ನವದೆಹಲಿ: NCERT ವರದಿಯ ಪ್ರಕಾರ "ಸುಮಾರು ಶೇ.27 ರಷ್ಟು ವಿದ್ಯಾರ್ಥಿಗಳ ಬಳಿ ಸ್ಮಾರ್ಟ್ ಫೋನ್ ಅಥವಾ ಲ್ಯಾಪ್ ಟಾಪ್ ಇಲ್ಲ. ಹೆಚ್ಚಿನ ಸಂಖ್ಯೆಯಲ್ಲಿ ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳು ಕೊವಿಡ್-19 ಕಾಲದಲ್ಲಿ ಆನ್ಲೈನ್ ಶಿಕ್ಷಣ ನೀಡಲು ಹಾಗೂ ಶಿಕ್ಷಣ ಪಡೆಯಲು ತಮ್ಮ ಮೊಬೈಲ್ ಫೋನ್ ಬಳಸುತ್ತಿದ್ದಾರೆ" ಎನ್ನಲಾಗಿದೆ. ಇದರ ಜೊತೆಗೆ ಶೆ.28ರಷ್ಟು ವಿದ್ಯಾರ್ಥಿಗಳು ಹಾಗೂ ಪೋಷಕರು ವಿದ್ಯುತ್ ಪೂರೈಕೆ ಒಂದು ಪ್ರಮುಖ ಸಮಸ್ಯೆ ಎಂದು ಭಾವಿಸುತ್ತಾರೆ.
ಎನ್‌ಸಿಇಆರ್‌ಟಿ ಸಮೀಕ್ಷೆಯಲ್ಲಿ ವಿದ್ಯಾರ್ಥಿಗಳು, ಪೋಷಕರು, ಶಿಕ್ಷಕರು ಮತ್ತು ಕೇಂದ್ರೀಯ ವಿದ್ಯಾಲಯ, ನವೋದಯ ವಿದ್ಯಾಲಯ ಮತ್ತು ಸಿಬಿಎಸ್‌ಇ ಅಂಗ ಸಂಸ್ಥೆ ಶಾಲೆಗಳ ಪ್ರಾಂಶುಪಾಲರು ಸೇರಿದಂತೆ 34,000 ಜನರು ಭಾಗವಹಿಸಿದ್ದರು. ಪರಿಣಾಮಕಾರಿ ಶೈಕ್ಷಣಿಕ ಉದ್ದೇಶಕ್ಕಾಗಿ ಉಪಕರಣಗಳ ಬಳಕೆಯ ಬಗ್ಗೆ ಜ್ಞಾನದ ಕೊರತೆ ಮತ್ತು ಶಿಕ್ಷಕರಲ್ಲಿ ಆನ್ಲೈನ್ ಶಿಕ್ಷಣದ ವಿಧಾನಗಳ ಬಗ್ಗೆ ಸಂಪೂರ್ಣ ಜ್ಞಾನದ ಕೊರತೆಯಿಂದಾಗಿ, ಅಧ್ಯಯನಗಳು ಸಹ ಅಡ್ಡಿಯಾಗುತ್ತವೆ ಎಂದು ವರದಿ ಹೇಳಿದೆ.
ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರ ನಡುವೆ ಉತ್ತಮ ಸಂವಹನದ ಕೊರತೆ
"ಸುಮಾರು ಶೇ.27 ರಷ್ಟು ವಿದ್ಯಾರ್ಥಿಗಳ ಬಳಿ ಸ್ಮಾರ್ಟ್‌ಫೋನ್‌ಗಳು ಅಥವಾ ಲ್ಯಾಪ್‌ಟಾಪ್‌ಗಳು ಲಭ್ಯವಿಲ್ಲ. ಹೆಚ್ಚಿನ ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಕೋವಿಡ್ -19 ಅವಧಿಯಲ್ಲಿ ಮೊಬೈಲ್ ಫೋನ್ ಗಳನ್ನು ಬಳಸುತ್ತಿದ್ದಾರೆ " ಎಂದು ಸಮೀಕ್ಷೆ ಹೇಳಿದೆ. ಶೇ.36 ರಷ್ಟು ವಿದ್ಯಾರ್ಥಿಗಳು ಪಠ್ಯಪುಸ್ತಕಗಳು ಮತ್ತು ಅವರೊಂದಿಗೆ ಲಭ್ಯವಿರುವ ಪುಸ್ತಕಗಳನ್ನು ಬಳಸುತ್ತಿದ್ದಾರೆ. ಶಿಕ್ಷಕರು ಮತ್ತು ಪ್ರಾಂಶುಪಾಲರಲ್ಲಿ ಲ್ಯಾಪ್ಟಾಪ್ ಎರಡನೆಯ ಆದ್ಯತೆಯ ಆಯ್ಕೆಯಾಗಿದೆ. ಸಾಂಕ್ರಾಮಿಕದ ಸಂದರ್ಭದಲ್ಲಿ, ಟೆಲಿವಿಷನ್ ಮತ್ತು ರೇಡಿಯೊ ಓದುವುದಕ್ಕೆ ಕಡಿಮೆ ಬಳಸುವ ಸಾಧನಗಳಾಗಿವೆ. ವಿದ್ಯಾರ್ಥಿಗಳು ಮತ್ತು ಶಿಕ್ಷಕರ ನಡುವೆ ಉತ್ತಮ ಸಂವಹನ ಒಂದು ದೊಡ್ಡ ಕೊರತೆಯಾಗಿದೆ ಎಂದು ಸಮೀಕ್ಷೆ ಹೇಳಿದೆ.
