ದೇವ ಉತ್ಥಾನ ಏಕಾದಶಿ 2023 ಪೂಜೆ: ದೇವ ಉತ್ಥಾನ ಏಕಾದಶಿಯ ಪ್ರಾಮುಖ್ಯತೆಯನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಏಕೆಂದರೆ ಈ ದಿನ ಭಗವಾನ್ ವಿಷ್ಣುವು 4 ತಿಂಗಳ ಯೋಗ ನಿದ್ರೆಯಿಂದ ಎಚ್ಚರಗೊಳ್ಳುತ್ತಾನೆ ಮತ್ತು ಇದರೊಂದಿಗೆ ಮದುವೆಯಂತಹ ಮಂಗಳಕರ ಚಟುವಟಿಕೆಗಳು ನಡೆಯಲು ಪ್ರಾರಂಭಿಸುತ್ತವೆ. ಕಾರ್ತಿಕ ಶುಕ್ಲ ಏಕಾದಶಿಯ ಮಹತ್ವವನ್ನು ಧಾರ್ಮಿಕ ಗ್ರಂಥಗಳಲ್ಲಿ ಉಲ್ಲೇಖಿಸಲಾಗಿದೆ, ಇದನ್ನು ದೇವ ಪ್ರಬೋಧಿನಿ ಅಥವಾ ದೇವೋತ್ಥಾನ ಏಕಾದಶಿ ಎಂದೂ ಕರೆಯುತ್ತಾರೆ. ಈ ದಿನದಂದು ತುಳಸಿ ವಿವಾಹದ ಹಬ್ಬವನ್ನು ಸಹ ಆಚರಿಸಲಾಗುತ್ತದೆ. ಈ ದಿನದಂದು ಮದುವೆ ಸಮಾರಂಭಗಳನ್ನು ಆಯೋಜಿಸುವವರು ಯಶಸ್ವಿ ದಾಂಪತ್ಯ ಜೀವನ ನಡೆಸುತ್ತಾರೆ ಎಂದು ನಂಬಲಾಗಿದೆ.
ಅನೇಕ ಜನ್ಮಗಳವರೆಗೆ ಶುಭಫಲ: ದೇವ ಉತ್ಥಾನ ಏಕಾದಶಿ ಉಪವಾಸವನ್ನು ಆಚರಿಸುವುದರಿಂದ ಅನೇಕ ಜನ್ಮಗಳವರೆಗೆ ಶುಭ ಫಲವನ್ನು ಅನುಭವಿಸಬಹುದು. ಕಾರ್ತಿಕ ತಿಂಗಳ ಶುಕ್ಲ ಪಕ್ಷದ ಏಕಾದಶಿಯಂದು ದೇವ ಉತ್ಥಾನ ಏಕಾದಶಿ ಅಥವಾ ದೇವ ಪ್ರಬೋಧಿನಿ ಏಕಾದಶಿ ಆಚರಿಸಲಾಗುತ್ತದೆ. ಏಕಾದಶಿಯ ಉಪವಾಸಕ್ಕೆ ವ್ರತರಾಜ ಎಂಬ ಬಿರುದನ್ನು ನೀಡಲಾಗುತ್ತದೆ. ಏಕೆಂದರೆ ಇದು ಎಲ್ಲಾ ಉಪವಾಸಗಳಿಗಿಂತ ಉತ್ತಮವಾಗಿದ್ದು, ಅದೃಷ್ಟವನ್ನು ನೀಡುತ್ತದೆ. ದೇವ ಉತ್ಥಾನ ಏಕಾದಶಿಗೆ ಸನಾತನ ಧರ್ಮದಲ್ಲಿ ವಿಶೇಷ ಮಹತ್ವವಿದೆ ಏಕೆಂದರೆ ಈ ದಿನ ಭಗವಾನ್ ವಿಷ್ಣು ಚಾತುರ್ಮಾಸ ನಿದ್ರೆಯಿಂದ ಎಚ್ಚರಗೊಂಡು ತನ್ನ ಭಕ್ತರನ್ನು ಆಶೀರ್ವದಿಸಲು ಬರುತ್ತಾನೆ. ವಿಷ್ಣುವಿನ ಎಚ್ಚರವು ಸೃಷ್ಟಿಯಲ್ಲಿ ಸಕಾರಾತ್ಮಕ ಶಕ್ತಿಗಳ ಸೃಷ್ಟಿಗೆ ಪ್ರಚೋದಿಸುತ್ತದೆ. ಈ ದಿನ ವಿಷ್ಣುವಿನ ಜಾಗೃತಿಯೊಂದಿಗೆ ದೇವರುಗಳು ಸಹ ಉಪವಾಸ ಮತ್ತು ಪೂಜೆ ಮಾಡುತ್ತಾರೆ.
ಇದನ್ನೂ ಓದಿ: ಬಿಳಿ ಕೂದಲನ್ನು ಕಪ್ಪಾಗಿಸಲು ಈ ರೀತಿ ತೆಂಗಿನೆಣ್ಣೆ ಬಳಸಿ, ಇದರ ಮುಂದೆ ಎಲ್ಲಾ ಡೈಗಳು ಫೇಲ್!
