India vs Sri Lanka 1st ODI: ಗುವಾಹಟಿಯಲ್ಲಿ ಬರ್ಸಾಪರಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಮಂಗಳವಾರ (ಜನವರಿ 10) ನಡೆದ ಮೂರು ಪಂದ್ಯಗಳ ಸರಣಿಯ ಮೊದಲ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಶತಕ ಬಾರಿಸುವ ಮೂಲಕ ಭಾರತದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಏಕದಿನ ಅಂತರಾಷ್ಟ್ರೀಯ ಪಂದ್ಯದಲ್ಲಿ ತಮ್ಮ 45 ನೇ ಶತಕವನ್ನು ಗಳಿಸಿದರು. ಇದು ತಾಯ್ನಾಡಿನಲ್ಲಿ ವಿರಾಟ್ ಕೊಹ್ಲಿ ಅವರ 20 ನೇ ಏಕದಿನ ಶತಕವಾಗಿದ್ದು, ಈ ಮೂಲಕ ಬ್ಯಾಟಿಂಗ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಮತ್ತು ವಿರಾಟ್ ಕೊಹ್ಲಿ ಇಬ್ಬರೂ ಏಕದಿನ ಅಂತರಾಷ್ಟ್ರೀಯ ಪಂದ್ಯದಲ್ಲಿ ತವರು ನೆಲದಲ್ಲಿ ತಲಾ 20 ಶತಕಗಳನ್ನು ಸಿಡಿಸಿದ್ದಾರೆ. ಇದಲ್ಲದೆ, ಶ್ರೀಲಂಕಾ ವಿರುದ್ಧ ಏಕದಿನದಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ಸಚಿನ್ ತೆಂಡೂಲ್ಕರ್ ದಾಖಲೆಯನ್ನೂ ಕೊಹ್ಲಿ ಮುರಿದಿದ್ದಾರೆ. ತೆಂಡೂಲ್ಕರ್ ಎಂಟು ಶತಕಗಳನ್ನು ಗಳಿಸಿದ್ದಾರೆ. ಕೊಹ್ಲಿ ದ್ವೀಪವಾಸಿಗಳ ವಿರುದ್ಧ ತಮ್ಮ ಒಂಬತ್ತನೇ ಶತಕವನ್ನು ಗಳಿಸಿದರು. ಭಾರತ ಇನ್ನಿಂಗ್ಸ್‌ನ 47ನೇ ಓವರ್‌ನಲ್ಲಿ ಕೊಹ್ಲಿ 80 ಎಸೆತಗಳಲ್ಲಿ ಶತಕ ಪೂರೈಸಿದರು. ಸಚಿನ್ 160 ಇನ್ನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದರು.
ಇವರಿಬ್ಬರನ್ನು ಹೊರತುಪಡಿಸಿ, ದಕ್ಷಿಣ ಆಫ್ರಿಕಾದ ಹಾಶಿಮ್ ಆಮ್ಲಾ (69 ಇನ್ನಿಂಗ್ಸ್‌ಗಳಲ್ಲಿ 14 ) ಮತ್ತು ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾದಲ್ಲಿ 151 ಇನ್ನಿಂಗ್ಸ್‌ಗಳಲ್ಲಿ 14 ) ಸಹ ತವರಿನಲ್ಲಿ ಅತಿ ಹೆಚ್ಚು ಶತಕ ಗಳಿಸಿದ ದಾಖಲೆಯನ್ನು ಹೊಂದಿದ್ದಾರೆ.
ಇದನ್ನೂ ಓದಿ- India vs Sri Lanka : ವಿರಾಟ್ ಬ್ಯಾಟಿಂಗ್, ಸಿರಾಜ್ ಬೌಲಿಂಗ್ಗೆ ಲಂಕಾ ಧೂಳಿಪಟ!
ಶ್ರೀಲಂಕಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಶತಕ ಸಿಡಿಸಿದ ನಂತರ ವಿರಾಟ್ ಕೊಹ್ಲಿ ಹೇಳಿದ್ದೇನು?
Player of the Match 👑 Kohli looks back on his match-winning 45th ODI 💯 in the 1st Mastercard #INDvSL ODI and the clarity in though that helps him score big!
