ಬಿಳಿ ಕೂದಲಿಗೆ ಮನೆಯಲ್ಲೇ ತಯಾರಿಸಿ ಹೇರ್ ಡೈ, ಕೇವಲ ಅರ್ಧಗಂಟೆಯಲ್ಲಿ ಗಾಢ ಕಪ್ಪಾದ ಕೂದಲು ನಿಮ್ಮದಾಗಿಸಿ..!

1 /6

ಒತ್ತಡಭರಿತ ಜೀವನಶೈಲಿ ಧೂಳು, ಮಾಲಿನ್ಯದಿಂದ ಮಾತ್ರವಲ್ಲದೆ, ದೇಹದಲ್ಲಿ ಕೆಲವು ಪೋಷಕಾಂಶಗಳ ಕೊರತೆಯಿಂದಲೂ ಕೂದಲು ಬೂದು ಬಣ್ಣಕ್ಕೆ ತಿರುಗಬಹುದು. 

2 /6

ಹೋಂ ಮೇಡ್ ಹೇರ್ ಡೈ ಸಹಾಯದಿಂದ ಬೂದುಬಣ್ಣಕ್ಕೆ ತಿರುಗಿರುವ ಕೂದಲನ್ನು ಸುಲಭವಾಗಿ ಹಾಗೂ ನೈಸರ್ಗಿಕವಾಗಿ ಕಪ್ಪಾಗಿಸಬಹುದು. 

3 /6

ಹೋಂ ಮೇಡ್ ಹೇರ್ ಡೈ ತಯಾರಿಸಲು ಬೇಕಾಗುವ ಪದಾರ್ಥಗಳೆಂದರೆ...  * ಟೀ ಪುಡಿ- 1 ಸ್ಪೂನ್  * ಕಲೋಂಜಿ (ಕಪ್ಪು ಜೀರಿಗೆ) 2 ಸ್ಪೂನ್  * ಕರಿಬೇವಿನ ಸೊಪ್ಪು ಒಂದು ಹಿಡಿ  * ಬೃಂಗರಾಜ್ ಪುಡಿ 1 ಸ್ಪೂನ್  * ಆಮ್ಲಾ ಪುಡಿ 2 ಸ್ಪೂನ್   

4 /6

ಮೊದಲಿಗೆ ಒಂದು ಕಬ್ಬಿಣದ ಬಾಣಲೆಯಲ್ಲಿ ಒಲೆಯ ಮೇಲಿಟ್ಟು ಕಾಯಿಸಿ ಇದರಲ್ಲಿ ಮೇಲೆ ತಿಳಿಸಿದ ಪ್ರಮಾಣದಲ್ಲಿ ಟೀ ಪುಡಿ, ಕಲೋಂಜಿ, ಕರಿಬೇವಿನ ಸೊಪ್ಪನ್ನು ಹಾಕಿ ಸಣ್ಣ ಉರಿಯಲ್ಲಿ ಅದು ಸಂಪೂರ್ಣ ಕಪ್ಪಗಾಗುವವರೆಗೂ ಬಾಡಿಸಿ. ನಂತರ ಈ ಮಿಶ್ರಣವನ್ನು ಒಂದು ಬದಿಗಿಟ್ಟು ಅದೇ ಬಾಣಲೆಯಲ್ಲಿ ಬೃಂಗರಾಜ್ ಪುಡಿ ಮತ್ತು ಆಮ್ಲಾ ಪುಡಿಯನ್ನು ಹಾಕಿ ಕಪ್ಪಗಾಗುವವರೆಗೂ ಹುರಿಯಿರಿ. 

5 /6

ಬೃಂಗರಾಜ್, ಆಮ್ಲಾ ಪುಡಿ ಕಪ್ಪಾದ ಬಳಿಕ ಇದಕ್ಕೆ 1 ಲೋಟದಷ್ಟು ನೀರು ಸೇರಿಸಿ. ಬಳಿಕ ಮೊದಲು ಹುರಿದು ಪಕ್ಕಕ್ಕಿಟ್ಟ ಟೀ, ಕಲೋಂಜಿ, ಕರಿಬೇವನ್ನು ನುಣ್ಣಗೆ ಪುಡಿ ಮಾಡಿ. ಇದರಲ್ಲಿ ಬೆರೆಸಿ. ಎಲ್ಲವನ್ನೂ ಸಣ್ಣ ಉರಿಯಲ್ಲಿ ಚೆನ್ನಾಗಿ ಕುದಿಯಲು ಬಿಡಿ. ನಂತರ 2 ಗಂಟೆಗಳ ಕಾಲ ಅದನ್ನು ತಣ್ಣಗಾಗಲು ಬಿಡಿ. 

6 /6

ಮನೆಯಲ್ಲಿಯೇ ತಯಾರಿಸಿದ ಈ ಹೇರ್ ಡೈಯನ್ನು ಕೂದಲಿನ ಬುಡದಿಂದ ತುದಿಯವರೆಗೂ ಅನ್ವಯಿಸಿ. ಅರ್ಧಗಂಟೆ ಬಳಿಕ ಬರೀ ನೀರಿನಿಂದ ಹೇರ್ ವಾಶ್ ಮಾಡಿ. ಮರುದಿನ ಶಾಂಪೂ ಮಾಡಿ. ಇದರಿಂದ ನೈಸರ್ಗಿಕವಾಗಿ ಬಿಳಿ ಕೂದಲು ಕಪ್ಪಾಗುತ್ತದೆ.  ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.