FIFA World Cup 2022 : ತಮ್ಮ ಮಕ್ಕಳು ಯಶಸ್ಸನ್ನು ಸಾಧಿಸಿದಾಗ ಮತ್ತು ಅವರ ಗುರಿಗಳನ್ನು ತಲುಪಿದಾಗ ಪೋಷಕರು ಯಾವಾಗಲೂ ಸಂಭ್ರಮಿಸುತ್ತಾರೆ. ಮಕ್ಕಳ ಗೆಲುವಿನಲ್ಲಿ ಹೆತ್ತವರ ಸಂತೋಷ ಅಡಗಿದೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿಯಾಗಿದೆ. ವೈರಲ್ ಆಗುತ್ತಿರುವ ಈ ಅದ್ಭುತ ವಿಡಿಯೋದಲ್ಲಿ ತಾಯಿಯ ಸಂತೋಷ ನೋಡುಗರ ಹೃದಯ ಸ್ಪರ್ಷಿಯಾಗಿದೆ. FIFA ವಿಶ್ವಕಪ್ 2022 ರ ಪಂದ್ಯದ ಸಮಯದಲ್ಲಿ ಈ ವಿಡಿಯೋ ಸೆರೆ ಸಿಕ್ಕಿದೆ. ಇದರಲ್ಲಿ 27 ವರ್ಷದ ಸ್ಯಾಮ್ ಅಡೆಕುಗ್ಬೆ ಅವರನ್ನು ಬೆಲ್ಜಿಯಂ ವಿರುದ್ಧ ಕೆನಡಾ ತಂಡದ ಪರ ಆಡಲು ಬದಲಿ ಆಟಗಾರನಾಗಿ ಕರೆಯಲಾಯಿತು. ಮಗನ ಈ ಆಟವನ್ನು ತಾಯಿಯು ಟಿವಿಯಲ್ಲಿ ವೀಕ್ಷಿಸಿದರು. ತನ್ನ ಕರುಳಕುಡಿಯ ಆಟ ಕಂಡು ಹಿರಿ ಹಿರಿ ಹಿಗಿದ್ದಾರೆ.
ಇದನ್ನೂ ಓದಿ : Trending Video : ಸೊಂಡಿಲಿನಿಂದ ಡ್ರಮ್ ನುಡಿಸುವ ಆನೆ.. ವಿಡಿಯೋ ವೈರಲ್
ಇಎಸ್‌ಪಿಎನ್‌ನಿಂದ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಅಡೆಕುಗ್ಬೆ ಅವರ ತಾಯಿ ಟಿವಿ ಮುಂದೆ ನಿಂತಿರುವಾಗ ಸಂತೋಷದಿಂದ ಕುಣಿಯುವುದನ್ನು ನೋಡಬಹುದು. “ನನ್ನ ಮಗ ವಿಶ್ವಕಪ್‌ನಲ್ಲಿ ಆಡುತ್ತಿದ್ದಾನೆ. ಧನ್ಯವಾದಗಳು, ಯೇಸು” ಎಂದಿದ್ದಾರೆ. ಸ್ಯಾಮ್ ಅಡೆಕುಗ್ಬೆ ಅವರ ತಾಯಿ ಡೀ, ತಮ್ಮ ಮಗ ವಿಶ್ವಕಪ್‌ನಲ್ಲಿ ಕೆನಡಾ ಪರ ಆಡುವುದನ್ನು ನೋಡಲು ತುಂಬಾ ಉತ್ಸುಕರಾಗಿದ್ದರು.
ಈ ವಿಡಿಯೋ 123 ಸಾವಿರಕ್ಕೂ ಹೆಚ್ಚು ಲೈಕ್‌ಗಳನ್ನು ಗಳಿಸಿದೆ ಮತ್ತು ಅನೇಕ ಪ್ರತಿಕ್ರಿಯೆಗಳನ್ನು ಪಡೆದುಕೊಂಡಿದೆ. ಫುಟ್ಬಾಲ್ ಆಟಗಾರನ ತಾಯಿಯ ಸಂತೋಷವು ಅನೇಕರ ಕಣ್ಣಾಲೆಗಳನ್ನು ಒದ್ದೆಯಾಗಿಸಿದೆ. ಅನೇಕರು ಈ ತಾಯಿ ಸಂತೋಷದ ಬಗ್ಗೆ ಕಾಮೆಂಟ್‌ ಮಾಡಿದ್ದಾರೆ. ಮತ್ತೆ ಒಂದಷ್ಟು ಮಂದಿ ಫುಟ್ಬಾಲ್ ಆಟಗಾರನ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ : TATA ಒಡೆತನಕ್ಕೆ ಸೇರಲಿದೆ Bisleri: ಭಾವನಾತ್ಮಕ ಪತ್ರ ಬರೆದ ಅಧ್ಯಕ್ಷರು ಹೇಳಿದ್ದೇನು?
ತಮ್ಮ ಮಕ್ಕಳ ಯಶಸ್ಸನ್ನು ನೋಡುವುದು ಪೋಷಕರಿಗೆ ಹೆಮ್ಮೆಯ ಕ್ಷಣವಾಗಿದೆ. ಅದರಲ್ಲೂ FIFA ವಿಶ್ವಕಪ್‌ನಂತಹ ಕ್ರೀಟಾಕೂಟದಲ್ಲಿ ಭಾಗಿಯಾಗುವುದು ನಿಜಕ್ಕೂ ಜೀವಮಾನದ ಸಾಧನೆಗೆ ಸಮ. ಎಲ್ಲಕ್ಕಿಂತ ಶ್ರೇಷ್ಠ ವೇದಿಕೆಯಲ್ಲಿ ತಮ್ಮ ರಾಷ್ಟ್ರವನ್ನು ಪ್ರತಿನಿಧಿಸುವ ಫುಟ್ಬಾಲ್ ಆಟಗಾರನ ತಾಯಿಯ ಸಂತೋಷವಿದು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