Watch him LIVE in the 2nd ODI, Jan 12, 12:30 PM onwards on Star Sports & Disney+Hotstar.#FollowTheBlues #BelieveInBlue pic.twitter.com/VXJbBwiI9Q
— Star Sports (@StarSportsIndia) January 10, 2023
ಹೊಸ ವರ್ಷದಲ್ಲಿ ಶ್ರೀಲಂಕಾ ವಿರುದ್ಧದ ಸರಣಿಯ ಆರಂಭಿಕ ಪಂದ್ಯದಲ್ಲಿ 45ನೇ ಏಕದಿನ ಶತಕ ಸಿಡಿಸಿದ ನಂತರ ಏಕದಿನ ಮಾದರಿಯಲ್ಲಿ ಅವರ ದಾಖಲೆ ಕುರಿತಂತೆ ಪ್ರತಿಕ್ರಿಯಿಸಿದ ವಿರಾಟ್ ಕೊಹ್ಲಿ, ಈ ಪಂದ್ಯದಲ್ಲಿ ಭಾರತವನ್ನು 370 ಕ್ಕಿಂತ ಹೆಚ್ಚಿನ ಸ್ಕೋರ್‌ಗೆ ಮುನ್ನಡೆಸಲು ಆಟದ ವೇಗದಲ್ಲಿ ಆಡಿದ್ದಕ್ಕಾಗಿ ನನಗೆ ಸಂತೋಷವಾಗಿದೆ ಎಂದರು.
ಪ್ರತಿ ಪಂದ್ಯದಲ್ಲೂ ನನ್ನ ಸಿದ್ಧತೆ ಮತ್ತು ಉದ್ದೇಶ ಯಾವಾಗಲೂ ಒಂದೇ ಆಗಿರುತ್ತದೆ ಮತ್ತು ನಾನು ನನ್ನ ಉದ್ದೇಶವನ್ನು ಬೆಂಬಲಿಸುತ್ತಿದ್ದೆ. ಮಿಡ್ ಇನ್ನಿಂಗ್ಸ್ ವಿರಾಮದ ಸಮಯದಲ್ಲಿ ನಾನು ಹೇಳಿದಂತೆ, ನಾನು ಆಡುವ ಟೆಂಪ್ಲೇಟ್‌ಗೆ ಇದು ತುಂಬಾ ಹತ್ತಿರದಲ್ಲಿದೆ. ನಮಗೆ ಹೆಚ್ಚುವರಿ 25-30 ರನ್ ಅಗತ್ಯವಿದೆ ಎಂದು ನಾನು ಅರ್ಥಮಾಡಿಕೊಂಡಿದ್ದೇನೆ ಎಂದು ಪಂದ್ಯದ ನಂತರದ ಪ್ರಸ್ತುತಿಯಲ್ಲಿ ಕೊಹ್ಲಿ ತಿಳಿಸಿದರು.
ಇದನ್ನೂ ಓದಿ- IND vs SL: ಭಾರತದ ಗೆಲುವಿನಲ್ಲಿಯೂ ವಿಲನ್ ಆದದ್ದು ಈ ಆಟಗಾರ! ಯಾಕೆ ಗೊತ್ತಾ?
ಹತಾಶೆಯಿಂದ ಏನನ್ನೂ ಸಾಧಿಸಲು ಸಾಧ್ಯವಿಲ್ಲ:
ನಾನು ಕಲಿತ ಏಕೈಕ ವಿಷಯವೆಂದರೆ ಹತಾಶೆಯು ನಿಮ್ಮನ್ನು ಎಲ್ಲಿಯೂ ತಲುಪಿಸುವುದಿಲ್ಲ. ಹತಾಶೆಯಿಂದ ಏನನ್ನೂ ಸಾಧಿಸಲು ಸಾಧ್ಯವಿಲ್ಲ. ನೀವು ಸರಿಯಾದ ಕಾರಣಗಳಿಗಾಗಿ ಆಡಬೇಕು ಮತ್ತು ನಿಮ್ಮ ಪ್ರತಿಯೊಂದು ಆಟವನ್ನು ಉದ್ದೇಶದಿಂದಲೇ ಆಡಬೇಕು ಮತ್ತು ಅದರ ಬಗ್ಗೆ ಸಂತೋಷವಾಗಿರಿ ಎಂದು ವಿರಾಟ್ ಕೊಹ್ಲಿ ಹೇಳಿದರು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
