ರೈತ ಮುಖಂಡ ರಾಮ್ ಶಕಲ್, ನೃತ್ಯಗಾರ್ತಿ ಸೋನಾಲ್ ಮಾನ್ಸಿಂಗ್ ಸೇರಿ ರಾಜ್ಯಸಭೆಗೆ ನಾಲ್ವರ ನಾಮನಿರ್ದೇಶನ

ನವದೆಹಲಿ: ರಾಷ್ಟ್ರಪತಿ ರಾಮನಾಥ್​ ಕೋವಿಂದ್​ ರಾಜ್ಯಸಭೆಗೆ ನಾಲ್ವರು ಪ್ರಮುಖ ವ್ಯಕ್ತಿಗಳನ್ನು ನಾಮ ನಿರ್ದೇಶನ ಮಾಡಿದ್ದಾರೆ. ಇವರಲ್ಲಿ ರೈತ ನಾಯಕ ರಾಮ್ ಶಕಲ್, ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ವಿಚಾರಕ, ಲೇಖಕ ಹಾಗೂ ಅಂಕಣಕಾರ ಹಾಗೂ ರಾಕೇಶ್​ ಸಿನ್ಹಾ, ಪ್ರಖ್ಯಾತ ಶಾಸ್ತ್ರೀಯ ನೃತ್ಯಗಾರ್ತಿ ಸೋನಲ್​ ಮಾನ್​ಸಿಂಗ್​, ಶಿಲ್ಪಿ ರಘುನಾಥ್ ಮಹಾಪಾತ್ರ ಅವರು ಮೇಲ್ಮನೆಗೆ ನಾಮಕರಣಗೊಂಡಿದ್ದಾರೆ.

ಸಂವಿಧಾನದ 80ನೇ ವಿಧಿ ಅನ್ವಯ ರಾಜ್ಯಸಭೆಗೆ 12 ಸದಸ್ಯರನ್ನು ನಾಮನಿರ್ದೇಶನ ಮಾಡುವ ಅಧಿಕಾರ ರಾಷ್ಟ್ರಪತಿಗೆ ಇರುತ್ತದೆ. ಈ ಸದಸ್ಯರು ಕಲೆ, ವಿಜ್ಞಾನ, ಸಮಾಜಿಕ ಕಾರ್ಯ ಹಾಗೂ ಕ್ರೀಡೆಗಳಲ್ಲಿ ತೊಡಗಿಸಿಕೊಂಡಿರುವ ವ್ಯಕ್ತಿಗಳಾಗಿರುತ್ತಾರೆ. ಪ್ರಸ್ತುತ ರಾಜ್ಯಸಭೆಯಲ್ಲಿ 8 ನಾಮನಿರ್ದೇಶಿತ ಸದಸ್ಯರಿದ್ದರು. ಇದೀಗ ರಾಷ್ಟ್ರಪತಿಗಳು ಉಳಿದ ನಾಲ್ವರ ಹೆಸರನ್ನು ಸೂಚಿಸಿದ್ದಾರೆ. 

ಈ ಹಿಂದೆ ರಾಜ್ಯಸಭೆಗೆ ನಾಮಕರಣಗೊಂಡಿದ್ದ ಕ್ರಿಕೆಟ್ ಆಟಗಾರ ಸಚಿನ್ ತೆಂಡೂಲ್ಕರ್​, ಬಾಲಿವುಡ್ ನಟಿ ರೇಖಾ, ಸಾಮಾಜಿಕ ಕಾರ್ಯಕರ್ತೆ ಅನು ಆಗಾ ಹಾಗೂ ಕೆ. ಪಾರಾಸನ್​ರವರ ಕಾರ್ಯಾವಧಿ ಮುಕ್ತಾಯಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಈ ನಾಲ್ವರು ಪ್ರಮುಖರ ಹೆಸರನ್ನು ಅಂತಿಮಗೊಳಿಸಲಾಗಿದೆ.

ರಾಮ್ ಶಕಲ್
ರೈತರು, ಕಾರ್ಮಿಕರು ಮತ್ತು ನಿರಾಶ್ರಿತರ ಅಭಿವೃದ್ಧಿಗಾಗಿ ತಮ್ಮನ್ನು ತೊಡಗಿಸಿಕೊಂಡಿರುವ ರಾಮ್ ಶಕಲ್ ಉತ್ತರ ಪ್ರದೇಶದ ಸಾರ್ವಜನಿಕ ಪ್ರತಿನಿಧಿಯಾಗಿದ್ದಾರೆ. ದಲಿತರ ಅಭಿವೃದ್ಧಿಗಾಗಿ ಸಾಕಷ್ಟು ಶ್ರಮಿಸಿರುವ ಇವರು, ಮೂರು ಬಾರಿ ಸಂಸದರಾಗಿ ಆಯ್ಕೆಯಾಗಿದ್ದವರು. ಇವರು ಉತ್ತರ ಪ್ರದೇಶದ ರೋಬೆರ್ಟ್ಗಂಜಿ ಲೋಕಸಭಾ ಕ್ಷೇತ್ರದ ಸಂಸದರಾಗಿದ್ದರು. 

