ದಾಖಲೆ ಬರೆದ ಕಿರುತೆರೆ ಶೋ: ಸಂಕ್ರಾಂತಿಗೆ 'ಬೊಂಬಾಟ್ ಭೋಜನ' ಹೊಸ ಸೀಸನ್ ಶುರು..

1 /7

ನಟ-ನಿರ್ದೇಶಕ ಸಿಹಿಕಹಿ ಚಂದ್ರು ಸ್ಟಾರ್ ಸುವರ್ಣದಲ್ಲಿ ನಡೆಸಿಕೊಡುತ್ತಿರುವ ಕನ್ನಡ ಕಿರುತೆರೆಯ ಜನಪ್ರಿಯ ಅಡುಗೆ ಕಾರ್ಯಕ್ರಮ 'ಬೊಂಬಾಟ್ ಭೋಜನ' ಸೀಸನ್‌-3 ಸದ್ಯ 1000 ಸಂಚಿಕೆಗಳನ್ನು ಪೂರೈಸಿ,  ದಾಖಲೆ ಬರೆದಿದೆ.  

2 /7

'ಬೊಂಬಾಟ್ ಭೋಜನ' 1000 ಸಂಚಿಕೆಯ ಸಂಭ್ರಮವನ್ನು ಆಚರಿಸಿಲಾಗಿದ್ದು, ಆಪ್ತರು, ಮಿತ್ರರು ಮತ್ತು ವಾಹಿನಿಯವರನ್ನು ಆಮಂತ್ರಿಸಿ ಒಂದು ವಿಶೇಷ ಕಾರ್ಯಕ್ರಮವನ್ನು ಮಾಡಿ, ಬಂದವರಿಗೆ 'ಬೊಂಬಾಟ್ ಭೋಜನ' ಹಾಕಿಸಿ ಚಂದ್ರು ಕಾರ್ಯಕ್ರಮದ ಬಗ್ಗೆ ಮಾಹಿತಿ ಹಂಚಿಕೊಂಡರು. 

3 /7

 ಬೊಂಬಾಟ್‌ ಭೋಜನ ಕಾರ್ಯಕ್ರಮದಲ್ಲಿ ಸಿಹಿಕಹಿ ಚಂದ್ರು  ರಾಜ್ಯದ ಹಲವು ಜಿಲ್ಲೆಗಳಲ್ಲಿ,  ಆಹ್ವಾನಿಸಿದವರ ಮನೆಗೆ ಹೋಗಿ  ಪ್ರೀತಿಯಿಂದ ಮಾಡಿದ ತಿಂಡಿಯನ್ನು ಸವಿದು ಬಂದಿದ್ದೇನೆ. ಅಡುಗೆಯ ಜೊತೆಗೆ ಹೊಸ ವಿಭಾಗಗಳ ಮೂಲಕ ಮಹಿಳೆಯರು ತಮ್ಮ ಅಂದ ಹೆಚ್ಚಿಸಿಕೊಳ್ಳುವ ಮೇಕಪ್‍, ಕೇಶವಿನ್ಯಾಸ ತರಬೇತಿಯನ್ನು ನೀಡಲಾಗಿದೆ. 

4 /7

ಬೊಂಬಾಟ್‌ ಭೋಜನ ಕಾರ್ಯಕ್ರಮದಲ್ಲಿ ಗೌರಿಯಮ್ಮ ನಡೆಸಿಕೊಡುವ 'ಅಂಗೈಲಿ ಆರೋಗ್ಯ' ವಿಭಾಗದಲ್ಲಿ ಹಲವು ಆರೋಗ್ಯದ ಟಿಪ್ಸ್ ಗಳನ್ನು ಕೂಡ ನೀಡಲಾಗಿದ್ದು, ಸೀಸನ್‌ 3ರಲ್ಲಿ ಅಮೇರಿಕಾ, ಆಫ್ರಿಕಾ ಮುಂತಾದ ಕಡೆ ಹೋಗಿ ಅಡುಗೆ ಕಾರ್ಯಕ್ರಮ ಮಾಡಿ ಬಂದಿರುವುದು ಸಹ ವಿಶೇಷವಾಗಿದೆ.

5 /7

 ಬೊಂಬಾಟ್‌ ಭೋಜನ ಸೀಸನ್ 3ರ ಶೋದಲ್ಲಿ ಹಲವು ಗಣ್ಯರಾದ ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, ಭಾಸ್ಕರ್ ರಾವ್‍, ಸುಧಾ ಮೂರ್ತಿ, ಗುರುರಾಜ ಕರ್ಜಗಿ ಭಾಗವಹಿಸಿದ್ದಾರೆ.

6 /7

'ಬೊಂಬಾಟ್‍ ಭೋಜನ' ಶೋ 3 ಸೀಸನ್‍ಗಳಿಂದ 2000ಕ್ಕೂ ಹೆಚ್ಚು ಕಂತುಗಳಾಗಿ ಪ್ರಸಾರವಾಗಿದ್ದು, ಮುಂದಿನ ದಿನಗಳಲ್ಲಿ ಗಿನ್ನೀಸ್‍ ಅಥವಾ ಲಿಮ್ಕಾ ಬುಕ್‍ ಆಫ್‍ ರೆಕಾರ್ಡ್ಸ್ ಸಂಸ್ಥೆಗಳಿಗೆ ಸೂಕ್ತ ದಾಖಲೆ ಮಾಡಲಿದೆ.

7 /7

'ಬೊಂಬಾಟ್‍ ಭೋಜನ- 3' 1000 ಸಂಚಿಕೆಯ ಸಂಭ್ರಮದ ಕಾರ್ಯಕ್ರಮದಲ್ಲಿ ಪುಸ್ತಕವನ್ನು ಬಿಡುಗಡೆ ಮಾಡಲಾಗಿರುವುದರ ಜೊತೆಗೆ, ಸಂಕ್ರಾಂತಿ ಸಂಭ್ರಮದಲ್ಲಿ ಹೊಸ ಸೀಸನ್ ಶುರುವಾಗುತ್ತಿದ್ದು ಎಂಬ ವಿಷಯವನ್ನು ವೀಕ್ಷಕರು ತಿಳಿದ ಬಳಿಕ ಕುತೂಹಲದಿಂದ ಕಾಯುತ್ತಿದ್ದಾರೆ.