ಗದ್ದಲದಲ್ಲಿ ವ್ಯರ್ಥವಾದ ಸಂಸತ್ ಕಲಾಪ: 23 ದಿನಗಳ ವೇತನ ಪಡೆಯದಿರಲು ಎನ್ಡಿಎ ಸಂಸದರ ನಿರ್ಧಾರ

ನವದೆಹಲಿ: ಸಂಸತ್ ಬಜೆಟ್ ಅಧಿವೇಶನದ 23 ದಿನಗಳು ಪ್ರತಿಪಕ್ಷಗಳ ಗದ್ದಲಕ್ಕೆ ಬಲಿಯಾಗಿದ್ದು, ಕಲಾಪ ವ್ಯರ್ಥವಾಗಿದೆ. ಈ ಹಿನ್ನೆಲೆಯಲ್ಲಿ ಅಷ್ಟು ದಿನಗಳ ವೇತನ ಪಡೆಯದಿರಲು ಎನ್ಡಿಎ ಸಂಸದರು ತೀರ್ಮಾನಿಸಿದ್ದಾರೆ ಎಂದು ಸಂಸದೀಯ ವ್ಯವಹಾರಗಳ ಸಚಿವ ಅನಂತ್ ಕುಮಾರ್ ತಿಳಿಸಿದ್ದಾರೆ.

We, @BJP4India -NDA MPs have decided to forego salary & allowances for 23 days as #Parliament was not functional.
Salary is to be given only if we serve people through work.

Congress's undemocratic politics has made LS & RS non functional, inspite of our willingness to discuss

— Ananthkumar (@AnanthKumar_BJP) April 4, 2018

23 ದಿನಗಳ ಕಲಾಪ ಯಾವುದೇ ಚರ್ಚೆ, ಮಸೂದೆ ಮಂಡನೆ ಇಲ್ಲದೆ ವ್ಯರ್ಥವಾಗಿದೆ. ಕಲಾಪ ವ್ಯರ್ಥವಾಗಲು ಕಾಂಗ್ರೆಸ್ ಕಾರಣ ಎಂದು ಆರೋಪ ಮಾಡಿರುವ ಸಚಿವ ಅನಂತ್ ಕುಮಾರ್, ದೇಶದ ಜನರ ಸೇವೆ ಮಾಡುವುದಕ್ಕಾಗಿ ನಮಗೆ ಈ ಹಣ ನೀಡಲಾಗುತ್ತಿದೆ. ಸಾರ್ವಜನಿಕ ಹಿತಾಸಕ್ತಿಗೆ ಸಂಬಂಧಿಸಿದ ಯಾವುದೇ ವಿಷಯ ಕಲಾಪದಲ್ಲಿ ಚರ್ಚೆಯಾಗಿಲ್ಲ, ಆದ್ದರಿಂದ ನಮಗೆ ಆ ಹಣ ಪಡೆಯುವ ಅಧಿಕಾರವಿರುವುದಿಲ್ಲ. ಈ ಹಿನ್ನೆಲೆಯಲ್ಲಿ ಬಿಜೆಪಿ ಸಂಸದರೂ ಸೇರಿದಂತೆ ಎನ್ಡಿಎ ಮೈತ್ರಿಕೂಟದ ಎಲ್ಲ ಸಂಸದರೂ ಸಂಸತ್ ಕಲಾಪದ ವೇತನ ಪಡೆಯದಿರಲು ನಿರ್ಧರಿಸಿದ್ದಾರೆ ಎಂದು ಅವರು ತಿಳಿಸಿದರು.

Congress's undemocratic politics has made LS & RS non functional, inspite of our willingness to discuss@BJP4India @BJP4Karnataka pic.twitter.com/Z7NYyg8k7I

— Ananthkumar (@AnanthKumar_BJP) April 4, 2018