Violent monkey attacks: ಪ್ರಾಣಿಗಳ ವಿಚಿತ್ರ ವರ್ತನೆಗಳು ಮತ್ತು ಪ್ರಪಂಚದಾದ್ಯಂತ ಅವುಗಳ ದಾಳಿಯ ಬಗ್ಗೆ ನೀವು ಕೇಳಿರಬೇಕು. ಆದರೆ ಇಂದಿನ ಸುದ್ದಿ ಇದೆಲ್ಲದಕ್ಕಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ. ಕೋತಿ ಎಷ್ಟು ದುಷ್ಟನಾಗಿರಬಹುದು? ಆತನ ಚೇಷ್ಟೆಗಳಿಂದಾಗಿ ಕಾನ್ಪುರದ ಮೃಗಾಲಯದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದೆ. ಕೋತಿಗೆ ವಿಧಿಸಿದ ಶಿಕ್ಷೆಯಿಂದಾಗಿ ಈ ಪ್ರಕರಣವು ವಿಶಿಷ್ಟವಾಗಿದೆ. ಈ ಕೋತಿಯ ಹೆಸರು ಕಾಲಿಯಾ. ಇದನ್ನು ಮಿರ್ಜಾಪುರದಿಂದ ಸೆರೆಹಿಡಿದು ಕಾನ್ಪುರಕ್ಕೆ ಕರೆತರಲಾಯಿತು.
ಇದನ್ನೂ ಓದಿ : ಲೆಹೆಂಗಾ ತೊಟ್ಟು ಬುಲೆಟ್‌ ಮೇಲೆ ಸ್ಟಂಟ್.. ನಿಬ್ಬೆರಗಾಗಿಸುವ ವಿಡಿಯೋ ವೈರಲ್‌
ಕಾಲಿಯಾ ಬಗ್ಗೆ ಮಿರ್ಜಾಪುರದ ಜನರಲ್ಲಿ ಭಯದ ವಾತಾವರಣವಿತ್ತು. ವರದಿಗಳ ಪ್ರಕಾರ, ಕಾಲಿಯಾ ಈಗ 250 ಕ್ಕೂ ಹೆಚ್ಚು ಜನರ ಮೇಲೆ ದಾಳಿ ಮಾಡಿ ಗಾಯಗೊಳಿಸಿದೆ. ಅಂದಿನಿಂದ ಅರಣ್ಯ ಇಲಾಖೆ ಆತನಿಗೆ ಈ ಕಠಿಣ ಶಿಕ್ಷೆ ನೀಡಿದೆ. ಕಾನ್ಪುರದ ಝೂಲಾಜಿಕಲ್ ಗಾರ್ಡನ್‌ನಲ್ಲಿ ಕಾಲಿಯಾವನ್ನು ಪಂಜರದಲ್ಲಿ ಇರಿಸಲಾಗಿದೆ. ವಿಶೇಷವಾಗಿ ಮಕ್ಕಳು ಮತ್ತು ಮಹಿಳೆಯರ ಮೇಲೆ ಈ ಮಂಗ ದಾಳಿ ಮಾಡುತ್ತಿತ್ತು. ಅದನ್ನು ಹಿಡಿಯುವ ಧೈರ್ಯ ತೋರಿದವರು ಕಾನ್ಪುರದ ಪಶುವೈದ್ಯ ಡಾ.ಮೊಹಮ್ಮದ್ ನಾಸಿರ್. ಈ ಕೋತಿ ಮೃಗಾಲಯದಲ್ಲಿ ತನ್ನ ಶಿಕ್ಷೆಯ ಐದು ವರ್ಷಗಳನ್ನು ಪೂರೈಸಿದೆ, ಆದರೆ ಈಗಲೂ ಅವನ ನಡವಳಿಕೆಯು ಮೊದಲಿನಂತೆಯೇ ಇದೆ ಎಂದು ಜನರು ಹೇಳುತ್ತಾರೆ.
ಸುದ್ದಿಯ ಪ್ರಕಾರ, ಹಿಂದೆ ವ್ಯಕ್ತಿಯೊಬ್ಬರು ಅದನ್ನು ಸಾಕಿದ್ದರು. ತಮ್ಮ ಬಳಿ ಇಟ್ಟುಕೊಂಡಿದ್ದರು. ಅಲ್ಲಿ ಕಾಲಿಯಾಗೆ ತಿನ್ನಲು ಮಾಂಸ ಮತ್ತು ಕುಡಿಯಲು ಮದ್ಯವನ್ನು ನೀಡಲಾಯಿತು. ಅಂದಿನಿಂದ ಇದು ಮದ್ಯವ್ಯಸನಿಯಾಗಿದೆ. ಅದರ ಆಹಾರ ಕ್ರಮದಿಂದಾಗಿ ಅದು ಜನರೊಂದಿಗೆ ಹಿಂಸಾತ್ಮಕವಾಗಿ ವರ್ತಿಸುತ್ತದೆ ಎಂದು ಡಾ.ನಾಸಿರ್ ಹೇಳಿದರು. ಹೆಂಗಸರನ್ನು ಕಂಡರೆ ವಿಚಿತ್ರ ಅಸಭ್ಯ ಸನ್ನೆಗಳನ್ನು ಮಾಡಿ ಏನನ್ನೋ ಗೊಣಗುವುದು ಕೂಡ ಈ ಕೋತಿಯ ಕೆಟ್ಟ ಅಭ್ಯಾಸಗಳಲ್ಲಿ ಒಂದು. ಇದಾದ ಬಳಿಕ ಮುಂದೆ ಬಂದು ಹಲ್ಲೆ ನಡೆಸಿ ಗಾಯಗೊಳಿಸುತ್ತಿತ್ತು. ಇದನ್ನು ಸಾಕಿದ ವ್ಯಕ್ತಿಯ ಸಾವಿನ ನಂತರ ಜನರ ಮೇಲೆ ಮನಬಂದಂತೆ ಹಲ್ಲೆ ನಡೆಸಲಾರಂಭಿಸಿತು. ಈ ಕೋತಿ ಯಾರ ಮೇಲೆ ದಾಳಿ ಮಾಡಿದರೂ, ಅವರ ದೇಹದ ಮಾಂಸವನ್ನು ಕಚ್ಚಿ ತಿನ್ನುತ್ತಿತ್ತು ಎಂದು ಜನರು ಹೇಳಿದ್ದಾರೆ. ಹೀಗಾಗಿ ಈ ಕೋತಿಗೆ ಜೀವಾವಧಿ ಶಿಕ್ಷೆ ನೀಡಲಾಗಿದೆ.
ಇದನ್ನೂ ಓದಿ : ನ.29ಕ್ಕೆ ನಟರಾಕ್ಷನಸನ ʼಜಮಾಲಿಗುಡ್ಡʼದ ಟೀಸರ್‌ ರಿಲೀಸ್‌
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
