Mobile Addiction: ಮಕ್ಕಳು- ಪೋಷಕರ ನಡುವೆ ದೊಡ್ಡ ಕಂದಕವನ್ನೇ ಸೃಷ್ಟಿಸುತ್ತಿ ಮೊಬೈಲ್ ಫೋನ್: ಸಮೀಕ್ಷೆ

1 /8

ಇತ್ತೀಚಿನ ದಿನಗಳಲ್ಲಿ ಮೊಬೈಲ್ ಫೋನ್ ಇಲ್ಲದೆ ಜೀವನವನ್ನು ಊಹಿಸುವುದು ಕೂಡ ಅಸಾಧ್ಯ. ಆದರೆ, ಈ ಫೋನ್ ಮಕ್ಕಳು ಮತ್ತು ಹೆತ್ತವರ ನಡುವೆ ದೊಡ್ಡ ಕಂದಕವನ್ನೇ ಸೃಷ್ಟಿಸುತ್ತಿದೆ ಎಂಬ ಆಘಾತಕಾರಿ ಮಾಹಿತಿ ಸಮೀಕ್ಷೆಯಿಂದ ಬಹಿರಂಗಗೊಂಡಿದೆ. 

2 /8

ಮೊಬೈಲ್ ಫೋನ್ ತಯಾರಿಕಾ ಕಂಪನಿಯಾದ Vivo, ಸೈಬರ್ ಮೀಡಿಯಾ ರಿಸರ್ಚ್ ಸಹಯೋಗದಲ್ಲಿ ಪೋಷಕರು ಮತ್ತು ಮಕ್ಕಳ ನಡುವಿನ ಸಂಬಂಧದ ಮೇಲೆ ಸೆಲ್ ಫೋನ್‌ಗಳ ಪ್ರಭಾವದ ಬಗ್ಗೆ ಸಮೀಕ್ಷೆಯನ್ನು ನಡೆಸಿದ್ದು, ಅದರ ಫಲಿತಾಂಶಗಳು ಆಘಾತಕಾರಿಯಾಗಿದೆ. ಇದರ ಪ್ರಮುಖ ಅಂಶಗಳು ಕೆಳಕಂಡಂತಿವೆ.   

3 /8

ಈ ಸಮೀಕ್ಷೆಯಲ್ಲಿ ಒಳಗೊಂಡಿರುವ 90 ಪ್ರತಿಶತದಷ್ಟು ಪೋಷಕರು ತಾವು ಫೋನ್ ಇಲ್ಲದೆ ಬದುಕಲು ಸಾಧ್ಯವೇ ಇಲ್ಲ ಎಂಬುದನ್ನು ಒಪ್ಪಿಕೊಂಡಿದ್ದಾರೆ. ಇದಲ್ಲದೆ, ನಿತ್ಯ ಸರಾಸರಿ ಏಳೂವರೆ ಗಂಟೆಗಳ ಕಾಲ ಮೊಬೈಲ್ ಫೋನ್‌ನಲ್ಲಿ ಕಾಲ ಕಳೆಯುವುದಾಗಿ ಒಪ್ಪಿಕೊಂಡಿದ್ದಾರೆ. 

4 /8

ಅತಿಯಾದ ಫೋನ್ ಬಳಕೆ ನಮ್ಮ ಜೀವನವನ್ನು ಯಾವ ಮಟ್ಟಿಗೆ ಆವರಿಸಿಬಿಟ್ಟಿದೆ ಎಂದರೆ 92 ರಷ್ಟು ಪೋಷಕರು ತಮ್ಮ 'ಫ್ಯಾಮಿಲಿ ಟೈಮ್' ಈಗ 'ಮೊಬೈಲ್ ಫೋನ್ ಟೈಮ್' ಆಗಿ ಬದಲಾಗಿದೆ ಎಂಬುದನ್ನು ಪೋಷಕರು ಸ್ವತಃ ತಾವೇ ಒಪ್ಪಿಕೊಂಡಿದ್ದಾರೆ ಎಂದು ಸಮೀಕ್ಷೆಯಿಂದ ತಿಳಿದುಬಂದಿದೆ. 

5 /8

ಈ ಸಮೀಕ್ಷೆಯಲ್ಲಿ ಪಾಲ್ಗೊಂಡಿದ್ದ 90% ಪೋಷಕರು ಮೊಬೈಲ್ ಫೋನ್‌ಗಳಲ್ಲಿ ನಿರತರಾಗಿರುವ ಕಾರಣ ತಮ್ಮ ಮಕ್ಕಳೊಂದಿಗೆ ಗುಣಮಟ್ಟದ ಸಮಯವನ್ನು ಕಳೆಯಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದ್ದಾರೆ. 

6 /8

87% ಜನರು ತಮಗೆ ಬೆಳಿಗ್ಗೆ ಕಣ್ತೆರೆದ ತಕ್ಷಣ ಮೊಬೈಲ್ ಬೇಕೇ ಬೇಕು ಎಂಬ ಮನಸ್ಥಿತಿಯ ಬಗ್ಗೆ ಒಪ್ಪಿಕೊಂಡಿದ್ದಾರೆ. 

7 /8

ಮೊಬೈಲ್ ಎಷ್ಟು ನಮ್ಮೆಲ್ಲರ ಜೀವನವನ್ನು ಆವರಿಸಿಬಿಟ್ಟಿದೆ ಎಂದರೆ ಊಟದ ಸಮಯದಲ್ಲೂ ಸಹ ಮೊಬೈಲ್ ಬಿಟ್ಟಿರದಷ್ಟು ಗೀಳು ಬಂದುಬಿಟ್ಟಿದೆ ಎಂದು ಸಮೀಕ್ಷೆಗೆ ಒಳಗಾಗಿದ್ದ 60%  ಮಂದಿ ಒಪ್ಪಿಕೊಂಡಿದ್ದಾರೆ. 

8 /8

ತಾವು ಸದಾ ಫೋನ್‌ನಲ್ಲಿ ನಿರತರಾಗಿರುವಾಗ ಮಕ್ಕಳು ಏನನ್ನಾದರೂ ಕೇಳಿದಾಗಲೂ ಕಿರಿಕಿರಿ ಎನಿಸುತ್ತದೆ ಎಂಬುದನ್ನು 90%ಜನರು ಒಪ್ಪಿಕೊಂಡಿದ್ದಾರೆ. ಇದು ಫೋನ್ ಮೇಲಿನ ಅತಿಯಾದ ಗೀಳು ನಮ್ಮ ಮಕ್ಕಳಿಗಿಂತಲೂ ಗ್ಯಾಜೆಟ್ ಗೆ ಹೆಚ್ಚಿನ ಮಹತ್ವ ನೀಡುತ್ತಿರುವ ವಾಸ್ತವತೆಯ ಬಗೆಗಿನ ಆಘಾತಕಾರಿ ಮಾಹಿತಿಯನ್ನು ಸಮೀಕ್ಷೆ ಬಹಿರಂಗಗೊಳಿಸಿದೆ. ಒಟ್ಟಾರೆಯಾಗಿ ಈಗಲೇ ನಾವು ಈ ಬಗ್ಗೆ ಎಚ್ಚೆತ್ತುಕೊಳ್ಳದಿದ್ದರೆ ಮಕ್ಕಳು ಪೋಷಕರಿಂದ ಭಾವನಾತ್ಮಕವಾಗಿ ದೂರ ಸರಿಯುವ ಕಾಲ ತುಂಬಾ ಸನಿಹದಲ್ಲೇ ಇದೆ ಎಂದರೆ ತಪ್ಪಾಗುವುದಿಲ್ಲ.