ಈ ಗ್ರಾಮದಲ್ಲಿ ಮಹಿಳೆಯರು ಹಗಲಿನಲ್ಲಿ ನೈಟಿ ಹಾಕೊಂಡ್ರೆ ಬೀಳುತ್ತೆ ದಂಡ! ಎಲ್ಲಿ ಗೊತ್ತಾ?

ಅಮರಾವತಿ: ಆಂಧ್ರಪ್ರದೇಶದ ಪಶ್ಚಿಮ ಗೋದಾವರಿ ಜಿಲ್ಲೆಯ ಟೋಕ್ಲಾಪಲ್ಲಿ ಗ್ರಾಮದ ಹಿರಿಯರು ಅಲ್ಲಿನ ಮಹಿಳೆಯರಿಗೆ ವಿಚಿತ್ರ ನಿಯಮ ಜಾರಿಮಾಡಿದ್ದಾರೆ. ಒಂದು ವೇಳೆ ಆ ನಿಯಮ ಮೀರಿದರೆ 2000 ರೂ. ದಂಡ ವಿಧಿಸುತ್ತಿರುವ ವಿಚಾರ ತಡವಾಗಿ ಬೆಳಕಿಗೆ ಬಂದಿದೆ. 

ಈ ಗ್ರಾಮದಲ್ಲಿ ಮಹಿಳೆಯರು ಮಹಿಳೆಯರು ಹಗಲಿನಲ್ಲಿ ಯಾವುದೇ ಕಾರಣಕ್ಕೂ ನೈಟಿಗಳನ್ನು ಧರಿಸುವಂತಿಲ್ಲ. ಬೆಳಿಗ್ಗೆ 7 ಗಂಟೆಯಿಂದ ಸಂಜೆ 7 ಗಂಟೆಯ ವರೆಗೆ ಮಹಿಳೆಯರು ನೈಟಿ ಧರಿಸಲು ನಿಷೇಧ ಹೇರಲಾಗಿದ್ದು, ಒಂದು ವೇಳೆ ಧರಿಸಿದರೆ 2000 ರೂ. ದಂಡ ಕಟ್ಟಬೇಕು, ಇಲ್ಲವಾದರೆ ಅವರನ್ನು ಗ್ರಾಮದಿಂದ ಬಹಿಷ್ಕರಿಸುವ ವಿಚಿತ್ರ ನಿಯಮವನ್ನು ಗ್ರಾಮದ ಮುಖಂಡರು ಜಾರಿ ಮಾಡಿದ್ದಾರೆ. 

#AndhraPradesh: Women in Nidamarru Mandal's Thodukalpalli village of West Godavari dist say that they're happy to follow a rule which has been imposed in their village that women will not wear nighties from 7am-7pm. The rule had allegedly been formulated by elders of the village. pic.twitter.com/laAggqIPjC

— ANI (@ANI) November 10, 2018

ಈ ನಿಯಮದ ಬಗ್ಗೆ ಗ್ರಾಮದಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. "ಗ್ರಾಮದಲ್ಲಿ ಹಗಲಿನ ವೇಳೆ ನೈಟಿ ಧರಿಸುವುದು ಸೂಕ್ತವಲ್ಲ, ರಾತ್ರಿ ವೇಳೆ ಮಾತ್ರ ರಚಿಸಬೇಕು ಎಂದು ಹಿರಿಯರು ಮಾಡಿರುವ ಆದೇಶ ಒಳ್ಳೆಯದೆ. ಅದನ್ನು ನಾವೆಲ್ಲರೂ ಖುಷಿಯಿಂದ ಪಾಲಿಸುತ್ತೇವೆ. ಆದರೆ ಈ ನಿಯಮ ಪಾಲಿಸದಿದ್ದರೆ ದಂಡ ವಿಧಿಸಲಾಗುವುದು ಎಂಬ ವಿಚಾರ ನಮಗೆ ತಿಳಿದಿಲ್ಲ" ಎಂದು ಗ್ರಾಮದ ಮಹಿಳೆಯೊಬ್ಬರು ಹೇಳಿದ್ದಾರೆ. 

Women in the village have decided not to wear nighties during day & informed elders of the village. Elders gave us a specific time slot during which ban will be imposed but there's no rule to collect fines from women who violate the time slot: A resident of Thodukalpalli #Andhra pic.twitter.com/aJCNDORGRQ

— ANI (@ANI) November 10, 2018

ಮತ್ತೊಂದೆಡೆ, ನೈಟಿ ಧರಿಸುವುದು ಬಿಡುವುದು ನಮ್ಮ ಇಚ್ಛೆ. ಆದರೆ ಗ್ರಾಮದ ಮುಖಂಡರು ತಮ್ಮ ಮನದಂತೆ ಈ ಆದೇಶ ಹೊರಡಿಸಿದ್ದಾರೆ. ಇದು ಕಾನೂನು ಬಾಹಿರ ಎಂದು ಕೆಲವರು ಈ ನಿಯಮವನ್ನು ವಿರೋಧಿಸಿದ್ದಾರೆ.