ಕಾಲಿವುಡ್ ಹೀರೋ ಧನುಷ್ ಅವರನ್ನು ಲೇಡಿ ಸೂಪರ್ ಸ್ಟಾರ್ ನಯನತಾರಾ ಟೀಕಿಸಿದ್ದಾರೆ. ಈ ಕುರಿತು ಇನ್‌ಸ್ಟಾಗ್ರಾಮ್‌ನಲ್ಲಿ ಬಹಿರಂಗ ಪತ್ರವೊಂದನ್ನು ಪೋಸ್ಟ್ ಮಾಡಿದ್ದಾರೆ. ಅವರ ಮುಂಬರುವ ಸಾಕ್ಷ್ಯಚಿತ್ರ, ನಯನತಾರಾ: ಬಿಯಾಂಡ್ ದಿ ಫೇರಿಟೇಲ್ ನಲ್ಲಿ ತಮ್ಮ ಚಿತ್ರ ನಾನುಮ್ ರೌಡಿ ಧಾನ್ ದೃಶ್ಯಗಳು ಮತ್ತು ಹಾಡುಗಳ ಬಗ್ಗೆ ಕೇಳಿಬಂವ ವಿವಾದದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ನಯನತಾರಾ ಮತ್ತು ನಿರ್ದೇಶಕ ವಿಘ್ನೇಶ್ ಶಿವನ್ 2022 ರಲ್ಲಿ ವಿವಾಹವಾದರು. ಅವರ ವಿವಾಹವನ್ನು ಜನಪ್ರಿಯ OTT ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಲ್ಲಿ ಸಾಕ್ಷ್ಯಚಿತ್ರವಾಗಿ ಬಿಡುಗಡೆ ಮಾಡಲಾಗಿದೆ. ಹಲವಾರು ಅಡೆತಡೆಗಳ ನಂತರ, ಈ ಸಾಕ್ಷ್ಯಚಿತ್ರವು ನವೆಂಬರ್ 18 ರಿಂದ ಸ್ಟ್ರೀಮ್ ಆಗುತ್ತಿದೆ. ಈ ಸಾಕ್ಷ್ಯಚಿತ್ರ ತಡವಾಗಲು ಅವರೇ ಕಾರಣ ನಟ ಧನುಷ್ ಎಂದು ಆರೋಪಿಸಿರುವ ನಯನತಾರಾ ತೀವ್ರವಾಗಿ ಟೀಕಿಸಿದ್ದಾರೆ.
ಅಭಿಮಾನಿಗಳು ನೋಡಿದ ಧನುಷ್ ಬೇರೆ.. ಅಸಲಿ ಧನುಷ್ ಬೇರೆ ಎನ್ನುತ್ತಾ ಬಹಿರಂಗ ಪತ್ರವೊಂದನ್ನು ಬಿಡುಗಡೆ ಮಾಡಿದ್ದು, ಧನುಷ್ ಬಗ್ಗೆ ಹಲವು ವಿಷಯಗಳನ್ನು ಬಹಿರಂಗಪಡಿಸಿದ್ದಾರೆ.
ಇದನ್ನೂ ಓದಿ: ಮದುವೆ ಮನ್ನವೇ ಈ ಖ್ಯಾತ 'ನಟ'ನ ಜೊತೆ ಹಾಸಿಗೆ ಹಂಚಿಕೊಂಡಿದ್ದೆ: ಸ್ಟಾರ್ ಫ್ಯಾಮಿಲಿ ಸೊಸೆ ಶಾಕಿಂಗ್‌
ಸಿನಿಮಾದಲ್ಲಿ ಯಾವುದೇ ಹಿನ್ನೆಲೆಯಿಲ್ಲದ ಒಂಟಿ ಮಹಿಳೆಯಾಗಿ, ನಾನು ಸವಾಲು ಎದುರಿಸಿ ಚಿತ್ರರಂಗಕ್ಕೆ ಬಂದಿದ್ದೇನೆ. ಕಠಿಣ ಪರಿಶ್ರಮ ಮತ್ತು ಪ್ರಾಮಾಣಿಕತೆಯಿಂದ ಈ ಮಟ್ಟಕ್ಕೆ ಬಂದಿದ್ದೇನೆ. ನನ್ನನ್ನು ಪ್ರೀತಿಸುವ ನನ್ನ ಅಭಿಮಾನಿಗಳಿಗೆ ಮತ್ತು ಚಿತ್ರರಂಗಕ್ಕೆ ನನ್ನ ಪ್ರಯಾಣದ ಬಗ್ಗೆ ಚೆನ್ನಾಗಿ ತಿಳಿದಿದೆ. ಹಲವು ವರ್ಷಗಳಿಂದ ನನ್ನ ವಿರುದ್ಧ ನಡೆಯುತ್ತಿರುವ ಕೆಲವು ತಪ್ಪುಗಳನ್ನು ನಾನು ಈಗ ಧೈರ್ಯದಿಂದ ಬಹಿರಂಗಪಡಿಸಲು ಬಯಸುತ್ತೇನೆ ಎಂದಿದ್ದಾರೆ.
