪದ್ಮಿನಿ, ನಂತರ ಆಟೋದಲ್ಲಿ ಹಾಡು ಹಾಕಿದ್ದಕ್ಕೆ ಮ್ಯೂಸಿಕ್‌ ಆಫ್‌ ಮಾಡಿ ನಾನು ಫೋನ್‌ನಲ್ಲಿ ಮಾತನಾಡಬೇಕು ಎಂದರಂತೆ. ಆಗ ಆಟೋ ಡ್ರೈವರ್ ತಕ್ಷಣವೇ ಮ್ಯೂಸಿಕ್ ಆಫ್‌ ಮಾಡಿದ್ದಾರೆ.  ಫೋನ್‌ನಲ್ಲಿ ಬೇರೆಯವರೊಂದಿಗೆ ಟೆನ್‌ಷನ್‌ನಲ್ಲಿ ಮಾತನಾಡುತ್ತಿದ್ದ ನಟಿ ಯಾವುದೋ ಫಂಕ್ಷನ್‌ ಬಗ್ಗೆ ಮಾತನಾಡುತ್ತಿದ್ದರು ಎಂದು ತಿಳಿದುಬಂದಿದೆ. 

ಇದನ್ನೂ ಓದಿ- Viral Video : ಅಯ್ಯೋ ದೇವರೇ...ಅದು ರಿಂಗ್‌ ಅಲ್ಲ ಹಾವು..ಡೌಡ್‌ ಇದ್ರೆ ಈ ವಿಡಿಯೋ ನೋಡಿ!

ಇನ್ನೂ ಕಲಾವಿದೆ ಪದ್ಮಿನಿ ಅವರು ಮಲ್ಲೇಶ್ವರಂನಿಂದ ಬನಶಂತರಿ 2ನೇ ಹಂತಕ್ಕೆ  ಆಟೋ ಬುಕ್ ಮಾಡಿದ್ದರು. ಅವರು ನೀಡಿದ್ದ ಲೋಕೇಶನ್ ಪ್ರಕಾರವೇ ಅವರನ್ನು ಕರೆದುಕೊಂಡು ಹೋದೆ. ಪಾದರಾಯನಪುರದಿಂದ ಬ್ಯಾಟರಾಯನಪುರ, ಫೈಪ್‌ ಲೈನ್‌ ರಸ್ತೆ ತೋರಿಸಿತ್ತತ್ತು. ಆ ಚಿಕ್ಕ ಬಿಸಿ ರೋಡ್‌ನಲ್ಲೇ ನಾನು ಹೋದೆ. ಮಸೀದಿ ಹತ್ತಿರ 5-10 ನಿಮಿಷದರವರೆಗೂ ಟ್ರಾಫಿಕ್‌ಜಾಮ್‌ ಆಗಿತ್ತು. ಪದ್ಮನಿ ಸಡನ್‌ ಆಗಿ ಈ ರಸ್ತೆಯಲ್ಲಿ ಯಾಕೆ ಬಂದ್ರಿ. ಬೇರೆ ರಸ್ತೆಯಲ್ಲಿ ಹೋಗಬಹುದಿತ್ತಲ್ವ ಅಂತ ಕೇಳಿದರು. ಅದಕ್ಕೆ ನಾನು ಮ್ಯಾಪ್‌ನಲ್ಲಿ ಯಾವ ರಸ್ತೆ ತೋರಿಸಿತೋ ಆ ರಸ್ತೆಯಲ್ಲಿ ಹೋಗುತ್ತಿದ್ದೇನೆ. ನೀವು ಬೇರೆ ರಸ್ತೆ ತೋರಿಸಿದ್ದರೆ ಅದೇ ರಸ್ತೆಯಲ್ಲಿ ಹೋಗುತ್ತಿದ್ದೆ ಎಂದರಂತೆ ಆಟೋ ಚಾಲಕ. 

