ಲಕ್ನೋ : ಉತ್ತರ ಪ್ರದೇಶದಲ್ಲಿ ಮುಂದಿನ ವರ್ಷ ನಡೆಯಲಿರುವ ವಿಧಾನಸಭಾ ಚುನಾವಣೆ(UP Assembly Elections 2022)ಗೆ ಎಲ್ಲಾ ಪಕ್ಷಗಳು ಸಿದ್ಧತೆಗಳನ್ನು ತೀವ್ರಗೊಳಿಸಿದ್ದು, ಇದರ ಅಡಿಯಲ್ಲಿ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಇದೀಗ ರಾಜ್ಯದ ಮತದಾರರನ್ನು ತಲುಪಲು ಬಿಗ್ ಪ್ಲಾನ್ ಮಾಡಿದೆ. ಮತದಾರರನ್ನು ತಲುಪಲು ಬಿಜೆಪಿ ನಾಲ್ಕು ರಥಯಾತ್ರೆಗಳನ್ನು ನಡೆಸಲು ಪ್ಲಾನ್ ಮಾಡಿದೆ. ರಥಯಾತ್ರೆಯ ಮೂಲಕ ಪ್ರತಿಯೊಬ್ಬ ಮತದಾರರನ್ನು ಮತ್ತು ಸಮಾಜದ ಪ್ರತಿಯೊಂದು ವರ್ಗವನ್ನು ತಲುಪುವ ಗುರಿಯನ್ನು ಬಿಜೆಪಿ ಹೊಂದಿದೆ. ಈ 4 ರಥಯಾತ್ರೆಗಳ ಮೂಲಕ ರಾಜ್ಯದ ಬಹುತೇಕ ಪ್ರತಿ ವಿಧಾನಸಭಾ ಕ್ಷೇತ್ರಗಳನ್ನು ತಲುಪುವುದು ಪಕ್ಷದ ಪ್ರಯತ್ನವಾಗಿದೆ.
ಬಿಜೆಪಿ ಯಾವಾಗ ರಥಯಾತ್ರೆ ಕೈಗೊಳ್ಳುತ್ತದೆ?
ಡಿಸೆಂಬರ್ ಮೊದಲ ವಾರದಿಂದ ಯುಪಿಯಲ್ಲಿ ರಥಯಾತ್ರೆ ಕೈಗೊಳ್ಳಲು ಬಿಜೆಪಿ(BJP Rath Yatra) ಸಿದ್ಧತೆ ನಡೆಸಿದೆ ಎಂದು ನಂಬಲಾಗಿದೆ. ಇದು ಇನ್ನೂ ಅಂತಿಮಗೊಂಡಿಲ್ಲ. ಈ ರಥಗಳು ಪಶ್ಚಿಮ ಉತ್ತರ ಪ್ರದೇಶ, ಪೂರ್ವಾಂಚಲ, ಬುಂದೇಲ್‌ಖಂಡ್, ಅವಧ್, ಬ್ರಜ್ ಸೇರಿದಂತೆ ಎಲ್ಲಾ ಪ್ರದೇಶಗಳಲ್ಲಿ ಹಾದು ಹೋಗಲಿವೆ. ಇಲ್ಲಿಯವರೆಗಿನ ಸಿದ್ಧತೆಗಳ ಪ್ರಕಾರ ರಥಯಾತ್ರೆಗಳು 4 ವಿವಿಧ ಮಾರ್ಗಗಳಲ್ಲಿ ಸಾಗಲಿವೆ. ಬಿಜೆಪಿಯ ಹಿರಿಯ ನಾಯಕರು ಈ ರಥಯಾತ್ರೆಗಳಿಗೆ ಚಾಲನೆ ನೀಡಲಿದ್ದಾರೆ. ಈ ರಥಯಾತ್ರೆಗಳಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಸಚಿವರು ಕೂಡ ವಿವಿಧ ಸಮಯ ಮತ್ತು ಸ್ಥಳಗಳಲ್ಲಿ ಭಾಗವಹಿಸುತ್ತಾರೆ.
ಇದನ್ನೂ ಓದಿ : BSNL offer : ಅತಿ ಕಡಿಮೆ ಬೆಲೆಗೆ ನಿತ್ಯ 2GB ಡೇಟಾ, ಮಾತ್ರವಲ್ಲ ಸಿಗಲಿದೆ ಇನ್ನಷ್ಟು ಲಾಭ
ಪ್ರಧಾನಿ ಮೋದಿ ಮತ್ತು ಸಿಎಂ ಯೋಗಿ ಕೆಲಸ ಪಕ್ಷ ಹೇಳಲಿದೆ
ಈ ರಥಗಳ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಮತ್ತು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್(Narendra Modi and Yogi Adityanath) ಸರ್ಕಾರದ ಸಾಧನೆಗಳನ್ನು ಪಕ್ಷವು ಜನರಿಗೆ ತಿಳಿಸಲಿದೆ. ಮಾಹಿತಿ ಪ್ರಕಾರ, ಈ ರಥಯಾತ್ರೆಗಳು 15 ದಿನಗಳ ಕಾಲ ನಡೆಯಲಿದ್ದು, ಲಕ್ನೋದಲ್ಲಿ ಎಲ್ಲಾ ನಾಲ್ಕು ರಥಯಾತ್ರೆಗಳನ್ನು ಮುಕ್ತಾಯಗೊಳಿಸಲು ಸಿದ್ಧತೆ ನಡೆಸಲಾಗುತ್ತಿದೆ, ಅಲ್ಲಿ ದೊಡ್ಡ ರ್ಯಾಲಿ ನಡೆಯಲಿದೆ.
