ನವದೆಹಲಿ: ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ, ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಇಂದು(ಡಿಸೆಂಬರ್ 11) ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ, ಅನುಷ್ಕಾ ತಮ್ಮ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ವಿವಾಹದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ವೀಡಿಯೊದಲ್ಲಿ ಅನುಷ್ಕಾ-ವಿರಾಟ್ ಅವರ ವಿವಾಹವನ್ನು ಸುಂದರವಾಗಿ ಪ್ರಸ್ತುತಪಡಿಸಲಾಗಿದೆ. ಇದೀಗ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಈ ವಿಡಿಯೋ ನೋಡಿದ ಬಹುತೇಕರು WOW ಎಂದು ಕಮೆಂಟ್ ಮಾಡಿದ್ದಾರೆ.
ವಿರಾಟ್-ಅನುಷ್ಕಾ ಪಂಜಾಬಿ ಮತ್ತು ಉತ್ತರ ಭಾರತೀಯ ಸಂಪ್ರದಾಯದಲ್ಲಿ ಮದುವೆಯಾದರು. ಮದುವೆಯ ನಂತರ ಬಂದ ವರದಿಗಳ ಪ್ರಕಾರ, ವಿರಾಟ್ ಮತ್ತು ಅನುಷ್ಕಾ ಅವರ ಮದುವೆಯಲ್ಲಿ ಸುಮಾರು 100 ಕೋಟಿ ರೂಪಾಯಿ ಖರ್ಚು ಮಾಡಲಾಗಿತ್ತು. ಅತಿಥಿಗಳಿಗಾಗಿ ಸುಮಾರು ಒಂದು ಕೋಟಿ ರೂಪಾಯಿಗೂ ಅಧಿಕ ಖರ್ಚು ಮಾಡಲಾಗಿದೆಯೆಂದು ವರದಿಯಾಗಿತ್ತು. 46 ವರ್ಷ ವಯಸ್ಸಿನ ಪಂಜಾಬಿ ಬ್ರಾಹ್ಮಣ ಪುರೋಹಿತರ ನೇತೃತ್ವದಲ್ಲಿ ಈ ಧಾರ್ಮಿಕ ಸಮಾರಂಭ ನೆರವೇರಿತು. ಪಂಜಾಬ್ನ ಕಪುರ್ಥಾಲಾ ಜಿಲ್ಲೆಯ ಗ್ರಾಮದ ನಿವಾಸಿ ಪವನ್ ಕುಮಾರ್ ವಿರುಷ್ಕಾ ರನ್ನು ದಾಂಪತ್ಯ ಜೀವನದಲ್ಲಿ ಬಂಧಿಸಿದ ಪುರೋಹಿತರು.
ಇಟಲಿಯಲ್ಲಿ, ಫ್ಲಾರೆನ್ಸ್ನಲ್ಲಿ, ಡಿಸೆಂಬರ್ 11, 2017 ರಂದು ನಡೆದ ವಿರುಷ್ಕಾ ವಿವಾಹದಲಿ ಈ ಇಬ್ಬರ ಕುಟುಂಬಸ್ಥರು ಮತ್ತು ವಿಶೇಷ ಸ್ನೇಹಿತರು ಮಾತ್ರ ಭಾಗವಹಿಸಿದ್ದರು. ಬಳಿಕ ವಿರಾಟ್ ಮತ್ತು ಅನುಷ್ಕಾ ಇಬ್ಬರೂ ತಮ್ಮ ಟ್ವಿಟ್ಟರ್ ಹ್ಯಾಂಡಲ್ನಲ್ಲಿ ತಮ್ಮ ವಿವಾಹದ ಶುಭ ಸುದ್ದಿಯನ್ನು ಹಂಚಿಕೊಂಡರು. ವಿರಾಟ್ ಕೊಹ್ಲಿಯವರ ಈ ಟ್ವೀಟ್ ಅನ್ನು ಸಾಕಷ್ಟು ರೀಟ್ವೀಟ್ ಆಗಿದ್ದು, ಅವರ ಮದುವೆಯ ಪೋಟೋ ರೆಕಾರ್ಡ್ ನಿರ್ಮಿಸಿತ್ತು.
ಅನುಷ್ಕಾ ಮತ್ತು ವಿರಾಟ್ ವಿವಾಹದ ಮೊದಲ ವೀಡಿಯೋ...
