ನವದೆಹಲಿ: ಪ್ರಕೃತಿ ನಮ್ಮೆಲ್ಲರ ಜೀವನದ ಒಂದು ಪ್ರಮುಖ ಭಾಗವಾಗಿದೆ. ನೈಸರ್ಗಿಕ ಔಷಧವು ಪ್ರತಿಯೊಬ್ಬರ ಆರೋಗ್ಯಕ್ಕೂ ತುಂಬಾ ಪ್ರಯೋಜನಕಾರಿ. ಅಂದರೆ ದೇಹವನ್ನು ಆರೋಗ್ಯವಾಗಿಡಲು ಬಳಸಬಹುದಾದ ಹಣ್ಣು, ತರಕಾರಿಗಳು, ಸೊಪ್ಪುಗಳು.... ಆದ್ದರಿಂದ ಇಂದು ನಾವು ಸೀಬೆಹಣ್ಣಿನ ಪ್ರಯೋಜನಗಳ ಬಗ್ಗೆ ಹೇಳುತ್ತಿದ್ದೇವೆ. ಗುವಾ/ಸೀಬೆಹಣ್ಣು ಮಲಬದ್ಧತೆ, ಸಂಧಿವಾತ, ಬಾಯಿಗೆ ಸಂಬಂಧಿಸಿದ ಸಮಸ್ಯೆಗಳು, ಚರ್ಮ ರೋಗಗಳು ಮತ್ತು ಮಧುಮೇಹ ಸೇರಿದಂತೆ ಅನೇಕ ರೋಗಗಳನ್ನು ಗುಣಪಡಿಸುತ್ತದೆ. ಸೀಬೆಹಣ್ಣಿ10 ಪ್ರಯೋಜನಗಳನ್ನು ತಿಳಿಯಿರಿ.
(ಈ ಎಲ್ಲಾ ಫೋಟೋಗಳ ಕೃಪೆ: Getty Images)
* ಸೀಬೆಹಣ್ಣು ತಲೆನೋವನ್ನು ನಿವಾರಿಸುತ್ತದೆ:
ಸೀಬೆಹಣ್ಣಿನ ಸೇವನೆಯಿಂದ ತಲೆ ನೋವು ನಿವಾರಣೆಯಾಗುತ್ತದೆ. ಇದಲ್ಲದೆ ಸೀಬೆಹಣ್ಣನ್ನು ಪೇಸ್ಟ್ ಮಾಡಿ ತಲೆಯ ಮೇಲೆ ಹಚ್ಚುವುದರಿಂದಲೂ ದೀರ್ಘಕಾಲದ ತಲೆನೋವಿನಿಂದ ಮುಕ್ತಿ ಪಡೆಯಬಹುದು.
* ಶೀತದಿಂದ ಪರಿಹಾರ:
ಚಳಿಗಾಲದಲ್ಲಿ (Winter) ಸೀಬೆಹಣ್ಣನ್ನು ಸೇವಿಸುವುದರಿಂದ ಶೀತ ಗುಣವಾಗುತ್ತದೆ.
* ಹಲ್ಲು ನೋವಿನ ನಿವಾರಣೆ:
ಹಲ್ಲು ನೋವಿನ ನಿವಾರಣೆಗೆ ಸೀಬೆಹಣ್ಣು ಪ್ರಯೋಜನಕಾರಿಯಾಗಿದೆ. ಸೀಬೆಹಣ್ಣಿನ ಎಲೆಗಳನ್ನು ಅಗಿಯುವುದರಿಂದ ಹಲ್ಲುನೋವಿನಿಂದ ಪರಿಹಾರ ಸಿಗುತ್ತದೆ.
DRY SKIN ಇರುವವರು ಚಳಿಗಾಲದಲ್ಲಿ ಇವುಗಳನ್ನು ತಪ್ಪದೇ ಅನುಸರಿಸಿ
* ಬಾಯಿಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಪ್ರಯೋಜನಕಾರಿ:
ಸೀಬೆಹಣ್ಣು ಬಾಯಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ನಿವಾರಿಸುತ್ತದೆ. ಸೀಬೆಹಣ್ಣಿನ ಎಲೆಗಳಿಂದ ಕಷಾಯ ತಯಾರಿಸಿ ಬಾಯಿ ತೊಳೆಯುವುದರಿಂದ ಬಾಯಿಗೆ ಸಂಬಂಧಿಸಿದ ಸಮಸ್ಯೆಗಳಿಂದ ದೂರವಿರಬಹುದು.
