Sonal Chauhan : ಸೋನಾಲ್ ಚೌಹಾನ್ 'ಜನ್ನತ್' ಚಿತ್ರದ ಮೂಲಕ ಸಾಕಷ್ಟು ಗಮನ ಸೆಳೆದ ನಟಿ.. ಈ ಸಿನಿಮಾದ ಮೂಲಕ ರಾತ್ರೋರಾತ್ರಿ ಪ್ರೇಕ್ಷಕರ ನೆಚ್ಚಿನ ನಟಿಯಾಗಿ ಹೊರ ಹೊಮ್ಮಿದ ಸುಂದರಿ. ಆದರೆ ಈ ಚಿತ್ರದ ನಂತರ ತಮ್ಮ ಯಶಸ್ಸನ್ನು ಉಳಿಸಿಕೊಳ್ಳಲು ವಿಫಲವಾದರು.. ಆದ್ರೆ ಸೋಷಿಯಲ್‌ ಮೀಡಿಯಾದಲ್ಲಿ ಈಕೆಯದ್ದೇ ಹವಾ..
ಹಿಂದಿ ಚಲನಚಿತ್ರಗಳಲ್ಲಿ ಯಶಸ್ಸಿನ ಕೊರತೆಯಿಂದಾಗಿ ಸೋನಾಲ್ ದಕ್ಷಿಣದ ಚಲನಚಿತ್ರಗಳತ್ತ ಮುಖಮಾಡಿದರು.. ಅನೇಕ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ.. ಕೆಲವು ಸಿನಿಮಾಗಳು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಗಳಿಕೆಯನ್ನು ಕಂಡವು, ಆದರೆ ಇಂದಿಗೂ ಸೋನಾಲ್ ಚೌಹಾನ್ ಜನರಿಗೆ ತಿಳಿದಿದ್ದರೆ ಅದು 'ಜನ್ನತ್' ಚಿತ್ರದಿಂದಾಗಿ.
ಸೋನಾಲ್ ಚೌಹಾಣ್ 16 ಮೇ 1987 ರಂದು ದೆಹಲಿಯಲ್ಲಿ ರಜಪೂತ ಕುಟುಂಬದಲ್ಲಿ ಜನಿಸಿದರು. ಸೋನಾಲ್ ತನ್ನ ಆರಂಭಿಕ ಶಿಕ್ಷಣವನ್ನು ನೋಯ್ಡಾದ ದೆಹಲಿ ಪಬ್ಲಿಕ್ ಸ್ಕೂಲ್‌ನಲ್ಲಿ ಮುಗಿಸಿದರು. ದೆಹಲಿ ವಿಶ್ವವಿದ್ಯಾಲಯದ ಗಾರ್ಗಿ ಕಾಲೇಜಿನಲ್ಲಿ ತತ್ವಶಾಸ್ತ್ರದಲ್ಲಿ ಪದವಿ ಪಡೆದರು.
ಪದವಿಯ ನಂತರ, ಮಾಡೆಲಿಂಗ್‌ ಕ್ಷೇತ್ರದ ಆಸಕ್ತಿಯಿಂದಾಗಿ ಸೋನಾಲ್ ಮಲೇಷ್ಯಾಕ್ಕೆ ತೆರಳಿದರು. 2005 ರಲ್ಲಿ ಮಲೇಷ್ಯಾದಲ್ಲಿ ವಿಶ್ವ ಸುಂದರಿ ಟೂರಿಸಂ ಪ್ರಶಸ್ತಿಯನ್ನು ಗೆದ್ದರು. ಈ ಪ್ರಶಸ್ತಿಯನ್ನು ಪಡೆದ ಏಕೈಕ ಭಾರತೀಯ ಮಹಿಳೆ ಸೋನಾಲ್.