ಎಲ್ಲಾ ಸಂಬದ್ಧ ರಾಜ್ಯಗಳು ಶಿಕ್ಷಣ ಪಡೆಯುವವರ ಪ್ರಗತಿಯನ್ನು ಮೇಲ್ವಿಚಾರಣೆ ಮಾಡಲು ಭೌತಿಕ ಅಥವಾ ಡಿಜಿಟಲ್ ಅಲ್ಲದ ಮಾಧ್ಯಮವನ್ನು ಬಳಸುತ್ತವೆ ಮತ್ತು ಈ ಹೆಚ್ಚಿನ ಶಿಕ್ಷಕರು ಮನೆಗೆ ಹೋಗುತ್ತಾರೆ ಅಥವಾ ಫೋನ್ ಕರೆಯನ್ನು ಬಳಸುತ್ತಾರೆ ಎಂದು ಸಮೀಕ್ಷೆ ಹೇಳುತ್ತದೆ. ಅರ್ಧದಷ್ಟು ವಿದ್ಯಾರ್ಥಿಗಳು ತಮ್ಮಲ್ಲಿ ಶಾಲಾ ಪಠ್ಯಪುಸ್ತಕಗಳಿಲ್ಲ ಎಂದು ಹೇಳಿದ್ದಾರೆ. ಇ-ಪುಸ್ತಕಗಳು ಎನ್‌ಸಿಇಆರ್‌ಟಿ ವೆಬ್‌ಸೈಟ್ ಮತ್ತು ದೀಕ್ಷಾ ಪೋರ್ಟಲ್‌ನಲ್ಲಿ ಲಭ್ಯವಿದ್ದರೂ. ಇ-ಪಠ್ಯಪುಸ್ತಕದ ಬಗ್ಗೆ ವಿದ್ಯಾರ್ಥಿಗಳಲ್ಲಿ ಅರಿವಿನ ಕೊರತೆ ಇದೆ. ವಿದ್ಯಾರ್ಥಿಗಳು ಪಠ್ಯಪುಸ್ತಕ ಹಾರ್ಡ್‌ ಕಾಪಿಯನ್ನು ಅಧ್ಯಯನಕ್ಕಾಗಿ ಬಳಸುತ್ತಾರೆ ಎಂಬುದು ಇದಕ್ಕೆ ಒಂದು ಕಾರಣ ಎನ್ನಲಾಗಿದೆ.
ಗಣಿತ ಹಾಗೂ ವಿಜ್ಞಾನ ವಿಷಯದ ಅಧ್ಯಯನ ಕಠಿಣ
ಈ ಸಮೀಕ್ಷೆಯಲ್ಲಿ ಪಾಲ್ಗೊಂಡ ಬಹುತೇಕರು ಆನ್ಲೈನ್ ಮಾಧ್ಯಮದಲ್ಲಿ ಗಣಿತ ವಿಷಯದ ಅಭ್ಯಾಸ ತುಂಬಾ ಕಠಿಣ ಎಂದು ಹೇಳಿದ್ದಾರೆ. ಏಕೆಂದರೆ ಈ ವಿಷಯದಲ್ಲಿ ಹಲವು ಸಿದ್ಧಾಂತಗಳಿರುತ್ತವೆ. ಇದರ ಅಧ್ಯಯನದಲ್ಲಿ ವಿದ್ಯಾರ್ಥಿಗಳ ಜೊತೆಗೆ ಶಿಕ್ಷರ ಸಂವಾದ, ಸಹಯೋಗ ಹಾಗೂ ನಿಗಾವಹಿಸುವಿಕೆ ಅತ್ಯಗತ್ಯ. ಆನ್ಲೈನ್ ನಲ್ಲಿ ಈ ಕೊರತೆ ಎದ್ದು ಕಾಣುತ್ತದೆ. ಗಣಿತ ವಿಷಯದ ಜೊತೆಗೆ ವಿಜ್ಞಾನದಲ್ಲಿಯೂ ಕೂಡ ಹಲವು ಸಿದ್ಧಾಂತಗಳು ಒಳಗೊಂಡಿರುತ್ತವೆ.
ಸಮೀಕ್ಷೆಯ ವೇಳೆ ಶೇ.17ರಷ್ಟು ವಿದ್ಯಾರ್ಥಿಗಳು ಭಾಷಾ ಅಧ್ಯಯನವನ್ನು ಆನ್ಲೈನ್ ನಲ್ಲಿ ನಡೆಸುವುದು ತುಂಬಾ ಕಠಿಣ ಎಂದು ಹೇಳಿದ್ದಾರೆ. ಶೇ. 10 ರಷ್ಟು ವಿದ್ಯಾರ್ಥಿಗಳು ಕಲಾ ಅಧ್ಯಯನ ಆನ್ಲೈನ್ ನಲ್ಲಿ ನಡೆಸುವುದು ಕಠಿಣ ಎಂದು ಹೇಳಿದ್ದಾರೆ.
