ಬಾಲಿವುಡ್‌ನಲ್ಲಿ ಅದೆಷ್ಟೋ ಸ್ಟಾರ್ ಕಪಲ್ ಗಳು ಆಗಾಗ ಕಂಡುಬರುತ್ತವೆ. ಆದರೆ ಅವುಗಳಲ್ಲಿ ಎಷ್ಟು ಪ್ರೇಮ ಕಥೆಗಳು ಪೂರ್ಣವಾಗುತ್ತವೆ ಎಂಬುದು ತಿಳಿದಿಲ್ಲ. ಕೆಲವು ಯಶಸ್ವಿಯಾಗಿದ್ದರೆ, ಇನ್ನೂ ಕೆಲವು ಮದವೆವರೆಗೆ ಬಂದು ನಿಂತು ಹೋಗಿವೆ. ಕೆಲವರು ಶಾಶ್ವತವಾಗಿ ಒಟ್ಟಿಗೆ ಇರುವುದಾಗಿ ಭರವಸೆಯನ್ನು ನೀಡಿ, ನಿಶ್ಚಿತಾರ್ಥದ ಉಂಗುರ ಸಹ ಬದಲಾಯಿಸಿಕೊಂಡಿದ್ದರೂ ಸಹ, ಅವರು ಮದುವೆ ಮಂಟಪ ಏರಲು ಸಾಧ್ಯವಾಗಿಲ್ಲ.
ಅಭಿಷೇಕ್ ಬಚ್ಚನ್ ಮತ್ತು ಕರಿಷ್ಮಾ ಕಪೂರ್: ಅಭಿಷೇಕ್ ಬಚ್ಚನ್ ಮತ್ತು ಕರಿಷ್ಮಾ ಕಪೂರ್ ಅವರ ನಿಶ್ಚಿತಾರ್ಥವನ್ನು ಇಡೀ ಮಾಧ್ಯಮದ ಮುಂದೆ ಘೋಷಿಸಲಾಯಿತು. ಜಯಾ ಬಚ್ಚನ್ ಸ್ವತಃ ಕರಿಷ್ಮಾಳನ್ನು ತನ್ನ ಸೊಸೆ ಎಂದು ಪರಿಚಯಿಸಿದರು. ಆದರೆ ನಿಶ್ಚಿತಾರ್ಥವಾದ ಕೆಲವೇ ದಿನಗಳಲ್ಲಿ ಬ್ರೇಕಪ್ ಸುದ್ದಿ ಎಲ್ಲರನ್ನು ಬೆಚ್ಚಿಬೀಳಿಸಿತು.
ಅಕ್ಷಯ್ ಕುಮಾರ್ ಮತ್ತು ರವೀನಾ ಟಂಡನ್: ಅಕ್ಷಯ್ ಕುಮಾರ್ ಮತ್ತು ರವೀನಾ ಟಂಡನ್ ಅವರ ಪ್ರೇಮಕಥೆಯ ಬಗ್ಗೆ ಯಾರಿಗೆ ತಿಳಿದಿಲ್ಲ. ಇಬ್ಬರೂ ಮದುವೆಯಾಗಲು ತಯಾರಿ ನಡೆಸಿದ್ದರು ಎನ್ನಲಾಗಿದೆ. ನಿಶ್ಚಿತಾರ್ಥದ ಉಂಗುರವನ್ನು ಸಹ ಒಬ್ಬರಿಗೊಬ್ಬರು ಧರಿಸಿದ್ದರು. ಆದರೆ ನಂತರ ಸಂಬಂಧವು ಮುರಿದುಹೋಯಿತು, ಅದಕ್ಕಾಗಿ ನಟಿ ಅಕ್ಷಯ್ ಕುಮಾರ್ ಅವರನ್ನು ದೂಷಿಸಿದರು. ಇದಾದ ನಂತರ ಈ ಜೋಡಿ ಮತ್ತೆ ಒಟ್ಟಿಗೆ ಕಾಣಿಸಿಕೊಂಡಿರಲಿಲ್ಲ.
ಸಲ್ಮಾನ್ ಖಾನ್ ಮತ್ತು ಸಂಗೀತಾ ಬಿಜ್ಲಾನಿ: ಸಂಗೀತಾ ಜೊತೆ ನಿಶ್ಚಿತಾರ್ಥವಾಗಿ ಸಲ್ಮಾನ್ ಖಾನ್ ಅವರ ಮದುವೆಯ ಕಾರ್ಡ್‌ಗಳನ್ನು ಸಹ ಮುದ್ರಿಸಿದ್ದರು. ಆದರೆ ಈ ಸಂದರ್ಭದಲ್ಲಿ ಸಲ್ಮಾನ್ ಮದುವೆಯಾಗಲು ನಿರಾಕರಿಸಿದರು. ಸದ್ಯ ಇನ್ನೂ ಅವರು ಬ್ಯಾಚುಲರ್ ಆಗಿದ್ದಾರೆ ಎಂದು ಹೇಳಲಾಗುತ್ತದೆ. ಆ ಸಮಯದಲ್ಲಿ ಅವರು ಸಂಗೀತಾ ಬಿಜಲಾನಿ ಅವರೊಂದಿಗೆ ಸಂಬಂಧ ಹೊಂದಿದ್ದರು ಮತ್ತು ಇಬ್ಬರೂ ಮದುವೆಗೆ ಒಪ್ಪಿಕೊಂಡರು. ಆದರೆ ನಿಶ್ಚಿತಾರ್ಥದ ನಂತರ, ಈ ಸಂಬಂಧವೂ ಅಪೂರ್ಣವಾಗಿ ಉಳಿಯಿತು.
ಸಾಜಿದ್ ಖಾನ್ ಮತ್ತು ಗೌಹರ್ ಖಾನ್: 2003 ರಲ್ಲಿ ಸಾಜಿದ್ ಖಾನ್ ಅಥವಾ ಗೌಹರ್ ಖಾನ್ ಆಗಲಿ ದೊಡ್ಡ ಸ್ಟಾರ್ ಆಗಿರಲಿಲ್ಲ. ಆ ವೇಳೆ ಇಬ್ಬರೂ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಆದರೆ ನಂತರ ಅವರ ಪ್ರೀತಿ ಮುರಿದುಬಿತ್ತು ಎನ್ನಲಾಗಿದೆ.
ಕರಣ್ ಸಿಂಗ್ ಗ್ರೋವರ್ ಮತ್ತು ಬರ್ಖಾ ಬಿಶ್ತ್: ಕರಣ್ ಸಿಂಗ್ ಗ್ರೋವರ್ ಈಗ ಬಿಪಾಶಾ ಬಸು ಅವರನ್ನು ಮದುವೆಯಾಗಿದ್ದಾರೆ. ಆದರೆ ಬರ್ಖಾ ಬಿಷ್ತ್ ಅವರ ಜೀವನದಲ್ಲಿ ಮುಂಚೆಯೇ ಬಂದು ಹೋಗಿದ್ದರು. ಅವರಿಬ್ಬರೂ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಎನ್ನಲಾಗಿದೆ. ಆದರೆ ವಿಷಯ ಮುಂದಕ್ಕೆ ಹೋಗಲಿಲ್ಲ.