* ಸಂಧಿವಾತಕ್ಕೆ ಪ್ರಯೋಜನಕಾರಿ:
ಸಂಧಿವಾತ ಸಮಸ್ಯೆ ಇರುವವರಿಗೆ ಸೀಬೆ (Guava) ಎಲೆಗಳು ಪ್ರಯೋಜನಕಾರಿಯಾಗಿದೆ. ಸೀಬೆ ಎಲೆಗಳ ಪೇಸ್ಟ್ ಅನ್ನು ಹಚ್ಚುವುದರಿಂದ ಸಂಧಿವಾತವನ್ನು ಗುಣಪಡಿಸುತ್ತದೆ.
* ಮಧುಮೇಹವನ್ನು ನಿಯಂತ್ರಿಸಲು ಸೀಬೆ ಸಹಾಯಕ:
ಸೀಬೆಹಣ್ಣಿನಲ್ಲಿ ನಾರಿನಂಶವಿದೆ. ಸೀಬೆ ಹಣ್ಣನ್ನು ತಿನ್ನುವುದರಿಂದ ಮಧುಮೇಹವನ್ನು ನಿಯಂತ್ರಿಸಬಹುದು.
ಮಧುಮೇಹ ನಿಯಂತ್ರಣದಲ್ಲಿಡುವ ಈ ತಿನಿಸುಗಳ ಬಗ್ಗೆ ನಿಮಗೆ ತಿಳಿದಿದೆಯೇ!
* ಶೀತ ಮತ್ತು ಕೆಮ್ಮನ್ನು ನಿವಾರಿಸುತ್ತದೆ:
ಶೀತ ಮತ್ತು ಕೆಮ್ಮಿನ ಸಮಸ್ಯೆ ನಿವಾರಿಸಲು ಸೀಬೆ ಪ್ರಯೋಜನಕಾರಿಯಾಗಿದೆ. ಬೆಂಕಿಯಲ್ಲಿ ಹುರಿದ ಸೀಬೆಹಣ್ಣು ತಿನ್ನುವುದರಿಂದ ಶೀತ ಮತ್ತು ಕೆಮ್ಮನ್ನು ಗುಣಪಡಿಸುತ್ತದೆ.
*ಮಲಬದ್ದತೆ ನಿವಾರಣೆ:
ಸೀಬೆಹಣ್ಣಿನ ಸೇವನೆಯು ಮಲಬದ್ಧತೆಯನ್ನು ನಿವಾರಿಸುತ್ತದೆ. ಇದಲ್ಲದೆ ಸೀಬೆ ಎಲೆಗಳ ಕಷಾಯವು ಹೊಟ್ಟೆಗೆ ಸಂಬಂಧಿಸಿದ ಹಲವು ಸಮಸ್ಯೆಗಳನ್ನು ನಿವಾರಿಸುತ್ತದೆ.
* ಮುಖದ ಕಾಂತಿ ಹೆಚ್ಚುತ್ತದೆ:
ಸೀಬೆಹಣ್ಣಿನಲ್ಲಿ ಬೀಟಾ ಕ್ಯಾರೋಟಿನ್ ಇರುತ್ತದೆ. ಇದು ಚರ್ಮ ರೋಗಗಳನ್ನು ಗುಣಪಡಿಸುತ್ತದೆ. ಸೀಬೆಹಣ್ಣನ್ನು ತಿನ್ನುವುದರಿಂದ ಮುಖ ಕಾಂತಿ ಹೆಚ್ಚುತ್ತದೆ.
ಚಳಿಗಾಲದಲ್ಲಿ ತಪ್ಪದೇ ಈ 5 ಹಣ್ಣುಗಳನ್ನು ಸೇವಿಸಿ, ಪಡೆಯಿರಿ ಈ ಆರೋಗ್ಯಕರ ಪ್ರಯೋಜನ
* ರಕ್ತಹೀನತೆಯನ್ನು ನಿವಾರಿಸುತ್ತದೆ:
ಸೀಬೆಹಣ್ಣು ದೇಹದಲ್ಲಿನ ರಕ್ತಹೀನತೆಯನ್ನು ನಿವಾರಿಸುತ್ತದೆ. ಪ್ರತಿದಿನ ಸೀಬೆಹಣ್ಣನ್ನು ತಿನ್ನುವುದರಿಂದ ಹಿಮೋಗ್ಲೋಬಿನ್ ಕೊರತೆ ಉಂಟಾಗುವುದಿಲ್ಲ.