ದೇವೋತ್ಥಾನ ಏಕಾದಶಿಯ ಕಥೆ: ಪ್ರಾಚೀನ ಕಾಲದಲ್ಲಿ ರಾಜನ ರಾಜ್ಯದಲ್ಲಿ ಎಲ್ಲರೂ ಏಕಾದಶಿ ಉಪವಾಸವನ್ನು ಆಚರಿಸುತ್ತಿದ್ದರು. ಏಕಾದಶಿಯ ದಿನದಂದು ಸೇವಕರಿಂದ ಹಿಡಿದು ಪ್ರಾಣಿಗಳವರೆಗೆ ಜನರಿಗೆ ಆಹಾರ ನೀಡಲಾಗುತ್ತಿರಲಿಲ್ಲ. ಒಂದು ದಿನ ನೆರೆ ರಾಜ್ಯದ ವ್ಯಕ್ತಿಯೊಬ್ಬ ಬಂದು ರಾಜನ ಬಳಿಗೆ ಬಂದು ತನಗೆ ಕೆಲಸ ಕೊಡಿಸುವಂತೆ ಮನವಿ ಮಾಡಿದ. ರಾಜನು ಅವನಿಗೆ ಕೆಲಸ ಕೊಟ್ಟಿದ್ದಲ್ಲದೆ ಏಕಾದಶಿಯ ನಿಯಮಗಳನ್ನು ಹೇಳಿದನು. ಹಣ್ಣುಗಳಿಂದ ತೃಪ್ತನಾಗದಿದ್ದಾಗ ಅವನು ರಾಜನಲ್ಲಿ ಮತ್ತಷ್ಟು ಬೇಡಿಕೊಂಡನು. ಹಿಟ್ಟು, ಬೇಳೆ, ಅಕ್ಕಿ ಇತ್ಯಾದಿಗಳನ್ನು ತೆಗೆದುಕೊಂಡು ನದಿಯ ದಡದಲ್ಲಿ ಸ್ನಾನ ಮಾಡಿ, ಆಹಾರವನ್ನು ತಯಾರಿಸಿ ದೇವರಿಗೆ ಆ ಆಹಾರವನ್ನು ಸ್ವೀಕರಿಸಲು ವಿನಂತಿಸಿದನು. ದೇವರು ಬಂದು ಅವನೊಂದಿಗೆ ಕುಳಿತು ಊಟ ಮಾಡಿ ಹೋದರು.
ಮುಂದಿನ ಏಕಾದಶಿಯಂದು ಸೇವಕನು ರಾಜನ ಬಳಿ 2 ಬಾರಿ ಪಡಿತರವನ್ನು ಕೇಳಿದನು. ನನ್ನೊಂದಿಗೆ ದೇವರೂ ಸಹ ಆಹಾರ ಸೇವಿಸುತ್ತಾರೆಂದು ಹೇಳಿದನು. ಆದರೆ ರಾಜನು ನಂಬದಿದ್ದಾಗ, ನೀವು ರಹಸ್ಯವಾಗಿ ಇದನ್ನು ನೋಡಬಹುದು ಎಂದು ಹೇಳಿದ. ಅದರಂತೆ ಸೇವಕನು ನದಿ ದಡದಲ್ಲಿ ಊಟ ತಯಾರಿಸಿ ದೇವರನ್ನು ಎಷ್ಟೇ ಕರೆದರೂ ಬಾರದೇ ಇದ್ದುದರಿಂದ ನದಿಗೆ ಹಾರಿ ಆತ್ಮಹತ್ಯೆಗೆ ಶರಣಾಗುತ್ತೇನೆ ಅಂತಾ ಹೇಳಿದನು. ಹೀಗಾಗಿ ದೇವರು ತನ್ನ ಭಕ್ತನ ಮಾತನ್ನು ಆಲಿಸಿ ಬಂದು ಅವನೊಂದಿಗೆ ಊಟ ಮಾಡಿದನು. ಆ ದಿನದಿಂದ ರಾಜನಿಗೆ ಮನಸ್ಸು ಶುದ್ಧವಾಗದಿದ್ದರೆ ಉಪವಾಸವೆಲ್ಲ ವ್ಯರ್ಥ ಎಂದು ಭಾವಿಸಿದ. ಇದಾದ ನಂತರ ರಾಜನು ಶುದ್ಧ ಹೃದಯದಿಂದ ಉಪವಾಸವನ್ನು ಪ್ರಾರಂಭಿಸಿದನು. ಈ ದಿನ ಶುದ್ಧ ಹೃದಯದಿಂದ ಉಪವಾಸವಿದ್ದು ವಿಷ್ಣುವನ್ನು ಪೂಜಿಸುವವನು ದೈವಿಕತೆಯನ್ನು ಹೊಂದುತ್ತಾನೆಂಬ ನಂಬಿಕೆಯಿದೆ.
ಇದನ್ನೂ ಓದಿ: ವಿಷ್ಣುಪ್ರಿಯೆಯ ಕೃಪಾಶೀರ್ವಾದ ಸದಾ ನಿಮ್ಮ ಮೇಲಿರಬೇಕೆ? ಹಳದಿ ಸಾಸಿವೆಯ ಈ ಉಪಾಯಗಳು ನಿಮಗೆ ತಿಳಿದಿರಲಿ!
(ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.)
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
![ನವೆಂಬರ್ 27ಕ್ಕೆ "ಮ್ಯಾಕ್ಸ್" ನ ಬಹುಮುಖ್ಯ ಘೋಷಣೆ](https://kannada.cdn.zeenews.com/kannada/sites/default/files/styles/zm_175x100/public/2024/11/24/469199-max1.png?itok=qSgox6yk "ನವೆಂಬರ್ 27ಕ್ಕೆ "ಮ್ಯಾಕ್ಸ್" ನ ಬಹುಮುಖ್ಯ ಘೋಷಣೆ")