ರಥಯಾತ್ರೆ ಡಿಸೆಂಬರ್ 25 ರಂದು ಮುಕ್ತಾಯಗೊಳ್ಳಬಹುದು
ಅಟಲ್ ಬಿಹಾರಿ ವಾಜಪೇಯಿ(Atal Bihari Vajpayee) ಅವರ ಜನ್ಮದಿನದಂದು ಅಂದರೆ ಡಿಸೆಂಬರ್ 25 ರಂದು ಈ ಸಮಾರೋಪ ಸಮಾರಂಭವನ್ನು ಮಾಡುವ ಸಾಧ್ಯತೆಯಿದೆ, ಇದನ್ನು ಬಿಜೆಪಿಯ ದೊಡ್ಡ ನಾಯಕರೊಬ್ಬರು ಉದ್ದೇಶಿಸಿ ಮಾತನಾಡಬಹುದು ಮತ್ತು ಅವರು ಪ್ರಧಾನಿ ನರೇಂದ್ರ ಮೋದಿ ಕೂಡ ಆಗಿರಬಹುದು. ಇಂದಿನ ಬಿಜೆಪಿ ಸಭೆಯಲ್ಲಿ ಈ ವಿಚಾರ ಅಂತಿಮಗೊಳ್ಳಲಿದ್ದು, ಪಕ್ಷದ ಅಧ್ಯಕ್ಷ ಜೆಪಿ ನಡ್ಡಾ ಸೇರಿದಂತೆ ಉತ್ತರ ಪ್ರದೇಶ ಸಂಘಟನೆಗೆ ಸಂಬಂಧಿಸಿದ ಮುಖಂಡರು ಭಾಗವಹಿಸಲಿದ್ದಾರೆ.
ಇದನ್ನೂ ಓದಿ : Gold Price Today : ಆಭರಣ ಪ್ರಿಯರೆ ಗಮನಿಸಿ : ಇಂದು 50 ಸಾವಿರ ಹತ್ತಿರ ತಲುಪಿದ ಚಿನ್ನದ ಬೆಲೆ!
2017ರ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ 312 ಸ್ಥಾನ
2017ರ ವಿಧಾನಸಭಾ ಚುನಾವಣೆ(UP Assembly Elections 2017)ಯಲ್ಲಿ ಕಾಂಗ್ರೆಸ್ ಮತ್ತು ಸಮಾಜವಾದಿ ಪಕ್ಷ ಒಟ್ಟಾಗಿ ಸ್ಪರ್ಧಿಸಿದ್ದವು. ಸಮಾಜವಾದಿ ಪಕ್ಷವು ಕಾಂಗ್ರೆಸ್ ಜೊತೆ ಒಪ್ಪಂದ ಮಾಡಿಕೊಂಡು 311 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದರೆ, ಮಿತ್ರಪಕ್ಷ ಕಾಂಗ್ರೆಸ್ 114 ಸ್ಥಾನಗಳಲ್ಲಿ ತನ್ನ ಅದೃಷ್ಟವನ್ನು ಪರೀಕ್ಷಿಸಿತು. ಚುನಾವಣೆಯಲ್ಲಿ ಎಸ್‌ಪಿ ಕೇವಲ 47 ಸ್ಥಾನಗಳನ್ನು ಪಡೆದಿದ್ದು, ಶೇ.21.82ರಷ್ಟು ಮತಗಳನ್ನು ಪಡೆದಿದೆ. ಅದೇ ಸಮಯದಲ್ಲಿ, ಕಾಂಗ್ರೆಸ್ ಕೇವಲ 7 ಸ್ಥಾನಗಳನ್ನು ಗೆಲ್ಲಲು ಸಾಧ್ಯವಾಯಿತು ಮತ್ತು 6.25 ರಷ್ಟು ಮತಗಳನ್ನು ಗಳಿಸಿತು. 2017ರಲ್ಲಿ ಬಿಜೆಪಿ 384 ಸ್ಥಾನಗಳಲ್ಲಿ ಸ್ಪರ್ಧಿಸಿ ಶೇ.39.67 ಮತಗಳನ್ನು ಪಡೆದಿತ್ತು. ಬಿಜೆಪಿ 312 ಸ್ಥಾನಗಳನ್ನು ಗೆಲ್ಲುವ ಮೂಲಕ ಭರ್ಜರಿ ಬಹುಮತ ಸಾಧಿಸಿತ್ತು. ಬಹುಜನ ಸಮಾಜ ಪಕ್ಷ (ಬಿಎಸ್‌ಪಿ) 403 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದರೆ, ಅದು ಕೇವಲ 19 ಸ್ಥಾನಗಳನ್ನು ಮತ್ತು 22.23 ರಷ್ಟು ಮತಗಳನ್ನು ಗಳಿಸಿತು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
