NRI News: ಡಿಸೆಂಬರ್ 8 ರಂದು ಮುಕ್ತಾಯಗೊಳ್ಳಲಿರುವ ಮತದಾರರ ಪಟ್ಟಿಗಳ ಪರಿಷ್ಕರಣೆ ಸಂದರ್ಭದಲ್ಲಿ ಮತದಾರರಾಗಿ ನೋಂದಾಯಿಸಿಕೊಳ್ಳುವಂತೆ ಮೈಸೂರು ಜಿಲ್ಲಾಡಳಿತವು ಅನಿವಾಸಿ ಭಾರತೀಯರು ,(ಎನ್‌ಆರ್‌ಐ) ಮತ್ತು ವಿವಿಧ ಭದ್ರತಾ ಸಂಬಂಧಿತ ಸೇವೆಗಳಲ್ಲಿ ಉದ್ಯೋಗದಲ್ಲಿರುವ ಜನರಿಗೆ ಮನವಿ ಮಾಡಿದೆ.
ಅಧ್ಯಯನ, ಉದ್ಯೋಗ ಅಥವಾ ಇತರ ಕಾರಣಗಳಿಗಾಗಿ ದೇಶದಿಂದ ಹೊರಗಿರುವ ಅನಿವಾಸಿ ಭಾರತೀಯರು, ಬೇರೆ ಯಾವುದೇ ದೇಶದ ಪೌರತ್ವವನ್ನು ಹೊಂದಿಲ್ಲದವರು, ತಮ್ಮ ಪಾಸ್‌ಪೋರ್ಟ್‌ನಲ್ಲಿ ನೀಡಿರುವ ವಿಳಾಸವನ್ನು ನಮೂನೆ 6A ನಲ್ಲಿ ಒದಗಿಸುವ ಮೂಲಕ ಮತದಾರರಾಗಿ ನೋಂದಾಯಿಸಿಕೊಳ್ಳಬಹುದು ಎಂದು ತಿಳಿಸಿದೆ.
ಇದನ್ನೂ ಓದಿ: NRI Couple: ಮತದಾನಕ್ಕಾಗಿ ಹನಿಮೂನ್ ಟ್ರಿಪ್ ಕ್ಯಾನ್ಸಲ್ ಮಾಡಿದ ನವಜೋಡಿ: ಇದಪ್ಪಾ ಕರ್ತವ್ಯ ಅಂದ್ರೆ
ಭಾರತೀಯ ಒಕ್ಕೂಟದ ಸಶಸ್ತ್ರ ಪಡೆಗಳಲ್ಲಿರುವ ಜನರು, ಆರ್ಮಿ ಆಕ್ಟ್ 1950 ಅನ್ವಯವಾಗುವ ಪಡೆಯಲ್ಲಿ ಸೇವೆ ಸಲ್ಲಿಸುತ್ತಿರುವವರು (ಅಸ್ಸಾಂ ರೈಫಲ್ಸ್, CRPF, BSF, ITBP, SSB, NSG, BRO, CISF ನಲ್ಲಿ GREF), ಭಾರತ ಸರ್ಕಾರದ ಅಡಿಯಲ್ಲಿ ಉದ್ಯೋಗದಲ್ಲಿರುವವರು ಭಾರತದ ಹೊರಗಿನ ಪೋಸ್ಟ್‌ನಲ್ಲಿ ಅಥವಾ ರಾಜ್ಯದ ಹೊರಗೆ ಸೇವೆ ಸಲ್ಲಿಸುತ್ತಿರುವ ರಾಜ್ಯದ ಸಶಸ್ತ್ರ ಪೊಲೀಸ್ ಪಡೆಯ ಸದಸ್ಯರಿಗೆ ಮತದಾರರಾಗಿ ನೋಂದಾಯಿಸಲು ಜಿಲ್ಲಾ ಚುನಾವಣಾಧಿಕಾರಿಯೂ ಆಗಿರುವ ಮೈಸೂರಿನ ಜಿಲ್ಲಾಧಿಕಾರಿಗಳ ಕಚೇರಿಯಿಂದ ಸೂಚಿಸಲಾಗಿದೆ.
