ಇಂದು ಸಂಕಷ್ಟ ಚತುರ್ಥಿ: ಈ ಮುಹೂರ್ತದಲ್ಲಿ ಗಣಪತಿ ಪೂಜಿಸಿದ್ರೆ ಸಮಸ್ಯೆಗಳು ದೂರವಾಗುತ್ತವೆ!

ನವದೆಹಲಿ: ಪ್ರತಿ ತಿಂಗಳ ಎರಡೂ ಚತುರ್ಥಿಯನ್ನು ಭಗವಾನ್ ಗಣೇಶನಿಗೆ ಸಮರ್ಪಿಸಲಾಗುತ್ತದೆ. ಶ್ರಾವಣದಲ್ಲಿ ಬರುವ ಸಂಕಷ್ಟ ಚತುರ್ಥಿಯನ್ನು ಗಜಾನನ ಸಂಕಷ್ಟ ಚತುರ್ಥಿ ಎಂದು ಕರೆಯಲಾಗುತ್ತದೆ. ಈ ಬಾರಿ ಆಯುಷ್ಮಾನ್ ಮತ್ತು ಸೌಭಾಗ್ಯ ಯೋಗದಲ್ಲಿದ್ದಾರೆ. ಈ ಅವಧಿಯಲ್ಲಿ ಮಾಡಿದ ಕೆಲಸದಲ್ಲಿ ಯಶಸ್ಸು ಸಿಗುತ್ತದೆ. ಜುಲೈ 16ರ ಮಧ್ಯಾಹ್ನದಿಂದ ಚತುರ್ಥಿ ಆರಂಭವಾಗುತ್ತಿದೆ. ಚಂದ್ರ ದರ್ಶನ ಮತ್ತು ಚಂದ್ರ ಅರ್ಘ್ಯದ ನಂತರವೇ ಉಪವಾಸದ ಆರಾಧನೆಯನ್ನು ಸಂಪೂರ್ಣವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ಸಂಕಷ್ಟಿ ಚತುರ್ಥಿಯ ಉಪವಾಸವನ್ನು ಇಂದೇ ಆಚರಿಸಲಾಗುವುದು. 

ಸಂಕಷ್ಟ ಚತುರ್ಥಿಯ ದಿನದಂದು ಮೊದಲು ಗಣೇಶನನ್ನು ಪೂಜಿಸಲಾಗುತ್ತದೆ. ಚಂದ್ರ ದೇವರ ದರ್ಶನ ಮತ್ತು ರಾತ್ರಿಯಲ್ಲಿ ಅರ್ಘ್ಯವನ್ನು ಅರ್ಪಿಸಿದ ನಂತರವೇ ಉಪವಾಸವನ್ನು ಸಂಪೂರ್ಣವೆಂದು ಪರಿಗಣಿಸಲಾಗುತ್ತದೆ. ಇದಾದ ನಂತರ ಉಪವಾಸವನ್ನು ಮುಕ್ತಾಯಗೊಳಿಸಲಾಗುತ್ತದೆ. ಸಂಕಷ್ಟ ಚತುರ್ಥಿಯ ದಿನವು ಶುಭ ಸಮಯ ಮತ್ತು ಚಂದ್ರ ದರ್ಶನದ ಸಮಯವಾಗಿರುತ್ತದೆ.  

ಇದನ್ನೂ ಓದಿ: Today Astrology: ಈ ರಾಶಿಯವರ ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ

