ದೆಹಲಿಯಿಂದ ಅಯೋಧ್ಯೆಗೆ ಬುಲೆಟ್ ರೈಲು ಯೋಜನೆಗೆ ಸುಮಾರು 200 ಲಕ್ಷ ಕೋಟಿ ರೂ. ವೆಚ್ಚವಾಗಲಿದೆ ಎಂದು ಕೇಂದ್ರವು ಅಂದಾಜಿಸಿದೆ.
ದೇಶದ 2 ಪ್ರಮುಖ ನಗರಗಳ ನಡುವಿನ ಪ್ರಯಾಣವನ್ನು ಕೇವಲ 2 ಗಂಟೆಗಳವರೆಗೆ ತಗ್ಗಿಸಲು ದೆಹಲಿ ಮತ್ತು ಅಯೋಧ್ಯೆಯ ನಡುವೆ ಬುಲೆಟ್ ರೈಲು ಸೇವೆ ಪರಿಚಯಿಸಲು ಕೇಂದ್ರ ಸರ್ಕಾರವು ನಿರ್ಧರಿಸಿದೆ. ಧಾರ್ಮಿಕ ನಗರ ಅಯೋಧ್ಯೆಯನ್ನು ಪ್ರಪಂಚಕ್ಕೆ ಹತ್ತಿರವಾಗಿಸುವುದು ಈ ಯೋಜನೆಯ ಹಿಂದಿನ ಉದ್ದೇಶವಾಗಿದೆ. ವಿಶೇಷವಾಗಿ ಶ್ರೀರಾಮ ಮಂದಿರಕ್ಕೆ ಭೇಟಿ ನೀಡಲು ಅನೇಕರು ಉತ್ಸುಕರಾಗಿರುವುದರಿಂದ ಕೇಂದ್ರ ಸರ್ಕಾರ ಈ ಮಹತ್ವಾಕಾಂಕ್ಷೆ ಯೋಜನೆಯನ್ನು ಪ್ರಸ್ತಾಪಿಸಿದೆ.
ಎಲ್ಲಾ ಅತ್ಯಾಧುನಿಕ ಸೌಲಭ್ಯಗಳೊಂದಿಗೆ ದೆಹಲಿಯಿಂದ ಅಯೋಧ್ಯೆಗೆ ಬುಲೆಟ್ ರೈಲು ಯೋಜನೆ ಜಾರಿಯಾಗಲಿದೆ. ಈ ಯೋಜನೆಗೆ ಸುಮಾರು 200 ಲಕ್ಷ ಕೋಟಿ ರೂ. ವೆಚ್ಚವಾಗಲಿದೆ ಎಂದು ಕೇಂದ್ರವು ಅಂದಾಜಿಸಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
ಪ್ರಸ್ತುತ ನವದೆಹಲಿ ಮತ್ತು ಅಯೋಧ್ಯೆಯ ನಡುವಿನ 670 ಕಿ.ಮೀ ದೂರವು 14-15 ಗಂಟೆಗಳ ಸುದೀರ್ಘ ಪ್ರಯಾಣವನ್ನು ಒಳಗೊಂಡಿದೆ. ಪ್ರಯಾಣಿಕರು 10-18 ಗಂಟೆಗಳ ಕಾಲ ರೈಲಿನಲ್ಲಿ ಪ್ರಯಾಣಿಸಿ ಪುಣ್ಯ ಭೂಮಿಯನ್ನು ತಲುಪುತ್ತಾರೆ. ಆದರೆ ಅದೇ ಬುಲೆಟ್ ರೈಲಿನಲ್ಲಿ ಪ್ರಯಾಣಿಕರು ಕೇವಲ 2 ಗಂಟೆಗಳಲ್ಲಿ ದೆಹಲಿಯಿಂದ ಅಯೋಧ್ಯೆಯನ್ನು ತಲುಪಬಹುದು. ರೈಲು ಗಂಟೆಗೆ 350 ಕಿ.ಮೀ ವೇಗದಲ್ಲಿ ಓಡುವ ನಿರೀಕ್ಷೆಯಿದೆ.
