Clay Utensils: ವಿದ್ಯುತ್ ಇಲ್ಲದೆ ಕಾರ್ಯನಿರ್ವಹಿಸುತ್ತೆ ಈ ಫ್ರಿಡ್ಜ್, ಇದನ್ನು ಎಲ್ಲಿ ಖರೀದಿಸಬಹುದು ಎಂದು ತಿಳಿಯಿರಿ

Clay Utensils: ಪ್ಲಾಸ್ಟಿಕ್ ಮತ್ತು ವಿಲೇವಾರಿಯಿಂದಾಗಿ ಪರಿಸರಕ್ಕೆ ಆಗುತ್ತಿರುವ ಹಾನಿಯನ್ನು ತಪ್ಪಿಸುವ ಹಿನ್ನಲೆಯಲ್ಲಿ ಇದೀಗ ಮಣ್ಣಿನ ಕುಲ್ಹಾಡ್ ಬಳಕೆ ಮತ್ತೆ ಹೆಚ್ಚಾಗತೊಡಗಿದೆ. ಆದರೆ ಮಾರುಕಟ್ಟೆಯಲ್ಲಿ ಮಣ್ಣಿನ ಪಾತ್ರೆಗಳು, ಮಡಿಕೆಗಳು ಮತ್ತು ಜಗ್ ನಂತಹ ಸಾಂಪ್ರದಾಯಿಕ ಪಾತ್ರೆಗಳನ್ನು ಹೊರತುಪಡಿಸಿ, ಆಧುನಿಕ ಅಡುಗೆಮನೆಯಲ್ಲಿ ಬಳಸಲಾಗುವ ಸಂಪೂರ್ಣ ಪಾತ್ರೆಗಳು ಮತ್ತು ಟೇಬಲ್‌ವೇರ್‌ಗಳನ್ನೂ ಕಾಣಬಹುದು.. ಮಿಟ್ಟಿ ಕಾ ಫ್ರಿಜ್ ಅಂದರೆ ಮಣ್ಣಿನಿಂದ ತಯಾರಾದ ವಿದ್ಯುತ್ ಇಲ್ಲದೆ ಬಳಸಬಹುದಾದ ಫ್ರಿಡ್ಜ್ (Fridge) ಗಳನ್ನು ಮಾರಾಟ ಮಾಡುವ ಕೆಲವು ಸ್ಥಳೀಯ ಕಂಪನಿಗಳು ಸಹ ಇವೆ. 