ರಾಕೇಶ್ ಸಿನ್ಹಾ
ದೆಹಲಿ ಮೂಲದ think-tank 'India Policy Foundation' ಸಂಸ್ಥಾಪಕ ಮತ್ತು ಗೌರವಾನ್ವಿತ ನಿರ್ದೇಶಕರಾಗಿರುವ ರಾಕೇಶ್ ಸಿನ್ಹಾ ಲೇಖಕರೂ ಹೌದು. ದೆಹಲಿ ವಿಶ್ವವಿದ್ಯಾನಿಲಯದ ಮೋತಿಲಾಲ್ ನೆಹರೂ ಕಾಲೇಜಿನ ಪ್ರಾಧ್ಯಾಪಕರಾಗಿದ್ದ ಇವರು ಪ್ರಸ್ತುತ ಭಾರತೀಯ ಸಮಾಜ ವಿಜ್ಞಾನ ಸಂಶೋಧನಾ ಮಂಡಳಿಯ ಸದಸ್ಯರಾಗಿದ್ದಾರೆ. ಇವರು ಪ್ರಸಿದ್ಧ ಅಂಕಣಕಾರರೂ ಹೌದು.

ಸೋನಲ್ ಮನ್'ಸಿಂಗ್
ಸೋನಾಲ್ ಮಾನ್ಸಿಂಗ್ ಅವರು ಭರತನಾಟ್ಯ ಮತ್ತು ಒಡಿಸ್ಸಿಗಳಲ್ಲಿ ಪರಿಣತಿ ಪಡೆದ ಪ್ರಸಿದ್ಧ ಭಾರತೀಯ ಶಾಸ್ತ್ರೀಯ ನೃತ್ಯಗಾರ್ತಿ. ಆರು ದಶಕಗಳ ಕಾಲ ಎಸ್.ಎ ತರಬೇತಿ ಪಡೆದ ಸೋನಾಲ್ ಮಾನ್ಸಿಂಗ್ ಅವರು ಪ್ರಸಿದ್ಧ ನೃತ್ಯ ನಿರ್ದೇಶಕಿ, ಶಿಕ್ಷಕಿ, ಉಪನ್ಯಾಸಕಿ ಮತ್ತು ಸಾಮಾಜಿಕ ಕಾರ್ಯಕರ್ತೆಯಾಗಿದ್ದಾರೆ. ದೆಹಲಿಯ ಭಾರತೀಯ ಶಾಸ್ತ್ರೀಯ ನೃತ್ಯ ಕೇಂದ್ರದ ಸ್ಥಾಪಕಿಯೂ ಆಗಿರುವ ಸೋನಾಲ್ ಮಾನ್ಸಿಂಗ್ ಅವರು, ಪದ್ಮ ವಿಭೂಷಣ (2003), ಪದ್ಮಭೂಷಣ (1992), ನೃತ್ಯ ನಾಟಕ-ಒಡಿಸ್ಸಿಗಾಗಿ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ.

ರಘುನಾಥ್ ಮಹಾಪಾತ್ರ
ರಘುನಾಥ್ ಮೊಹಾಪಾತ್ರಾ ಅವರು ಅಂತಾರಾಷ್ಟ್ರೀಯ ಖ್ಯಾತಿಯ ಶಿಲ್ಪಿ. 1959 ರಿಂದಲೂ ಅಭ್ಯಾಸ ಮಾಡುತ್ತಿರುವ ಅವರು 2000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ತರಬೇತಿ ಪಡೆದಿದ್ದಾರೆ. ಸಾಂಪ್ರದಾಯಿಕ ಶಿಲ್ಪ ಮತ್ತು ಪ್ರಾಚೀನ ಸ್ಮಾರಕಗಳ ಸಂರಕ್ಷಣೆಗಾಗಿ ಕೊಡುಗೆ ನೀಡಿರುವ ರಘುನಾಥ್, ಒಡಿಶಾದ ಪುರಿಯಲ್ಲಿರುವ ಪ್ರಸಿದ್ಧ ಶ್ರೀ ಜಗನ್ನಾಥ ದೇವಸ್ಥಾನದ ಸೌಂದರ್ಯೀಕರಣಕ್ಕಾಗಿ ಕಾರ್ಯನಿರ್ವಹಿಸಿದ್ದಾರೆ. ಅವರ ಪ್ರಸಿದ್ಧ ಶಿಲ್ಪಿಕೃತಿಗಳೆಂದರೆ ಸಂಸತ್ತಿನ ಮುಖ್ಯ ಪ್ರಾಂಗಣದಲ್ಲಿರುವ 6 ಅಡಿ ಎತ್ತರದ ಸೂರ್ಯ ದೇವರ ಪ್ರತಿಮೆ ಮತ್ತು ಪ್ಯಾರಿಸ್'ನಲ್ಲಿರುವ ಬುದ್ಧ ದೇವಾಲಯದ ಮರದ ಬುದ್ಧನ ಪ್ರತಿಮೆ.

ಜುಲೈ 18 ರಿಂದ ಕೊನೆಯವರೆಗೆ ಆಗಸ್ಟ್ 10 ರ ವರೆಗೆ ನಡೆಯಲಿರುವ ಸಂಸತ್ತಿನ ಮಾನ್ಸೂನ್ ಅಧಿವೇಶನದಲ್ಲಿ ರಾಜ್ಯಸಭೆಯ ಎಲ್ಲಾ ನೂತನ ನಾಮನಿರ್ದೇಶಿತ ಸದಸ್ಯರು ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ರಾಜ್ಯಸಭೆ ಸದಸ್ಯರ ಅಧಿಕಾರಾವಧಿ 6 ವರ್ಷಗಳಾಗಿರುತ್ತದೆ.