ಒಂದು ವೇಳೆ ಬೇರೆ ರಾಜ್ಯ, ದೇಶದಲ್ಲಿ ಕೆಲಸದಲ್ಲಿರುವವರ ಪತ್ನಿ (Service Voter ಎಂದೂ ಕರೆಯಲ್ಪಡುತ್ತಾರೆ) ಸಹ, ತಮ್ಮ ಸಂಬಂಧಪಟ್ಟ ಕ್ಷೇತ್ರದಲ್ಲಿ ಸೇವಾ ಮತದಾರರಿಗೆ ಮೀಸಲಾದ ಭಾಗಕ್ಕೆ ಸೇರ್ಪಡೆಗೊಳ್ಳಲು ಅರ್ಹರಾಗಿರುತ್ತಾರೆ. ಆದರೆ, ಈ ಕಾನೂನಿನ ಪ್ರಕಾರ ಮಹಿಳಾ ಸೇವಾ ಮತದಾರರ ಪತಿಗೆ ಸೌಲಭ್ಯ ಲಭ್ಯವಿರುವುದಿಲ್ಲ.
ಮೈಸೂರು ಜಿಲ್ಲೆಯಲ್ಲಿ ನಡೆಯುತ್ತಿರುವ ಮತದಾರರ ಪಟ್ಟಿ 2023 ರ ವಿಶೇಷ ಪರಿಷ್ಕರಣೆ ಡಿಸೆಂಬರ್ 8 ರಂದು ಮುಕ್ತಾಯಗೊಳ್ಳಲಿದೆ. ಜನರು ಸಮಗ್ರ ಕರಡು ಮತದಾರರ ಪಟ್ಟಿಯ ಪ್ರಕಟಣೆಯನ್ನು ಪರಿಶೀಲಿಸಬಹುದು. ಮತದಾರರ ಪಟ್ಟಿಗೆ ತಮ್ಮ ಹೆಸರನ್ನು ಸೇರಿಸಬಹುದು.ಮಾಹಿತಿಯನ್ನು ಸರಿಪಡಿಸಬಹುದು. ಅಥವಾ ಅಪ್ಡೇಟ್ ಕೂಡ ಮಾಡಬಹುದು. ಮತದಾರರ ಪಟ್ಟಿಯಿಂದ ಹೆಸರುಗಳು ಅಥವಾ ಅದನ್ನು ಆಯಾ ಮತ ಕ್ಷೇತ್ರಗಳಿಗೆ ವರ್ಗಾಯಿಸುವ ಪ್ರಕ್ರಿಯೆಯನ್ನೂ ಸಹ ಮಾಡಬಹುದು.
ಅಗತ್ಯ ದಾಖಲೆಗಳೊಂದಿಗೆ ಅರ್ಜಿಗಳನ್ನು ಆಯಾ ಬೂತ್ ಮಟ್ಟದ ಅಧಿಕಾರಿಗೆ ಸಲ್ಲಿಸಬೇಕು. Google Play Store ನಿಂದ ಮತದಾರರ ಸಹಾಯವಾಣಿ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡುವ ಮೂಲಕ ಅಥವಾ https://www.nvsp.in/ ಗೆ ಲಾಗ್ ಇನ್ ಮಾಡುವ ಮೂಲಕ ಅರ್ಜಿಗಳನ್ನು ಆನ್‌ಲೈನ್‌ನಲ್ಲಿ ಸಲ್ಲಿಸಬಹುದು. ಸಹಾಯಕ್ಕಾಗಿ, ಜನರು ಮತದಾರರ ಸಹಾಯವಾಣಿಯ ಟೋಲ್-ಫ್ರೀ ಸಂಖ್ಯೆ 1950 ಅನ್ನು ಸಂಪರ್ಕಿಸಬಹುದು.
ಇದನ್ನೂ ಓದಿ: NRIಗಳಿಂದ FDIಗೆ ಭಾರೀ ಫಂಡ್: ವಿದೇಶದಿಂದ ಹಣ ಕಳುಹಿಸುವವರಲ್ಲಿ ಭಾರತೀಯರೇ ಮುಂದು
ಮೈಸೂರು ಜಿಲ್ಲಾಡಳಿತವು ಮುಂದಿನ ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಗೆ ಮುನ್ನ ಮತದಾರರ ಪಟ್ಟಿಯನ್ನು ಸಿದ್ಧಪಡಿಸಲು 18 ವರ್ಷ ಮೇಲ್ಪಟ್ಟ ಹೊಸ ಮತದಾರರನ್ನು ಸೇರ್ಪಡೆಗೊಳಿಸುವ ಅಭಿಯಾನವನ್ನು ನಡೆಸಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