ಈ ಸಮಯದಲ್ಲಿ ಸಲ್ವ ಹೊತ್ತು ಸುಮ್ಮನಾದ ನಟಿ ಪದ್ಮಿನಿ, ಮತ್ತೆ ಲೇಟ್‌ ಆಗ್ತಾಯಿದೆ ಅಂತ ಹೇಳಿದರು. ಆಯ್ತು ಅಂತ ಹೇಳಿದೆ. ಸಡನ್‌ನಾಗಿ ಬೇರೆ ಆಟೋದವರು ಮುಂದೆ ಬಂದರು. ಆ ವೇಳೆ ಬ್ರೇಕ್‌ ಹಾಕಿದೆ. ಆಗ ಅವರು ಏನ್ ಹಾಗೆ ಬ್ರೇಕ್‌ ಹಾಕ್ತೀರ ಅಂತ ಅಂದರು. ಇದಕ್ಕೆ ನಾನು ಬ್ರೇಕ್ ಹಾಕದಿದ್ದರೆ ಮುಂದಿರುವ ವಾಹನಕ್ಕೆ ಡಿಕ್ಕಿ ಹೊಡೆಯಬೇಕಾಗುತ್ತದೆ ಎಂದು ಹೇಳಿದೆ. ಮತ್ತೆ ಲೇಟ್ ಆಗ್ತಿದೆ ಬೇಗ ಹೋಗಿ ಅಂದ್ರು. ಆಗ ಬೆಂಗಳೂರಿನಲ್ಲಿ ಟ್ರಾಫಿಕ್ ಇದ್ದೇ ಇರುತ್ತೆ, ಹೇಗ್ ಬೇಗ ಹೋಗ್ಲಿ ಎಂದು ಕೇಳಿದೆ. ಇದಕ್ಕೆ ಕುಪಿತರಾದ ಪದ್ಮಿನಿಯವರು ತಾವು ಆಟೋದಿಂದ ಕೆಳಗಿಳಿಯುವುದಾಗಿ ಹೇಳಿದರು. ಅದಕ್ಕೆ ನಾನು ನಾನೇ ಕರೆದುಕೊಂಡು ಹೋಗುತ್ತೇನೆ ಎಂದರೂ ಒಪ್ಪದೆ ಮಧ್ಯ ದಾರಿಯಲ್ಲೇ ಆಟೋ ನಿಲ್ಲಿಸಿ ಎಂದು ಹೇಳಿ ಇಳಿದರು. ನಾನು ಆಟೋ ಬಾಡಿಗೆ ಕೇಳಿದೆ, ಆದರೆ, ಅವರು ಹಣ ನೀಡದೆ ಮುಂದೆ ಇದ್ದ ಆಟೋ ಹತ್ತಿದರು. ಮುಂದೆ ಗಾಡಿಗಳು ಜಾಮ್ ಆಗಿದ್ದರಿಂದ ಗಾಡಿಯನ್ನು ಅಲ್ಲೇ ಸೈಡ್ ಗೆ ಹಾಕಿ ದುಡ್ಡು ಕೊಡಿ ಮೇಡಂ ಎಂದು ಕೇಳಿದೆ.  ದುಡ್ಡು ಕೊಡಲ್ಲ ಏನು ಮಾಡ್ತೀಯಾ?  ಅಂತ ಹೇಳಿ ಹೋಗೆ ಬಿಟ್ಟರು ಎಂದು ಆಟೋ ಚಾಲಕ ಅಳಲು ತೋಡಿಕೊಂಡಿರುವುದಾಗಿ ತಿಳಿದುಬಂದಿದೆ. 

ಇದನ್ನೂ ಓದಿ- Viral Video : ಬೈಕ್ ಸ್ಟಂಟ್ ಮಾಡುತ್ತಿರುವ ತಾತ...ಯಮರಾಜ ರಜೆಯಲ್ಲಿದ್ದಾನೆ ಅನ್ಸುತ್ತೆ ಎಂದ ನೆಟ್ಟಿಗರು..!

ಅಷ್ಟೇ ಅಲ್ಲದೆ, ಓಲಾ ಕಂಪನಿಗೆ ನಟಿ ಪದ್ಮಿನಿಯವರು ಆಟೋ ಚಾಲಕ ತನ್ನೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದಾನೆಂದು ದೂರು ನೀಡಿದ್ದಾರೆ. ಈ ಬಗ್ಗೆ ಕ್ರಮ ಕೈಗೊಂಡಿರುವ ಓಲಾ ಕಂಪನಿ ಚಾಲಕನನ್ನು ಅಮಾನತುಗೊಳಿಸಿರುವುದು ಆ ಬಡ ಆಟೋ ಚಾಲಕನಿಗೆ ಗಾಯದ ಮೇಲೆ ಬರೆ ಏಳೆದಂತಾಗಿದೆ. 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/watch?v=q9auZ2eqeZo
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.