ನವದೆಹಲಿ : ನೀವು ಎಸ್‌ಬಿಐ ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸುತ್ತಿದ್ದರೆ ಈಗ ಯಾವುದೇ ದಾಖಲೆಗಳಿಲ್ಲದೆ ಅದನ್ನು ನಿಮಗೆ ನೀಡಲಾಗುತ್ತದೆ. ಹೌದು ಎಸ್‌ಬಿಐ (SBI) ಕಾರ್ಡ್ ವೀಡಿಯೊ ಮೂಲಕ ಕೆವೈಸಿ ನಿಯಮವನ್ನು ಪೂರೈಸುವ ಸೌಲಭ್ಯವನ್ನು ಪ್ರಾರಂಭಿಸಿದೆ. ಗ್ರಾಹಕರ ಅನುಭವವನ್ನು ಸುಲಭಗೊಳಿಸಲು ಕಂಪನಿಯು ಈ ಸೌಲಭ್ಯಕ್ಕೆ ವಿಕೆವೈಸಿ ಎಂದು ಹೆಸರಿಸಿದೆ.
ಈ ಸೌಲಭ್ಯವು ಎಸ್‌ಬಿಐ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಕಾಗದರಹಿತ, ಡಿಜಿಟಲ್ ಆಗಿ ಮಾಡುತ್ತದೆ ಎಂದು ಕಂಪನಿ ತಿಳಿಸಿದೆ. ಎಸ್‌ಬಿಐ ಕಾರ್ಡ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ (State Bank of India) ಅತಿದೊಡ್ಡ ಕ್ರೆಡಿಟ್ ಕಾರ್ಡ್ (Credit Card) ನೀಡುವ ಘಟಕವಾಗಿದೆ.
ವಿಕೆವೈಸಿ ವಂಚನೆಯನ್ನು ಕಡಿಮೆ ಮಾಡಲು ಮಾತ್ರ ಸಹಾಯ ಮಾಡುವುದಿಲ್ಲ ಎಂದು ಕಂಪನಿ ತಿಳಿಸಿದೆ. ಬದಲಿಗೆ ಇದು ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಆಗುವ ವೆಚ್ಚವನ್ನು ಅರ್ಧದಷ್ಟು ಕಡಿಮೆ ಮಾಡುತ್ತದೆ. ರಾಷ್ಟ್ರವ್ಯಾಪಿ ಲಾಕ್‌ಡೌನ್ ಮತ್ತು ಕೋವಿಡ್-19 (Covid-19) ಬಿಕ್ಕಟ್ಟಿನ ಸಂದರ್ಭದಲ್ಲಿ ಪರಸ್ಪರ ಸಂವಹನದಿಂದ ದೂರವಿಡುವ ನಿಯಮಗಳನ್ನು ಗಮನದಲ್ಲಿಟ್ಟುಕೊಂಡು ಕಂಪನಿಯು ಈ ಸೌಲಭ್ಯವನ್ನು ಪ್ರಾರಂಭಿಸಿದೆ.
ಎಸ್‌ಬಿಐ ಇ-ಮುದ್ರಾ ಸಾಲಕ್ಕೆ ಅರ್ಜಿ ಸಲ್ಲಿಸುವ ಮೊದಲು ಈ ಪ್ರಮುಖ ವಿಷಯಗಳನ್ನು ತಿಳಿದುಕೊಳ್ಳಿ
ಎಸ್‌ಬಿಐ ಕಾರ್ಡ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಹರ್ದಾಯಾಲ್ ಪ್ರಸಾದ್ ಮಾತನಾಡಿ ನಾವು ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ಕಂಪನಿ. ಇದಕ್ಕಾಗಿ ನಾವು ಕಾರ್ಯತಂತ್ರದ ಹೂಡಿಕೆಗಳನ್ನು ಮಾಡಿದ್ದೇವೆ ಮತ್ತು ಅತ್ಯಾಧುನಿಕ ಮೂಲಸೌಕರ್ಯಗಳನ್ನು ಅಭಿವೃದ್ಧಿಪಡಿಸಿದ್ದೇವೆ ಎಂದು ಹೇಳಿದರು.