ಕ್ಲೇ ಕುಕ್ಕರ್ ನಿಂದ ಫ್ರಿಜ್ ವರೆಗೆ ;
ಆಧುನಿಕ ಅಡಿಗೆಮನೆಗಳಲ್ಲಿ (Modern Kitchens) ಬಳಸುವ ಬಹುತೇಕ ಎಲ್ಲಾ ಪಾತ್ರೆಗಳನ್ನು ಈಗ ಮಣ್ಣಿನಿಂದ ತಯಾರಿಸಲಾಗುತ್ತಿದೆ. ಈ ಮಣ್ಣಿನ ಪಾತ್ರೆಗಳು ತುಂಬಾ ದೊಡ್ಡದಾಗಿದ್ದು ಅವುಗಳು ನಾನ್ ಸ್ಟಿಕ್ ಕುಕ್ ವೇರ್, ಸ್ಟೀಲ್ ಪಾತ್ರೆಗಳು, ಪಾತ್ರೆ ಇತ್ಯಾದಿಗಳನ್ನು ಸುಲಭವಾಗಿ ಬದಲಾಯಿಸುತ್ತವೆ. ಇದು ಮಾತ್ರವಲ್ಲ, ಸೌಂದರ್ಯದಲ್ಲಿಯೂ, ಮಣ್ಣಿನ ಮಡಕೆಗಳು ಆಧುನಿಕ ಅಡುಗೆ ಸಾಮಾನುಗಳೊಂದಿಗೆ ಸ್ಪರ್ಧಿಸುತ್ತಿರುವುದು ಕಂಡುಬರುತ್ತದೆ. ಅದು ಕುಕ್ಕರ್, ಹ್ಯಾಂಡಿ, ಫ್ರೈಯಿಂಗ್ ಪ್ಯಾನ್, ಬಾಟಲ್, ತವಾ, ಬಿರಿಯಾನಿ ಪಾಟ್, ಕ್ಯಾನೋಗಳು, ವಾಟರ್ ಫಿಲ್ಟರ್ ಮತ್ತು ಅಷ್ಟೇ ಏಕೆ ಮಣ್ಣಿನಿಂದ ತಯಾರಾದ ಫ್ರಿಡ್ಜ್ ಕೂಡ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದರ ಹೊರತಾಗಿ, ಸರ್ವಿಂಗ್ ಪಾಟ್, ಸ್ಪೂನ್, ಪ್ಲೇಟ್, ಪ್ಲೇಟ್-ಬೌಲ್, ಗ್ಲಾಸ್ ನಂತಹ ಎಲ್ಲಾ ಟೇಬಲ್ ವೇರ್ ಗಳು ಸಹ ಲಭ್ಯವಿವೆ. ಈ ಎಲ್ಲಾ ವಸ್ತುಗಳು ಮಣ್ಣಿನಿಂದ ಮಾಡಲ್ಪಟ್ಟಿದೆ. ಅವುಗಳ ಬೆಲೆ ಶ್ರೇಣಿ 70 ರಿಂದ 8,000 ರೂ. ಇದರಲ್ಲಿ ಅತ್ಯಂತ ದುಬಾರಿ ಉತ್ಪನ್ನವೆಂದರೆ ಮಣ್ಣಿನ ಫ್ರಿಡ್ಜ್ (Clay Fridge). 

ಇದನ್ನೂ ಓದಿ- Dussehra 2021: ದಸರಾ ದಿನದಂದು ಈ ಸುಲಭವಾದ ಕೆಲಸವನ್ನು ಮಾಡಿ, ವರ್ಷವಿಡೀ ಹಣದ ಕೊರತೆ ಇರುವುದಿಲ್ಲ

ಆನ್‌ಲೈನ್‌ನಲ್ಲಿ ಮಾರಾಟವಾಗುತ್ತಿದೆ ಮಣ್ಣಿನ ಪಾತ್ರೆಗಳು:
ಈ ಮಣ್ಣಿನ ಪಾತ್ರೆಗಳು ಆಯ್ದ ಅಂಗಡಿಗಳಲ್ಲಿ ಲಭ್ಯವಿದೆ. ಇದಲ್ಲದೆ ಆನ್‌ಲೈನ್ ಪ್ಲಾಟ್‌ಫಾರ್ಮ್ಗಳಲ್ಲಿ (Online Platforms) ಕೂಡ, ಅರ್ಧ ಡಜನ್‌ಗಿಂತಲೂ ಹೆಚ್ಚು ಕಂಪನಿಗಳು ಈ ಮಡಿಕೆಗಳನ್ನು ಮಾರಾಟ ಮಾಡುತ್ತಿವೆ. ಇವುಗಳಲ್ಲಿ ಮಿಟ್ಟಿ ಕೂಲ್, ರಾಜೇಂದ್ರ ಕ್ಲೇ ಕರಕುಶಲ, ಜಿಸ್ಟಾ ಕುಕ್ ವೇರ್, ಮ್ಯಾಟಿಸಂಗ್ ಮತ್ತು ಕ್ಲೇ ಹಾಟ್ ಪಾಟ್ ಇತ್ಯಾದಿ ಸೇರಿವೆ. 