ಈ ಶೀರ್ಷಿಕೆಯು ಸೋನಾಲ್ ಅನ್ನು ಬಹಳ ಪ್ರಸಿದ್ಧಗೊಳಿಸಿತು, ನಂತರ ಅವರ ಚಿತ್ರವನ್ನು FHM ನ ಕವರ್ ಪೇಜ್‌ನಲ್ಲಿ ಪ್ರಕಟಿಸಲಾಯಿತು.
ಸೋನಾಲ್ 2006 ರಲ್ಲಿ ಹಿಮೇಶ್ ರೇಶಮಿಯಾ ಅವರ ಸೂಪರ್‌ಹಿಟ್ ಆಲ್ಬಂ 'ಆಪ್ಕಾ ಸುರೂರ್' ನೊಂದಿಗೆ ಪಾದಾರ್ಪಣೆ ಮಾಡಿದರು. ನಂತರ ಮಹೇಶ್ ಭಟ್ ಜನ್ನತ್ ಚಿತ್ರಕ್ಕಾಗಿ ಸೋನಾಲ್ ಅವರನ್ನು ಸಂಪರ್ಕಿಸಿದರು.
ಜನ್ನತ್ ಚಿತ್ರದ ಹಾಡುಗಳನ್ನು ಜನರು ಇಂದಿಗೂ ಇಷ್ಟಪಡುತ್ತಾರೆ. ಈ ಚಿತ್ರವು ಸೋನಲ್ ರನ್ನು ರಾತ್ರೋರಾತ್ರಿ ಸ್ಟಾರ್‌ ನಟಿಯನ್ನಾಗಿಸಿತು. ಅದರ ನಂತರ ಸೋನಾಲ್ ಅನೇಕ ಚಲನಚಿತ್ರ ಆಫರ್‌ಗಳನ್ನು ಸ್ವೀಕರಿಸಲು ಪ್ರಾರಂಭಿಸಿದರು.
ಜನ್ನತ್ ಚಿತ್ರದ ನಂತರ ಸೋನಲ್ ಗೆ ಸಾಕಷ್ಟು ಆಫರ್‌ಗಳು ಬಂದವು. ಆದರೆ ಜನಕ್ಕೆ ಯಾವ ಚಿತ್ರವೂ ಇಷ್ಟವಾಗಲಿಲ್ಲ. ಸಿನಿರಂಗದಲ್ಲಿ ಸೋಲು ಕಂಡರೂ ಸೋನಾಲ್ ಸೋಷಿಯಲ್‌ ಮೀಡಿಯಾದಲ್ಲಿ ಟ್ರೆಂಡ್‌ ಉಳಿಸಿಕೊಂಡಿದ್ದಾರೆ..
ಸೋನಾಲ್ ಚೌಹಾಣ್ ಕೊನೆಯದಾಗಿ ಆದಿಪುರುಷ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು, ಅದರಲ್ಲಿ ಅವರು ಚಿಕ್ಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.. ಆದಿಪುರುಷ ಚಿತ್ರದಲ್ಲಿ ಸೋನಾಲ್ ರಾವಣನ ಪತ್ನಿ ಮಂಡೋದರಿ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಚಲನಚಿತ್ರಗಳಿಲ್ಲದಿದ್ದರೂ, ಸೋನಾಲ್ ಅತ್ಯಂತ ಶ್ರೀಮಂತ ನಟಿ, ಸಾಮಾಜಿಕ ಮಾಧ್ಯಮ ಮತ್ತು ಜಾಹೀರಾತುಗಳಿಂದ ಆದಾಯವನ್ನು ಗಳಿಸುತ್ತಿದ್ದಾರೆ. ಫಿಲ್ಮ್ ಡೇಟಾ ಪ್ರಕಾರ, ಸೋನಾಲ್ ಚೌಹಾಣ್ ಆಸ್ತಿ ಮೌಲ್ಯ.. 70 ಕೋಟಿ ರೂ. ಎನ್ನಲಾಗಿದೆ..