ಗಜಾನನ ಸಂಕಷ್ಟ ಚತುರ್ಥಿ ವ್ರತ ಮುಹೂರ್ತ

ಹಿಂದೂ ಧರ್ಮದಲ್ಲಿ ಗಣೇಶನ ಪೂಜೆಗೆ ವಿಶೇಷ ಮಹತ್ವವಿದೆ. ಯಾವುದೇ ಶುಭ ಕಾರ್ಯಗಳ ಮೊದಲು ಗಣೇಶನನ್ನು ಭಕ್ತಿಯಿಂದ ಪೂಜಿಸಲು ನಿಯಮವಿದೆ. ಶ್ರಾವಣ ಮಾಸದ ನಿಮ್ಮ ಮೊದಲ ಸಂಕಷ್ಟಿ ಚತುರ್ಥಿಯನ್ನು ಗಜಾನನ ಎಂದು ಕರೆಯಲಾಗುತ್ತದೆ. ಸಂಕಷ್ಟ ಚತುರ್ಥಿ ದಿನಾಂಕವು ಜುಲೈ 16ರ ಮಧ್ಯಾಹ್ನ 1.27ರಿಂದ ಪ್ರಾರಂಭವಾಗಿ ಜುಲೈ 17ರ ಬೆಳಿಗ್ಗೆ 10.49ರವರೆಗೂ ಇರುತ್ತದೆ. ಈ ದಿನ ಆಯುಷ್ಮಾನ್ ಯೋಗವು ಬೆಳಿಗ್ಗೆಯಿಂದ ರಾತ್ರಿ 8:50ರವರೆಗೆ ಮತ್ತು ಸೌಭಾಗ್ಯ ಯೋಗವು ಇಂದು ಬೆಳಗ್ಗೆ 8.50ರಿಂದ ಸಂಜೆ 5:49ರವರೆಗೆ ಇರುತ್ತದೆ. ಇಂದು ಮಧ್ಯಾಹ್ನ 12ರಿಂದ 12.55ರವರೆಗೆ ಪೂಜೆಯ ಶುಭ ಮುಹೂರ್ತ ನಡೆಯಲಿದೆ. ಅದೇ ರೀತಿ ಗಜಾನನ ಸಂಕಷ್ಟ ಚತುರ್ಥಿಯ ಅರ್ಘ್ಯ ಸಮಯವು ಇಂದು ರಾತ್ರಿ 9:49ರಿಂದ ಪ್ರಾರಂಭವಾಗುತ್ತಿದೆ ಮತ್ತು ಅರ್ಘ್ಯವನ್ನು ಚಂದ್ರೋದಯದ ನಂತರ ಯಾವಾಗ ಬೇಕಾದರೂ ನೀಡಬಹುದು.

ಇದನ್ನೂ ಓದಿ: Surya Gochar 2022: ಇಂದಿನಿಂದ ‘ಸೂರ್ಯ’ ಈ ಜನರಿಗೆ ಹಣ ನೀಡಲಿದ್ದಾನೆ, ಅದೃಷ್ಟವೇ ಬದಲಾಗಲಿದೆ!