ತಂದೆ ಕಸ್ತೂರಿ ರಾಜರ ಬೆಂಬಲದೊಂದಿಗೆ ಶ್ರೇಷ್ಠ ನಿರ್ದೇಶಕ ಸಹೋದರ ಕೆ. ಸೆಲ್ವರಾಘವನ್ ನಿರ್ದೇಶನದಲ್ಲಿ ಚಿತ್ರರಂಗಕ್ಕೆ ಬಂದು ನಾಯಕಿಯಾಗಿ ಗುರುತಿಸಿಕೊಂಡರು. ಆದರೆ ನಿಮ್ಮ ಈ ಚಿಕ್ಕ ವಿಷಯಗಳನ್ನು ನೀವು ಅರ್ಥಮಾಡಿಕೊಳ್ಳಿ ಮತ್ತು ಸರಿಪಡಿಸಿಕೊಳ್ಳಿ. ನನ್ನಂತೆಯೇ, ನನ್ನ ಅನೇಕ ಅಭಿಮಾನಿಗಳು ಮತ್ತು ಹಿತೈಷಿಗಳು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗುವ 'ನಯನತಾರಾ: ಬಿಯಾಂಡ್ ದಿ ಫೇರಿ ಟೇಲ್' ಸಾಕ್ಷ್ಯಚಿತ್ರಕ್ಕಾಗಿ ಕಾಯುತ್ತಿದ್ದಾರೆ. ಹಲವು ಅಡೆತಡೆಗಳನ್ನು ದಾಟಿ ಈ ಸಾಕ್ಷ್ಯಚಿತ್ರವನ್ನು ಸ್ಟ್ರೀಮಿಂಗ್ ಮಾಡಲು ಎಲ್ಲಾ ಕೆಲಸಗಳನ್ನು ಪೂರ್ಣಗೊಳಿಸಿದ ನಂತರ, ನಾವು ಈಗ ಬಿಡುಗಡೆಗೆ ಸಿದ್ಧರಾಗಿದ್ದೇವೆ. ಆದರೆ ಈಗ ನಿಮ್ಮ ಪ್ರತೀಕಾರದ ವರ್ತನೆ ನನ್ನ ಗಂಡನ ಮೇಲೆ ಮಾತ್ರವಲ್ಲದೆ ಸಾಕ್ಷ್ಯಚಿತ್ರದಲ್ಲಿ ಕೆಲಸ ಮಾಡಿದ ಪ್ರತಿಯೊಬ್ಬರ ಮೇಲೂ ಬಿದ್ದಿದೆ ಎಂದಿದ್ದಾರೆ.
ಪ್ರೀತಿ ಮತ್ತು ಮದುವೆ ಸೇರಿದಂತೆ ನನ್ನ ಜೀವನದ ಸಂತೋಷದ ಕ್ಷಣಗಳ ಈ ಸಾಕ್ಷ್ಯಚಿತ್ರದಲ್ಲಿ ಸಿಹಿ ನೆನಪುಗಳನ್ನು ಸೆರೆಹಿಡಿಯಲು ವಿವಿಧ ಚಲನಚಿತ್ರಗಳ ದೃಶ್ಯಗಳನ್ನು ಬಳಸಲು ಹಲವರು ತಕ್ಷಣ ಒಪ್ಪಿಕೊಂಡರು. ಆದರೆ ನಾನುಮ್ ರೌಡಿ ಧಾನ್ ಸಿನಿಮಾಗೆ ಒಪ್ಪಿಗೆ ಸಿಗದಿದ್ದಾಗ ಬೇಸರವಾಯಿತು ಎಂದಿದ್ದಾರೆ.