ವಾಸ್ತವವಾಗಿ, ನಾನ್ ಸ್ಟಿಕ್ ಪಾತ್ರೆಗಳು ಮತ್ತು ಅಲ್ಯೂಮಿನಿಯಂ ಪಾತ್ರೆಗಳಲ್ಲಿ ಮಾಡಿದ ಆಹಾರವು ಆರೋಗ್ಯಕ್ಕೆ ಹೆಚ್ಚಿನ ಹಾನಿ ಉಂಟುಮಾಡುತ್ತದೆ. ಆದರೆ,  ಮಣ್ಣಿನ ಮಡಕೆಗಳಲ್ಲಿ ಅಡುಗೆ ಮಾಡುವುದರಿಂದ ಮತ್ತು ಅದರಲ್ಲಿ ಆಹಾರ ಸೇವಿಸುವುದರಿಂದ ಅನೇಕ ಪ್ರಯೋಜನಗಳಿವೆ. ಅಲ್ಲದೆ, ಈ ಪಾತ್ರೆಗಳು ಪರಿಸರಕ್ಕೆ ಹಾನಿ ಮಾಡುವುದಿಲ್ಲ. 

ಇದನ್ನೂ ಓದಿ- Thyroid Problem: ನೀವು ಥೈರಾಯ್ಡ್ ಸಮಸ್ಯೆಯಿಂದ ತೊಂದರೆಗೀಡಾಗಿದ್ದರೆ ಪ್ರತಿದಿನ ಇದನ್ನು ತಿನ್ನಿರಿ, ಶೀಘ್ರವೇ ಗೋಚರಿಸುತ್ತೆ ಪರಿಣಾಮ

ಮಡಿಕೆಗಳನ್ನು ಹೇಗೆ ಬಳಸುವುದು?
>> ನೀವು ಹೊಸ ಮಣ್ಣಿನ ಪಾತ್ರೆಯನ್ನು ಖರೀದಿಸಿದಾಗಲೆಲ್ಲ, ಅದನ್ನು ಕನಿಷ್ಠ 24 ಗಂಟೆಗಳ ಕಾಲ ನೀರಿನಿಂದ ತುಂಬಿಸಿ ಅಥವಾ ದೊಡ್ಡ ಪಾತ್ರೆಯಲ್ಲಿ ನೀರು ತುಂಬಿಸಿ ಅದರಲ್ಲಿ ಮಣ್ಣಿನ ಪಾತ್ರೆಯನ್ನು ಮುಳುಗಿಸಿ. ನಂತರ ಒಣಗಿದ ನಂತರವೇ ಈ ಪಾತ್ರೆಗಳನ್ನು ಬಳಸಿ. 
>> ಅಡುಗೆ ಮಾಡುವಾಗ ಜ್ವಾಲೆಯನ್ನು ತುಂಬಾ ಹೆಚ್ಚು ಇಡಬೇಡಿ. ಹಾಗೆಯೇ, ಬಿಸಿ ಪಾಟ್ ಅನ್ನು ಕಲ್ಲಿನ ಚಪ್ಪಡಿಯ ಮೇಲೆ ಇಡಬೇಡಿ. ಇದಕ್ಕಾಗಿ ಒಂದು ಸ್ಟ್ಯಾಂಡ್ ಬಳಸಿ ಅಥವಾ ಪಾತ್ರೆಯನ್ನು ಒಲೆಯ ಮೇಲೆ ತಣ್ಣಗಾಗಲು ಬಿಡಿ. 
>> ಮಡಿಕೆಗಳನ್ನು ತೊಳೆಯಲು ಬೂದಿ, ಜೇಡಿಮಣ್ಣು ಅಥವಾ ಬೇಕಿಂಗ್ ಪೌಡರ್ ಬಳಸಿ. >> ಅದೇ ಸಮಯದಲ್ಲಿ, ಸ್ಕ್ರಬ್ ಬದಲಿಗೆ, ತೆಂಗಿನ ಬುಚ್ ಬಳಸಿ. ಈ ವಸ್ತುಗಳು ಆನ್‌ಲೈನ್‌ನಲ್ಲಿಯೂ ಲಭ್ಯವಿದೆ. 
>> ಪಾತ್ರೆಗಳನ್ನು ತೊಳೆದು ಒಣಗಿಸಿದ ನಂತರವೇ ಪಾತ್ರೆ ಇಡುವ ಬೀರು ಅಥವಾ ಡ್ರಾಯರ್‌ನಲ್ಲಿ ಇರಿಸಿ.
 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