ನಿಮ್ಮ ಹಣವನ್ನು ಸುರಕ್ಷಿತವಾಗಿಡಲು ಎಸ್‌ಬಿಐನ ಈ ಟಿಪ್ಸ್ ಅನುಸರಿಸಿ
ಈ ಮೊದಲು ಸ್ಟೇಟ್ ಬ್ಯಾಂಕ್ ತನ್ನ ಗ್ರಾಹಕರಿಗೆ ಎಚ್ಚರಿಕೆ ನೀಡಿ ಮೊಬೈಲ್ ಮಾಲ್ವೇರ್ ಈವೆಂಟ್ಬಾಟ್ನೊಂದಿಗೆ ಜಾಗರೂಕರಾಗಿರಲು ಬ್ಯಾಂಕ್ ಗ್ರಾಹಕರನ್ನು ಕೇಳಿದೆ. ಬ್ಯಾಂಕ್ ಪ್ರಕಾರ ಈ ಮಾಲ್ವೇರ್ ಬಹಳ ವೇಗವಾಗಿ ಹರಡುತ್ತಿದೆ. ಈ ಮಾಲ್ವೇರ್ ಮೂಲಕ ವಂಚಕರು ಬ್ಯಾಂಕ್ ಗ್ರಾಹಕರ ಡೇಟಾವನ್ನು ಕದಿಯುತ್ತಾರೆ ಮತ್ತು ಅವರ ಖಾತೆಯಿಂದ ಹಣವನ್ನು ಖಾಲಿ ಮಾಡುತ್ತಾರೆ ಎಂದು ಹೇಳಲಾಗಿದೆ.
ಈ ಕ್ರೆಡಿಟ್ ಕಾರ್ಡ್‌ಗಳಲ್ಲಿ ಮೊಬೈಲ್, ಗೃಹೋಪಯೋಗಿ ಮತ್ತು ಇತರ ವಸ್ತುಗಳ ಖರೀದಿಯಲ್ಲಿ ಸಿಗಲಿದೆ ರಿಯಾಯಿತಿ
ಬ್ಯಾಂಕ್ ಪ್ರಕಾರ ಈವೆಂಟ್ಬಾಟ್ ಆಂಡ್ರಾಯ್ಡ್ ಮೊಬೈಲ್ ಮಾಲ್ವೇರ್ ಆಗಿದೆ. ನಿರ್ದಿಷ್ಟವಾಗಿ ಈ ಮಾಲ್ವೇರ್ ಅನ್ನು ಮೂರನೇ ವ್ಯಕ್ತಿಯ ಅಪ್ಲಿಕೇಶನ್‌ಗಳ ಮೂಲಕ ಜನರಿಗೆ ತಲುಪಿಸಲಾಗುತ್ತದೆ. ಅದು ನಿಮ್ಮ ಫೋನ್‌ಗೆ ತಲುಪಿದ ನಂತರ ಈ ಮಾಲ್ವೇರ್ ನಿಮ್ಮ ಫೋನ್‌ನಲ್ಲಿರುವ ಎಲ್ಲಾ ಹಣಕಾಸು ಅಪ್ಲಿಕೇಶನ್‌ಗಳಿಂದ ಡೇಟಾವನ್ನು ಕದಿಯುತ್ತದೆ. ನಿಮ್ಮ ರಹಸ್ಯ ಡೇಟಾವನ್ನು ಕಳವು ಮಾಡಿದ ನಂತರ ನಿಮ್ಮ ಖಾತೆಯಿಂದ ಹಣವನ್ನು ಕದಿಯಬಹುದು ಎಂದು ಎಚ್ಚರಿಕೆ ನೀಡಿದೆ.
