ಮದುವೆಯಲ್ಲಿ ಅನೇಕ ರೀತಿಯ ವಿಚಿತ್ರ ಆಚರಣೆಗಳು ಮತ್ತು ಸಂಪ್ರದಾಯಗಳನ್ನು ಕಂಡುಬರುತ್ತವೆ. ವಿವಿಧ ದೇಶಗಳಲ್ಲಿ ವಿವಾಹಗಳ ವಿಭಿನ್ನ ಸಂಪ್ರದಾಯಗಳನ್ನು ನೋಡಬಹುದು. ಅಂತಹದ್ದೇ ಒಂದು ವಿಚಿತ್ರ ಸಂಪ್ರದಾಯದ ಬಗ್ಗೆ ನಾವಿಂದು ಹೇಳಲಿದ್ದೇವೆ. ಇಲ್ಲಿನ ವಿಶಿಷ್ಟ ಪದ್ಧತಿಗಳ ಬಗ್ಗೆ ತಿಳಿಯಿರಿ.
ಪ್ರಪಂಚದಾದ್ಯಂತ ಹೆಚ್ಚಿನ ಸ್ಥಳಗಳಲ್ಲಿ, ವಧುಗಳು ತಮ್ಮ ಮದುವೆಯ ದಿನದಂದು ಸುಂದರವಾಗಿ ಕಾಣಲು ಮೇಕ್ಅಪ್ ಅನ್ನು ಬಳಸುತ್ತಾರೆ. ಆದರೆ ಕೊಸೊವೊ ಎಂಬ ಪ್ರದೇಶಲ್ಲಿ, ವಧು ಮೇಕ್ಅಪ್ನಿಂದ ಅಲಂಕರಿಸಲ್ಪಡುವುದಿಲ್ಲ. ಇಲ್ಲಿ ಈ ಅಭ್ಯಾಸದ ಬಗ್ಗೆ ತಿಳಿದರೆ ನಿಮಗೂ ಆಶ್ಚರ್ಯವಾಗುತ್ತದೆ. ಈ ಸಂಪ್ರದಾಯವು 2,000 ವರ್ಷಗಳಷ್ಟು ಹಳೆಯದು.
ಕೊಸೊವೊದಲ್ಲಿ, ವಧುವನ್ನು ಮೇಕ್ಅಪ್ನಿಂದ ಅಲಂಕರಿಸಲಾಗುವುದಿಲ್ಲ. ಪೇಂಟಿಂಗ್ ಮೂಲಕ ಅಲಂಕರಿಸಲಾಗುತ್ತದೆ. ಮದುವೆಯನ್ನು ಕಲಾ ಉತ್ಸವದಂತೆಯೇ ಆಚರಿಸಲಾಗುತ್ತದೆ. ವಧುವಿನ ಮುಖದ ಮೇಲೆ ಸೂಕ್ಷ್ಮವಾಗಿ ಬಣ್ಣದಿಂದ ಅಲಂಕಾರ ಮಾಡಲಗುತ್ತದೆ
ಮದುವೆಯಲ್ಲಿ ಸಾಂಪ್ರದಾಯಿಕ ಬೋಸ್ನಿಯಾಕ್ ಉಡುಪನ್ನು ಧರಿಸಲಾಗುತ್ತದೆ. ವಧುವಿನ ಮುಖವನ್ನು ಬಿಳಿ ಬಣ್ಣದಿಂದ ಚಿತ್ರಿಸಲಾಗುತ್ತದೆ. ಇದಲ್ಲದೆ, ಕೆಂಪು ಮತ್ತು ನೀಲಿ ಚುಕ್ಕೆ, ಚಿನ್ನ ಮತ್ತು ಬೆಳ್ಳಿ ಬಣ್ಣದ ರೇಖೆಗಳ ವಿನ್ಯಾಸಗಳನ್ನು ಸಹ ತಯಾರಿಸಲಾಗುತ್ತದೆ. ಅಷ್ಟೇ ಅಲ್ಲ, ಹುಬ್ಬುಗಳಲ್ಲಿ ಒಂದಷ್ಟು ಕಲಾಕೃತಿಗಳನ್ನು ತೋರಿಸಿ ವಧುವಿಗೆ ಬಣ್ಣ ಬಳಿಯಲಾಗುತ್ತದೆ.
ಮುಖವನ್ನು ಅಲಂಕರಿಸಲು ಬಳಸುವ ಬಣ್ಣಗಳು ಮತ್ತು ರೇಖೆಗಳು ಸಂತೋಷ, ಪ್ರೀತಿ ಮತ್ತು ಗೌರವವನ್ನು ಪ್ರತಿನಿಧಿಸುತ್ತವೆ ಎಂದು ನಂಬಲಾಗಿದೆ. ಜುಲೈ-ಆಗಸ್ಟ್ ಸಮಯದಲ್ಲಿ ಈ ನಗರದಲ್ಲಿ ಬಹಳಷ್ಟು ಮದುವೆಗಳು ನಡೆಯುತ್ತವೆ.
ಕಾಲಾನಂತರದಲ್ಲಿ, ಈ ಅಭ್ಯಾಸವು ಹೆಚ್ಚಿನ ಪ್ರಮಾಣದಲ್ಲಿ ಪರಿಣಾಮ ಬೀರುತ್ತಿದೆ. ನಿಜವಾಗಿ ಇಡೀ ಗ್ರಾಮದಲ್ಲಿ ಈ ರೀತಿ ಮೇಕಪ್ ಮಾಡುವುದು ಒಬ್ಬ ಮಹಿಳೆಗೆ ಮಾತ್ರ ಗೊತ್ತು. ಕೊಸೊವಾದಲ್ಲಿ ಈ ಸಂಪ್ರದಾಯವನ್ನು ಅನುಸರಿಸುವ ಕೆಲವೇ ಜನರು ಉಳಿದಿದ್ದಾರೆ.
