ಗ್ರಾಹಕರಿಗೆ ಮತ್ತೊಂದು ಶಾಕ್ ! ರೆಪೋ ದರ ಹೆಚ್ಚಿಸಿದ ಆರ್‌ಬಿಐ ! ಹೆಚ್ಚಾಗುವುದು EMI ಮೊತ್ತ

ಬೆಂಗಳೂರು : ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೋ ದರವನ್ನು ಹೆಚ್ಚಿಸುವ ಮೂಲಕ ಕೋಟ್ಯಂತರ ದೇಶವಾಸಿಗಳಿಗೆ ಮತ್ತೊಮ್ಮೆ ಶಾಕ್ ನೀಡಿದೆ. ಕ್ರೆಡಿಟ್ ನೀತಿಯಲ್ಲಿ ಬದಲಾವಣೆಗಳನ್ನು ಮಾಡುವಾಗ  ಬಡ್ಡಿದರಗಳನ್ನು ಶೇಕಡಾ 0.25 ರಷ್ಟು ಹೆಚ್ಚಿಸಿದೆ. ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ರೆಪೊ ದರದಲ್ಲಿನ ಈ ಬದಲಾವಣೆಯನ್ನು ಪ್ರಕಟಿಸಿದ್ದಾರೆ. ರೆಪೊ ದರದಲ್ಲಿ 25 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚಳದ ನಂತರ, ಇದು 6.50 ಕ್ಕೆ ಏರಿಕೆಯಾಗಿದೆ. ಈ ಹಿಂದೆ ರೆಪೋ ದರ ಶೇ.6.25 ಇತ್ತು. 

ಹೆಚ್ಚಿಗೆ ಪಾವತಿಸಬೇಕು  ಇಎಂಐ  :
ಇದಕ್ಕೂ ಮೊದಲು ಡಿಸೆಂಬರ್ 7 ರಂದು ಆರ್‌ಬಿಐ ರೆಪೊ ದರವನ್ನು 35 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಿತ್ತು. ರೆಪೊ ದರದಲ್ಲಿನ ಬದಲಾವಣೆಯು ಗ್ರಾಹಕರಿಗೆ ಬ್ಯಾಂಕ್‌ಗಳು ನೀಡುವ ಸಾಲದ ಬಡ್ಡಿ ದರದ ಮೇಲೆ ನೇರ ಪರಿಣಾಮ ಬೀರುತ್ತದೆ. ಇದೀಗ ರೆಪೋ ದರ ಹೆಚ್ಚಳವಾದ ಕಾರಣ ಗ್ರಾಹಕರು ಮೊದಲಿಗಿಂತ ಹೆಚ್ಚು ಇಎಂಐ ಪಾವತಿಸಬೇಕಾಗುತ್ತದೆ.  ಹಣದುಬ್ಬರವನ್ನು ನಿಯಂತ್ರಿಸಲು ಆರ್‌ಬಿಐ ಈ ಕ್ರಮ ಕೈಗೊಂಡಿದೆ.

ಇದನ್ನೂ ಓದಿ : ಸರ್ಕಾರ ಜಾರಿಗೊಳಿಸಿದೆ ಮತ್ತೊಂದು ಪಿಂಚಣಿ ಯೋಜನೆ! ಎಲ್ಲಕ್ಕಿಂತ ಹೆಚ್ಚು ಲಾಭ ಇದರಲ್ಲೇ !

9 ತಿಂಗಳಲ್ಲಿ  2.50 ಪ್ರತಿಶತದಷ್ಟು ಹೆಚ್ಚಾದ ರೆಪೊ ದರ : 
ರಿಸರ್ವ್ ಬ್ಯಾಂಕ್ ಮೇ 2022 ರಿಂದ ಆರು ಬಾರಿ ರೆಪೊ ದರವನ್ನು ಹೆಚ್ಚಿಸಿದೆ. ಒಟ್ಟಾರೆ ಈ ಅವಧಿಯಲ್ಲಿ ಶೇ.2.50ರಷ್ಟು ಏರಿಕೆಯಾಗಿದೆ. ಎಂಪಿಸಿಯ ಶಿಫಾರಸಿನ ಆಧಾರದ ಮೇಲೆ, ರೆಪೊ ದರವನ್ನು ಮೇ 4 ರಂದು ಶೇ 0.4, ಜೂನ್ 8 ರಂದು ಶೇ 0.5, ಆಗಸ್ಟ್ 5 ರಂದು ಶೇ 0.5, ಸೆಪ್ಟೆಂಬರ್ 30 ರಂದು ಶೇ 0.5 ಮತ್ತು ಡಿಸೆಂಬರ್ 7 ರಂದು ಶೇ 0.35 ರಷ್ಟು ಹೆಚ್ಚಿಸಿದೆ. 

ಏನಾಗಲಿದೆ ಪರಿಣಾಮ ? : 
ರೆಪೊ ದರದಲ್ಲಿನ ಹೆಚ್ಚಳವು ಗೃಹ ಸಾಲ, ಕಾರು ಸಾಲ ಮತ್ತು ವೈಯಕ್ತಿಕ ಸಾಲದ EMI ಮೇಲೆ ಪರಿಣಾಮ ಬೀರುತ್ತದೆ. ರೆಪೋ ದರ ಹೆಚ್ಚಳದಿಂದ ಸಾಲದ ವೆಚ್ಚ ಹೆಚ್ಚಾಗುತ್ತದೆ. ಬ್ಯಾಂಕ್‌ಗಳಿಂದ ಹಣ ದೊರೆತರೆ ಸಾಲದ ಬಡ್ಡಿ ದರವೂ ಹೆಚ್ಚಾಗಲಿದೆ. 

ಇದನ್ನೂ ಓದಿ :  Aadhaar Card : ಆಧಾರ್ ಕಾರ್ಡ್‌ನಲ್ಲಿರುವ ನಿಮ್ಮ ಫೋಟೋ ಚೆನ್ನಾಗಿಲ್ಲವೇ? ಈ ರೀತಿ ಚೇಂಜ್ ಮಾಡಿ!

ರೆಪೋ ದರ ಎಂದರೇನು? :
ರೆಪೋ ದರವು ಯಾವುದೇ ಬ್ಯಾಂಕ್‌ಗೆ ಆರ್‌ಬಿಐ ನೀಡುವ ಸಾಲದ ದರವಾಗಿದೆ. ಇದರ ಆಧಾರದ ಮೇಲೆ ಬ್ಯಾಂಕ್‌ಗಳು ಗ್ರಾಹಕರಿಗೆ ಸಾಲ ನೀಡುತ್ತವೆ. ಇದಲ್ಲದೆ, ರಿವರ್ಸ್ ರೆಪೋ ದರವು ಆರ್‌ಬಿಐ ಬ್ಯಾಂಕ್‌ಗಳಿಗೆ ಅವರ ಠೇವಣಿಗಳ ಮೇಲೆ ನೀಡುವ ಬಡ್ಡಿಯ ದರವಾಗಿದೆ. RBI ಯ ರೆಪೋ ದರವನ್ನು ಹೆಚ್ಚಿಸಿದಾಗ, ಬ್ಯಾಂಕುಗಳ ಮೇಲಿನ ಹೊರೆ ಹೆಚ್ಚಾಗುತ್ತದೆ.   ರಿವರ್ಸ್ ರೆಪೋ ದರ  ಹೆಚ್ಚಾದಾಗ ಬ್ಯಾಂಕುಗಳು ಗ್ರಾಹಕರಿಗೆ ಪರಿಹಾರವನ್ನು ನೀಡುತ್ತವೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.