It's heaven, when you don't sense time passing by ... It's heaven, when you marry a good 'man' ... 💞 pic.twitter.com/bvZc2x62NM
— Anushka Sharma (@AnushkaSharma) December 11, 2018
ಇವರ ವಿವಾಹದ ಬಳಿಕ ಎರಡು ಪ್ರತ್ಯೇಕ ಆರತಕ್ಷತೆ ಏರ್ಪಡಿಸಲಾಗಿತ್ತು. 2017 ರ ಡಿಸೆಂಬರ್ 21 ರಂದು ದೆಹಲಿಯಲ್ಲಿ ನಡೆದ ಆರತಕ್ಷತೆ ಸಮಾರಂಭದಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಭಾಗಿಯಾಗಿ ನವದಂಪತಿಗಳಿಗೆ ಶುಭ ಕೋರಿದ್ದರು.
ಅದೇ ಸಮಯದಲ್ಲಿ, 2017 ರ ಡಿಸೆಂಬರ್ 26 ರಂದು ಮುಂಬೈನಲ್ಲಿ ನಡೆದ ಆರತಕ್ಷತೆಯಲಿ ಬಾಲಿವುಡ್ ನ ಗಣ್ಯರು ಕಾಣಿಸಿಕೊಂಡಿದ್ದರು. ಅನುಷ್ಕಾ ಮತ್ತು ವಿರಾಟ್ ಅವರ ಎಲ್ಲಾ ಬಟ್ಟೆಗಳನ್ನು ಡಿಸೈನರ್ ಸಬ್ಯಾಸಾಚಿ ಮುಖರ್ಜಿ ವಿನ್ಯಾಸಗೊಳಿಸಿದರು. ಅನುಷ್ಕಾ ಸಬ್ಯಸಾಚಿ ಡಿಸೈನರ್ ಆಭರಣವನ್ನು ಧರಿಸಿದ್ದರು. ಮದುವೆಗೆ ಅನುಷ್ಕಾ ಶರ್ಮಾ ಧರಿಸಿದ್ದ ಲೆಹಂಗಾ ಕಸೂತಿಯನ್ನು ಒಂದು ಅಥವಾ ಎರಡು ಕುಶಲಕರ್ಮಿಗಳು ತಯಾರಿಸಿಲ್ಲ. ಒಟ್ಟು 67 ಕುಶಲಕರ್ಮಿಗಳು ಒಟ್ಟಿಗೆ ಸೇರಿ ಅದನ್ನು ಪೂರ್ಣಗೊಳಿಸಿದ್ದರು. ಲೆಹಂಗಾವನ್ನು ತಯಾರಿಸಲು 32 ದಿನಗಳನ್ನು ತೆಗೆದುಕೊಂಡಿದ್ದಾನೆ ಮತ್ತು ಎಲ್ಲಾ 67 ಕುಶಲಕರ್ಮಿಗಳು ಈ ಲೆಹಂಗಾದ ಮೇಲೆ ಕೆಲಸ ಮಾಡುತ್ತಿದ್ದಾರೆ ಎಂದು ಸಬ್ಯಚಾಚಿ ತಿಳಿಸಿದ್ದರು.
ವಿರಾಟ್ ಮತ್ತು ಅನುಷ್ಕಾರ ವಿವಾಹ ಕಾರ್ಯಕ್ರಮವನ್ನು ಇಟಲಿಯ ಬಾರ್ಗೋ ಫಿನ್ಕೊಚಿಟೊ ರೆಸಾರ್ಟ್ನಲ್ಲಿ ಆಯೋಜಿಸಲಾಗಿತ್ತು. ಫೋರ್ಬ್ಸ್ ಬಿಡುಗಡೆಯಾದ ಪಟ್ಟಿ ಪ್ರಕಾರ, ಬಾರ್ಗೋ ಫಿನೊಸಿನೊ ರೆಸಾರ್ಟ್ ವಿವಾಹಗಳಿಗೆ ಪ್ರಪಂಚದ ಟಾಪ್ 20 ರೆಸಾರ್ಟ್ನಲ್ಲಿ ಸೇರ್ಪಡೆಯಾಗಿದೆ. ಬಾರ್ಗೋ ಫಿನೊಚಿಟೋ ರೆಸಾರ್ಟ್ ವೆಚ್ಚದ ದೃಷ್ಟಿಯಿಂದ ಜಗತ್ತಿನಲ್ಲಿ ಎರಡನೇ ಸ್ಥಾನದಲ್ಲಿದೆ. ಈ ರೆಸಾರ್ಟ್ನಲ್ಲಿ ಕೇವಲ 22 ಕೋಣೆಗಳು ಮಾತ್ರ ಇವೆ, ಇದರಲ್ಲಿ ಕೇವಲ 44 ಜನರು ಮಾತ್ರ ಒಂದು ಸಮಯದಲ್ಲಿ ನಿಲ್ಲುಲು ಸಾಧ್ಯವಾಗುತ್ತದೆ.
