ಚುನಾವಣಾ ಆಯೋಗ 100 ನೋಟಿಸ್ ಕೊಡುತ್ತೆ...!-ವಿ.ಕೆ.ಸಿಂಗ್

ನವದೆಹಲಿ: ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ "ಮೋದಿ ಜಿ ಕಿ ಸೇನಾ" ಹೇಳಿಕೆಗೆ ಚುನಾವಣಾ ಆಯೋಗ್ ನೋಟಿಸ್ ನೀಡಿದ್ದಕ್ಕೆ ಬಿಜೆಪಿ ವಿ.ಕೆ.ಸಿಂಗ್ ಹೇಳಿರುವ ಪರಿ ಇದು.

ಚುನಾವಣಾ ಆಯೋಗ ನೀಡಿರುವ ನೋಟಿಸ್ ವಿಚಾರವಾಗಿ ಸುದ್ದಿಗಾರರು ಪ್ರಶ್ನಿಸಿದಾಗ ವಿ.ಕೆ ಸಿಂಗ್ " ನಾನು ಏನೂ ಹೇಳಬೇಕಾಗಿತ್ತೋ ಅದನ್ನು ಹೇಳಿದ್ದೇನೆ.ಈಗ ಅದನ್ನು ತಿರುಚಲು ಹೋಗಬೇಡಿ. ನೀವು ಯೋಗಿ ಆದಿತ್ಯನಾಥ್ ಹೇಳಿರುವ ಹೇಳಿಕೆಯನ್ನು ತಿರುಚಿದ್ದಿರಿ, ಮೈ ಡಿಯರ್ ಫ್ರೆಂಡ್ ಚುನಾವಣಾ ಆಯೋಗ ನೂರು ನೋಟಿಸ್ ಕೊಡುತ್ತೆ "ಎಂದು ಆಯೋಗ ನೀಡಿರುವ ನೋಟಿಸ್ ವಿಚಾರವನ್ನು ಅಲ್ಲಗಳೆದರು.

ಸೋಮವಾರದಂದು ಘಾಜಿಯಾಬಾದ್ ನಲ್ಲಿ ರ್ಯಾಲಿಯೊಂದರಲ್ಲಿ ಸಿಎಂ ಯೋಗಿ ಆದಿತ್ಯನಾಥ್ ಭಾಗವಹಿಸಿ ಮಾತನಾಡುತ್ತಾ ಭಾರತೀಯ ಸೈನ್ಯವನ್ನು ಮೋದಿ ಸೈನ್ಯವೆಂದು ಹೇಳಿಕೆ ನೀಡಿದ್ದರು. ಈ ಹೇಳಿಕೆಗೆ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜೀ ಹಾಗೂ ಕಾಂಗ್ರೆಸ್ ವಕ್ತಾರೆ ಪ್ರಿಯಾಂಕಾ ಚತುರ್ವೇದಿ ಆಕ್ಷೇಪ ವ್ಯಕ್ತಪಡಿಸಿದ್ದರು. ನಂತರ ಚುನಾವಣಾ ಆಯೋಗವು ಈ ವಿಚಾರವಾಗಿ ನೋಟಿಸ್ ಜಾರಿ ಮಾಡಿತ್ತು. ಈ ಹಿನ್ನಲೆಯಲ್ಲಿ ಈಗ ವಿ.ಕೆ ಸಿಂಗ್ ಈ ರೀತಿ ಹೇಳಿಕೆ ನೀಡಿದ್ದಾರೆ.