Man died after sneezing : ಉತ್ತರ ಪ್ರದೇಶದ ಮೀರತ್ ನಲ್ಲಿ ಶಾಕಿಂಗ್‌ ಪ್ರಕರಣವೊಂದು ಮುನ್ನೆಲೆಗೆ ಬಂದಿದೆ. ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಸೀನಿದ ಮರು ಘಳಿಗೆ ಯುವಕ ಸಾವನ್ನಪ್ಪಿದ್ದಾನೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಯುವಕ ಮೊದಲು ಎದೆಯ ಮೇಲೆ ಕೈ ಇಡುತ್ತಾನೆ. ನಂತರ ಸೀನುವಾಗ ಬಾಯಿ ಮೇಲೆ ಕೈ ಇಟ್ಟಿದ್ದನ್ನು ವಿಡಿಯೋದಲ್ಲಿ ಕಾಣಬಹುದು. ಇದಾದ ಬಳಿಕ ಕೆಲ ಕ್ಷಣ ನಡೆದ ಬಳಿಕ ನೆಲದ ಮೇಲೆ ಬಿದ್ದಿದ್ದಾನೆ. ಆ ನಂತರ ಮತ್ತೆ ಎದ್ದೇಳಲಿಲ್ಲ. ಯುವಕನಿಗೆ ಹಠಾತ್ ಹೃದಯಾಘಾತವಾಗಿದ್ದು, 2 ಸೆಕೆಂಡುಗಳಲ್ಲಿ ಸಾವನ್ನಪ್ಪಿದ್ದಾನೆ ಎಂದು ಹೇಳಲಾಗುತ್ತಿದೆ. ಯುವಕನ ಜೊತೆ ಹೋಗುತ್ತಿದ್ದ ಗೆಳೆಯರಿಗೂ ಈ ಘಟನೆಯಿಂದ ಶಾಕ್‌ ಆಗಿದೆ. ಮಾರ್ಗಮಧ್ಯೆ ಮನೆಯೊಂದರಲ್ಲಿ ಅಳವಡಿಸಲಾಗಿದ್ದ ಸಿಸಿಟಿವಿಯಲ್ಲಿ ಸಾವಿನ ಸಂಪೂರ್ಣ ದೃಶ್ಯ ಸೆರೆಯಾಗಿದೆ.
ಇದನ್ನೂ ಓದಿ : Elephant Attack: ಮದುವೆ ಫೋಟೋಶೂಟ್ ವೇಳೆ ಆನೆ ದಾಳಿ, ವಿಡಿಯೋ ವೈರಲ್
ರಾತ್ರಿ ಸಮಯದಲ್ಲಿ ನಾಲ್ವರು ಸ್ನೇಹಿತರು ಒಟ್ಟಿಗೆ ನಡೆದುಕೊಂಡು ಹೋಗುತ್ತಿದ್ದಾರೆ. ನಾಲ್ವರೂ ಗೆಳೆಯರೂ ಮಾತನಾಡುತ್ತಿರುವುದನ್ನು ಕಾಣಬಹುದು. ಸ್ನೇಹಿತರು ಪರಸ್ಪರರ ಹೆಗಲ ಮೇಲೆ ಕೈ ಹಾಕಿಕೊಂಡು ಹೋಗುತ್ತಿದ್ದಾರೆ. ಆಗ ಇದ್ದಕ್ಕಿದ್ದಂತೆ ಸ್ನೇಹಿತ ಸೀನುತ್ತಾನೆ. ಸೀನುವಿಕೆಯ ನಂತರ, ಯುವಕನು ತನ್ನ ಗಂಟಲಿನಲ್ಲಿ ಸ್ವಲ್ಪ ಬಿಗಿತವನ್ನು ಅನುಭವಿಸುತ್ತಾನೆ, ಅವನು ತನ್ನ ಗಂಟಲನ್ನು ಹಿಡಿದಿಟ್ಟುಕೊಳ್ಳುತ್ತಾನೆ. ಎರಡು ಹೆಜ್ಜೆ ಇಟ್ಟ ಕೂಡಲೇ ನೆಲದ ಮೇಲೆ ಬೀಳುತ್ತಾನೆ. ಅವನೊಂದಿಗೆ ಹೋಗುತ್ತಿದ್ದ ಮೂವರು ಸ್ನೇಹಿತರಿಗೆ ಏನಾಯಿತು ಎಂದು ಅರ್ಥವಾಗಲಿಲ್ಲ? ಅವನೊಂದಿಗೆ ಹೋಗುತ್ತಿದ್ದ ಮೂವರು ಹುಡುಗರು ಇದ್ದಕ್ಕಿದ್ದಂತೆ ನೆಲದ ಮೇಲೆ ಬಿದ್ದಿದ್ದ ತಮ್ಮ ಸ್ನೇಹಿತನನ್ನು ಕಂಡು ಅಳಲು ಆರಂಭಿಸಿದರು. ಕೂಡಲೇ ಯುವಕ ಕೈಕಾಲು ಉಜ್ಜಿ ಎಬ್ಬಿಸಲು ಯತ್ನಿಸಿದ್ದು, ಬಿದ್ದ ಯುವಕ ಮೇಲೇಳದಿರುವುದು ವಿಡಿಯೋದಲ್ಲಿ ಕಂಡು ಬಂದಿದೆ.
2 Dec 2022 : 🇮🇳 : A young man died due to 💔 attack💉 while walking.
Why? Because "Cov-ID-AI 💉 strong association with cardiovascular RIP"
Why? Because "India made a record of doing the biggest 💉campaign in human history"
But the gov. says I am not responsible.#heartattack pic.twitter.com/v89e9h5k6o
— Anand Panna (@AnandPanna1) December 4, 2022
ಮೂವರೂ ಗೆಳೆಯರು ಕೂಗುತ್ತಾರೆ. ಅವರ ಕಿರುಚಾಟ ಕೇಳಿ ಸ್ಥಳೀಯರು ಕೂಡ ಮನೆಯಿಂದ ಹೊರಗೆ ಬಂದಿದ್ದಾರೆ. ಇದಾದ ಬಳಿಕ ಮೂವರು ಯುವಕರು ಸೇರಿ ಅವನನ್ನು ಬೈಕ್ ನಲ್ಲಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ. ಯುವಕನನ್ನು ವೈದ್ಯರ ಬಳಿಗೆ ಕರೆದೊಯ್ದಾಗ, ವೈದ್ಯರು ಆತ ಸಾವನ್ನಪ್ಪಿದ್ದಾನೆ ಎಂದು ತಿಳಿಸಿದ್ದಾರೆ. ಘಟನೆ ಮೀರತ್ ನ ಕಿದ್ವಾಯಿ ನಗರದ ರಸ್ತೆ ಸಂಖ್ಯೆ 3 ರಲ್ಲಿ ಜರುಗಿದೆ ಎಂದು ಹೇಳಲಾಗಿದೆ. ಡಿಸೆಂಬರ್ 2 ರಂದು ರಾತ್ರಿ 10 ರಿಂದ 10:30 ರ ನಡುವೆ ಈ ದುರ್ಘಟನೆ ಸಂಭವಿಸಿದೆ.
ಇದನ್ನೂ ಓದಿ : Viral Video : ಅಡುಗೆ ಮನೆಯ ಸಿಲೆಂಡರ್‌ ಬಳಿಯಿತ್ತು ದೈತ್ಯ ಕಾಳಿಂಗ ಸರ್ಪ!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