ಕೇಂದ್ರದ ಉನ್ನತ ಅಧಿಕಾರಿಗಳು ಶುಕ್ರವಾರ (ಆಗಸ್ಟ್ 20)ರಂದು ಅಯೋಧ್ಯೆಯಲ್ಲಿ ಬುಲೆಟ್ ರೈಲು ನಿಲ್ದಾಣಕ್ಕಾಗಿ ಸ್ಥಳವನ್ನು ಅಂತಿಮಗೊಳಿಸಿದ್ದಾರೆ. ಬುಲೆಟ್ ರೈಲಿನ ನಿರ್ಮಾಣವನ್ನು ಆರಂಭಿಸಲು ಅಧಿಕಾರಿಗಳು ವಸತಿ, ರೈಲು ಮಾರ್ಗ ಜೋಡಣೆ ಮತ್ತು ಹೆಚ್ಚಿನವುಗಳ ಬಗ್ಗೆ ಮಾಹಿತಿಯನ್ನು ಕಲೆಹಾಕಿದ್ದಾರೆ ಎಂದು ವರದಿಯಾಗಿದೆ.
ರಾಷ್ಟ್ರೀಯ ಹೈಸ್ಪೀಡ್ ರೈಲು ನಿಗಮ (NHSRC) ದೆಹಲಿ-ಅಯೋಧ್ಯೆ ಬುಲೆಟ್ ರೈಲು ಯೋಜನೆಯನ್ನು ನೋಡಿಕೊಳ್ಳಲಿದೆ ಎಂದು ವರದಿಗಳು ಹೇಳಿವೆ. ಬುಲೆಟ್ ರೈಲು ನಿಲ್ದಾಣದ ಭೂಮಿಯು ಉದ್ದೇಶಿತ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಇದೆ.
ದೆಹಲಿಯಿಂದ ಅಯೋಧ್ಯೆಗೆ ಬುಲೆಟ್ ರೈಲು ಯೋಜನೆಯ ಹೊರತಾಗಿ ಅಯೋಧ್ಯೆಯನ್ನು ವಿಶ್ವದ ಪ್ರವಾಸೋದ್ಯಮ ಭೂಪಟಕ್ಕೆ ತರಲು ಮರ್ಯಾದಾ ಪುರುಷೋತ್ತಮ ಶ್ರೀರಾಮ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಯೋಜನೆಯ ನಿರ್ಮಾಣವನ್ನು ಕೇಂದ್ರ ಸರ್ಕಾರವು ತ್ವರಿತಗತಿಯಲ್ಲಿ ನಡೆಸಿದೆ. ಬುಲೆಟ್ ರೈಲು ನಿಲ್ದಾಣವು ಲಕ್ನೋ-ಗೋರಖ್‌ಪುರ ಬೈಪಾಸ್ ಬಳಿ ಇರಲಿದೆ.
ದೆಹಲಿ-ಅಯೋಧ್ಯೆ ಬುಲೆಟ್ ರೈಲು ಯೋಜನೆಯ ವಿವರವಾದ ವರದಿ ಶೀಘ್ರದಲ್ಲೇ ಹೊರಬೀಳಲಿದೆ. ಪ್ರಸ್ತುತ ಬುಲೆಟ್ ರೈಲು ಯೋಜನೆಯ ಆರಂಭಿಕ ಹಂತದಲ್ಲಿದೆ. ಬುಲೆಟ್ ರೈಲು ಯೋಜನೆಯ ವಿಶೇಷತೆಗಳ ಬಗ್ಗೆ ಶೀಘ್ರವೇ ಸಂಪೂರ್ಣ ಮಾಹಿತಿ ನೀಡಲಾಗುವುದು. ವಾರಣಾಸಿ ಮತ್ತು ಆಗ್ರಾ ಸುತ್ತುವ ಈ ರೈಲು ಅಂತಿಮವಾಗಿ ದೆಹಲಿಯನ್ನು ಲಕ್ನೋಗೆ ಸಂಪರ್ಕಿಸುತ್ತದೆ ಎಂದು ವರದಿಗಳು ಹೇಳಿವೆ.
