Actresses breast feeding viral pics : ಹೆಣ್ಣಿಗೆ ತಾಯಿತನ ಸಿಗುವುದೇ ಒಂದು ಭಾಗ್ಯ. ಅಷ್ಟು ಸುಲಭವಾಗಿ ದೇವರು ಯಾರ ಮಡಿಲೂ ತುಂಬಿಸುವುದಿಲ್ಲ. ಇತ್ತೀಚಿನ ದಿನಗಳಲ್ಲಿ ತಾಯಿತನ ಅಂದ್ರೆ ದೇಹದ ಸೌಂದರ್ಯ ಹಾಳಾಗುತ್ತೆ ಅಂತ ನಟಿಯರು ಬಾಡಿಗೆ ತಾಯ್ತನದ ಮೊರೆ ಹೋಗುತ್ತಿದ್ದಾರೆ. ಅಲ್ಲದೆ, ಎದೆ ಹಾಲು ಉಣಿಸಲು ಹಿಂದೇಟು ಹಾಕುತ್ತಿದ್ದಾರೆ. ಬಾಟಲಿ ಹಾಲನ್ನೇ ಮಕ್ಕಳಿಗೆ ನೀಡುತ್ತಿದ್ದಾರೆ. ಅಂತಹದ್ದರಲ್ಲಿ ತಾಯಿಯಾಗಿ ತಮ್ಮ ಮಗುವಿಗೆ ಸಾರ್ವಜನಿಕವಾಗಿಯೇ ಹಾಲುಣಿಸುವ ಮೂಲಕ ತಾಯಿಯ ಮೌಲ್ಯ ಸಾರಿರುವ ಬಾಲಿವುಡ್‌ ನಟಿಯರು ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಈ ಎಲ್ಲಾ ನಟಿಯರ ಸಾಲಿಗೆ ಆಮಿ ಜಾಕ್ಸನ್ ಕೂಡ ಸೇರುತ್ತಾರೆ. ಒಂದು ಮಗುವಿಗೆ ಜನ್ಮ ನೀಡಿರುವ ಆಮಿ ಸಂತೋಷದಿಂದ ಜೀವನ ನಡೆಸುತ್ತಿದ್ದಾರೆ. ಅವರು ತಮ್ಮ ಜೀವನದ ಕೆಲವು ಅದ್ಭುತ ಚಿತ್ರಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಅವುಗಳ ಪೈಕಿ ತನ್ನ ಮಗುವಿಗೆ ಹಾಲುಣಿಸುವ ಫೋಟೋಗಳು ನೆಟ್ಟಿಗರ ಪ್ರೀತಿಗೆ ಪಾತ್ರವಾಗಿದ್ದವು.
ಸಾರ್ವಜನಿಕವಾಗಿ ಎದೆ ಹಾಲು ನೀಡುವುದು ಅಪರಾಧ ಎನ್ನುವ ಕೆಲ ಜನರ ಮಧ್ಯ ನೇಹಾ ಧೂಪಿಯಾ ಮಕ್ಕಳಿಗೆ ಹಾಲುಣಿಸುವ ಚಿತ್ರವನ್ನು ಆನ್‌ಲೈನ್‌ನಲ್ಲಿ ಹಂಚಿಕೊಳ್ಳುವ ಮೂಲಕ ಎಲ್ಲದಕ್ಕಿಂತ ಮಿಗಿಲಾದದ್ದು ತಾಯ್ತನ ಅಂತ ತೋರಿಸಿಕೊಟ್ಟರು.
ಲೀಸಾ ಹೇಡನ್‌ಗೆ ಮೂರು ಮಕ್ಕಳಿದ್ದಾರೆ. ಕೆಲವು ದಿನಗಳ ಹಿಂದೆ ಅವರು ತಮ್ಮ ಮಕ್ಕಳಿಗೆ ಹಾಲು ನೀಡುತ್ತಿರುವ ಚಿತ್ರಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡು ತಮ್ಮ ಅಭಿಮಾನಿಗಳನ್ನು ಬೆರಗುಗೊಳಿಸಿದರು. ಅಲ್ಲದೆ, ಇದರಲ್ಲಿ ಯಾವುದೇ ಅಸಹ್ಯವಿಲ್ಲ ಎಂದು ತೋರಿಸಿಕೊಟ್ಟಿದ್ದರು.
ಮಗುವಿಗೆ ಜನ್ಮ ನೀಡಿದ ನಂತರ ಸೋಷಿಯಲ್‌ ಮೀಡಿಯಾದಿಂದ ದೂರ ಉಳಿದಿದ್ದ ಎವೆಲಿನ್‌ ಶರ್ಮಾ, ಅವರು ತಮ್ಮ ಮುಗುವಿಗೆ ಎದೆಹಾಲುಣಿಸುವ ಚಿತ್ರವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು ಎಲ್ಲರ ಪ್ರೀತಿಗೆ ಪಾತ್ರರಾಗಿದ್ದರು.
ನಟಿ ಸೋನಂ ಕಪೂರ್ ಸಹ ತಮ್ಮ ಮಗು ವಾಯು ಕಪೂರ್‌ಗೆ ಹಾಲುಣಿಸುವ ಫೋಟೋವನ್ನು ಯಾವುದೇ ಮುಜುಗರ ಇಲ್ಲದೆ ಹಂಚಿಕೊಂಡಿದ್ದರು. ತಾಯ್ತನ ಅನ್ನೋದೆ ಪವಿತ್ರ ಅಲ್ಲವೆ.
ಕರೀನಾ ಕಪೂರ್ ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ತೈಮೂರ್ ಮತ್ತು ಜೆಹ್. ಇತ್ತೀಚಿಗೆ ಮಗುವಿಗೆ ಕರೀನಾ ಹಾಲುಣಿಸುತ್ತಿದ್ದ ಚಿತ್ರಗಳು ಸಹ ವೈರಲ್ ಆಗಿದ್ದವು, ಆದ್ರೆ ಅದು ಕರೀನಾ ಚಿತ್ರಗಳು ಅಲ್ಲ ಎನ್ನುವ ಮಾತುಗಳಿವೆ.
2 ತಿಂಗಳ ಹಿಂದೆ ತಾಯಿಯಾದ ಆಲಿಯಾ ಭಟ್ ತನ್ನ ಮಗಳು ರಾಹಾ ಕಪೂರ್‌ಗೆ ಎದೆ ಹಾಲು ಉಣಿಸುವ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಇವುಗಳನ್ನು ನೋಡಿದ ನೆಟ್ಟಿಗರು ಪ್ರಶಂಸೆ ವ್ಯಕ್ತಪಡಿಸಿದ್ದರು. ಅಲ್ಲದೆ ಆಲಿಯಾ ಮಗು ಮುಖ ನೋಡುಲು ಕಾಯುತ್ತಿದ್ದಾರೆ.
Next Gallery