ಸಂಕಷ್ಟ ಚತುರ್ಥಿ ಪೂಜಾ ವಿಧಾನ

• ಗಜಾನನ ಸಂಕಷ್ಟ ಚತುರ್ಥಿಯಂದು ಬೆಳಿಗ್ಗೆ ಸ್ನಾನ ಮಾಡಿದ ನಂತರ ಕೆಂಪು ಬಣ್ಣದ ಬಟ್ಟೆಗಳನ್ನು ಧರಿಸಿ. ಪೂಜಾ ಮನೆಯನ್ನು ಸ್ವಚ್ಛಗೊಳಿಸಿ. ಇದರ ನಂತರ ನಿಮ್ಮ ಕೈಯಲ್ಲಿ ನೀರು, ಅಕ್ಷತೆ ಮತ್ತು ಹೂವುಗಳನ್ನು ತೆಗೆದುಕೊಂಡು ಪೂಜೆಯ ಪ್ರತಿಜ್ಞೆಯನ್ನು ತೆಗೆದುಕೊಳ್ಳಬೇಕು.
• ಇದಾದ ನಂತರ ಮಂಗಳಕರ ಸಮಯದಲ್ಲಿ ಗಣೇಶನ ವಿಗ್ರಹವನ್ನು ಸ್ಥಾಪಿಸಿ. ಗಣಪತಿಗೆ ಜಲಾಭಿಷೇಕ ಮಾಡಿ ವಸ್ತ್ರಗಳನ್ನು ಅರ್ಪಿಸಿ. ಗಣಪತಿಗೆ ಶ್ರೀಗಂಧದ ತಿಲಕವನ್ನು ಹಚ್ಚಬೇಕು.
• ಪೂಜೆಯ ಸಮಯದಲ್ಲಿ ಕೆಂಪು ಹೂವುಗಳು, ಹಣ್ಣುಗಳು, ದೂಪ, ವೀಳ್ಯದೆಲೆ, ಏಲಕ್ಕಿ, ಧೂಪ, ದೀಪ ಮತ್ತು ಪರಿಮಳವನ್ನು ಅರ್ಪಿಸಬೇಕು. ಇದರ ನಂತರ ಗಣೇಶನಿಗೆ ಮೋದಕ ಅಥವಾ ಬೂಂದಿ ಲಡ್ಡುಗಳನ್ನು ಅರ್ಪಿಸಬೇಕು. ಈ ದಿನ ಪೂಜೆಯ ನಂತರ ಗಣೇಶ ಚಾಲೀಸಾ ಮತ್ತು ವ್ರಕ ಕಥಾ ಪಠಿಸಬೇಕು. ಗಣೇಶನಿಗೆ ತುಳಸಿಯನ್ನು ಅರ್ಪಿಸಲು ಮರೆಯಬಾರದು.
• ಈ ದಿನದಂದು ಗಣೇಶ ಮಂತ್ರವನ್ನು ಪಠಿಸುವುದರಿಂದ ತುಂಬಾ ಫಲಪ್ರದವಾಗುತ್ತದೆ. ಇದಾದ ನಂತರ ಗಣೇಶ ಆರತಿಯೊಂದಿಗೆ ಪೂಜೆಯನ್ನು ಮುಕ್ತಾಯಗೊಳಿಸಿ. ಗಣೇಶನ ಮುಂದೆ ತುಪ್ಪದ ದೀಪವನ್ನು ಹಚ್ಚಿ. ದಿನವಿಡೀ ಹಣ್ಣುಗಳನ್ನು ಸೇವಿಸುತ್ತಾ ಉಪವಾಸ ಮಾಡಿ ಗಣೇಶನನ್ನು ಆರಾಧಿಸಬೇಕು. ಚಂದ್ರೋದಯದ ನಂತರ ರಾತ್ರಿ ಚಂದ್ರನನ್ನು ಪೂಜಿಸಿ, ಅರ್ಘ್ಯದಲ್ಲಿ ನೀರು, ಅಕ್ಷತೆ, ಹಾಲು, ಸಕ್ಕರೆ ಮತ್ತು ಹೂವುಗಳನ್ನು ಅರ್ಪಿಸಬೇಕು.
• ಚಂದ್ರದೇವನನ್ನು ಪೂಜಿಸಿದ ನಂತರ ಜೀವನದ ಎಲ್ಲಾ ಸಮಸ್ಯೆಗಳು ನಿವಾರಣೆಯಾಗಲು ಗಣೇಶನನ್ನು ಪ್ರಾರ್ಥಿಸಬೇಕು. ಇದರಿಂದ ನಿಮಗೆ ಸಂತೋಷ, ಅದೃಷ್ಟ ಮತ್ತು ಸಮೃದ್ಧಿ ಪ್ರಾಪ್ತಿಯಾಗುತ್ತದೆ.
• ಈ ದಿನದಂದು ಸಿಹಿ ಸೇವಿಸುವ ಮೂಲಕ ಉಪವಾಸ ಕೊನೆಗೊಳಿಸಿ. ಹಲವೆಡೆ ಸಂಕಷ್ಟ ಚತುರ್ಥಿಯಂದು ಸೂರ್ಯೋದಯದ ನಂತರವೇ ಉಪವಾಸವನ್ನು ಮುಕ್ತಾಯಗೊಳಿಸಲಾಗುತ್ತದೆ. ನಿಮ್ಮಿಷ್ಟದ ಪ್ರಕಾರವೇ ನೀವು ಉಪವಾಸವನ್ನು ಮುರಿಯಬಹುದಾಗಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.