ನ್ಯೂಯಾರ್ಕ್ ಭೇಟಿ: ಸಣ್ಣ ದ್ವೀಪ ರಾಷ್ಟ್ರಗಳ 30 ನಾಯಕರನ್ನು ಭೇಟಿ ಮಾಡಲಿರುವ ಪಿಎಂ ಮೋದಿ

ನವದೆಹಲಿ: ನ್ಯೂಯಾರ್ಕ್‌ನಲ್ಲಿ ನಡೆಯಲಿರುವ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆ, ಭಾರತ-ಕೆರಿಬಿಯನ್ (ಕ್ಯಾರಿಕೊಮ್) ದ್ವೀಪ ಶೃಂಗಸಭೆ ಮತ್ತು ಭಾರತ-ಪೆಸಿಫಿಕ್ ದ್ವೀಪ ಶೃಂಗಸಭೆಯ ಹೊರತಾಗಿ ಮುಂದಿನ ವಾರ ಎರಡು ಶೃಂಗಸಭೆಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾಗವಹಿಸಲಿದ್ದಾರೆ. 

ಹವಾಮಾನ ಬದಲಾವಣೆ, ನೀಲಿ ಆರ್ಥಿಕತೆ ಮತ್ತು ಭಾರತವು ಅವರ ಅಭಿವೃದ್ಧಿ ಅಗತ್ಯಗಳಲ್ಲಿ ಹೇಗೆ ಪಾಲುದಾರರಾಗಬಹುದು ಎಂಬುದರ ಮೇಲೆ ಈ ಸಭೆಯಲ್ಲಿ ಹೆಚ್ಚಿನ ಗಮನಹರಿಸಲಾಗುವುದು.

ಇದು ಮೊದಲ ಭಾರತ ಕೆರಿಬಿಯನ್ ದ್ವೀಪ ಶೃಂಗಸಭೆಯಾಗಿದ್ದು, ವಿಶ್ವಸಂಸ್ಥೆಯ ಭಾರತದ ರಾಯಭಾರಿ ಸೈಯದ್ ಅಕ್ಬರುದ್ದೀನ್, ಕ್ಯಾರಿಕೊಮ್ ಸದಸ್ಯ ರಾಷ್ಟ್ರಗಳ ತನ್ನ ಪ್ರತಿವಾದಿ ದೂತರನ್ನು ಭೇಟಿಯಾದರು. ಕೆರಿಬಿಯನ್ ಸಮುದಾಯವು(CARICOM) 20 ದೇಶಗಳನ್ನು ಒಳಗೊಂಡಿದ್ದು, ಅದರಲ್ಲಿ 15 ದೇಶಗಳು ಪೂರ್ಣ ಸದಸ್ಯರಾಗಿದ್ದರೆ, ಐದು ದೇಶಗಳು ಸಹಾಯಕ ಸದಸ್ಯರಾಗಿವೆ.

ಕ್ಯಾರಿಕೊಮ್‌ನ ಪೂರ್ಣ ಸದಸ್ಯರು: ಆಂಟಿಗುವಾ ಮತ್ತು ಬಾರ್ಬುಡಾ, ಬಹಾಮಾಸ್, ಬಾರ್ಬಡೋಸ್, ಬೆಲೀಜ್, ಡೊಮಿನಿಕಾ, ಗ್ರೆನಡಾ, ಗಯಾನಾ, ಹೈಟಿ, ಜಮೈಕಾ, ಮಾಂಟ್ಸೆರಾಟ್, ಸೇಂಟ್ ಲೂಸಿಯಾ, ಸೇಂಟ್ ಕಿಟ್ಸ್ ಮತ್ತು ನೆವಿಸ್, ಸೇಂಟ್ ವಿನ್ಸೆಂಟ್ ಮತ್ತು ಗ್ರೆನಡೈನ್ಸ್, ಸುರಿನಾಮ್ ಮತ್ತು ಟ್ರಿನಿಡಾಡ್ ಮತ್ತು ಟೊಬಾಗೊ.

ಭಾರತ-ಪೆಸಿಫಿಕ್ ದ್ವೀಪಗಳ ಸಹಕಾರ (ಎಫ್‌ಐಪಿಐಸಿ) ಅಥವಾ ಭಾರತ ಪೆಸಿಫಿಕ್ ದ್ವೀಪ ರಾಷ್ಟ್ರಗಳ ಶೃಂಗಸಭೆಯಲ್ಲಿಯೂ ಪ್ರಧಾನಿ ಮೋದಿ ಭಾಗವಹಿಸಲಿದ್ದಾರೆ. 2014 ರಲ್ಲಿ ನಡೆದ ಮೊದಲ ಶೃಂಗಸಭೆಗೆ ನಡೆದಿದ್ದು, 2015ರಲ್ಲಿ ಜೈಪುರದಲ್ಲಿ ನಡೆದ ಎರಡನೇ ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ಪಾಲ್ಗೊಂಡಿದ್ದರು.