ನೆಟ್‌ಫ್ಲಿಕ್ಸ್‌ನಲ್ಲಿ ಬರಲಿರುವ ಸಾಕ್ಷ್ಯಚಿತ್ರ 'ನಯನತಾರಾ: ಬಿಯಾಂಡ್ ದಿ ಫೇರಿ ಟೇಲ್' ನಲ್ಲಿ ನಾನುಮ್ ರೌಡಿ ಧಾನ್ ಸಿನಿಮಾದ ತುಣುಕನ್ನು, ಹಾಡುಗಳು ಮತ್ತು ಫೋಟೋಗಳನ್ನು ಬಳಸಲು ನಿಮ್ಮಿಂದ ನಿರಾಕ್ಷೇಪಣಾ ಪ್ರಮಾಣಪತ್ರ ಪಡೆಯಲು ನಾನು ಹಲವು ಪ್ರಯತ್ನಗಳನ್ನು ಮಾಡಿದ್ದೇನೆ. ಆದರೆ ನಮ್ಮ ಎಲ್ಲಾ ಪ್ರಯತ್ನಗಳು ವಿಫಲವಾದವು. 2 ವರ್ಷಗಳ ಕಾಲ ಕಾದು, ಈಗ ಬಿಡುಗಡೆಯಾಗುತ್ತಿರುವ ಸಾಕ್ಷ್ಯಚಿತ್ರವನ್ನು ನಾವು ಮರು-ಚಿತ್ರೀಕರಿಸಿದ್ದೇವೆ ಮತ್ತು ನಿರ್ಮಿಸಿದ್ದೇವೆ. ಇಂದಿಗೂ ನಾನುಮ್ ರೌಡಿ ಧಾನ್ ಚಿತ್ರದ ಹಾಡುಗಳನ್ನು ಅಭಿಮಾನಿಗಳು ಇಷ್ಟಪಡುತ್ತಿರುವುದಕ್ಕೆ ಅದ್ಬುತ ಸಾಹಿತ್ಯವೇ ಕಾರಣ. ಆ ಹಾಡುಗಳ ಕೆಲವು ಸಾಲುಗಳನ್ನು ನಾವು ಸಾಕ್ಷ್ಯಚಿತ್ರದಲ್ಲಿ ಬಳಸದಿರುವುದು ಎಷ್ಟು ಅಸಮಾಧಾನವನ್ನುಂಟುಮಾಡುತ್ತದೆ ಎಂಬುದು ನಿಮ್ಮನ್ನು ಹೊರತುಪಡಿಸಿ ಎಲ್ಲರಿಗೂ ಅರ್ಥವಾಗುತ್ತದೆ ಎಂದಿದ್ದಾರೆ.
ಅದು ಕೇವಲ ವ್ಯವಹಾರವಾಗಿದ್ದರೆ.. ಅಥವಾ ಕಾನೂನುಬದ್ಧವಾಗಿದ್ದರೆ ನಾನು ಖಂಡಿತವಾಗಿಯೂ ಎನ್‌ಒಸಿ ನಿರಾಕರಣೆಯನ್ನು ಒಪ್ಪಿಕೊಳ್ಳುತ್ತಿದ್ದೆ. ಆದರೆ ಇದು ಸಂಪೂರ್ಣವಾಗಿ ನನ್ನ ಮೇಲಿನ ವೈಯಕ್ತಿಕ ದ್ವೇಷದಿಂದ ಮಾಡಲಾಗಿದೆ ಎಂದು ನೀವು ಹೇಗೆ ಒಪ್ಪಿಕೊಳ್ಳುತ್ತೀರಿ.. ? ಎಂದು ನಯನತಾರಾ ಹೇಳಿದ್ದಾರೆ.
ಇದನ್ನೂ ಓದಿ:ರೋಹಿತ್‌ ಶರ್ಮಾ ಮಗನ ಫೋಟೋ ನೋಡಿದ್ರಾ? ಜೂನಿಯರ್‌ ಹಿಟ್‌ಮ್ಯಾನ್‌ ಅಂತಿದ್ದಾರೆ ಫ್ಯಾನ್ಸ್‌
ಇತ್ತೀಚೆಗೆ ಬಿಡುಗಡೆಯಾದ ಟ್ರೇಲರ್‌ನಲ್ಲಿ ಬಳಸಲಾದ 3 ಸೆಕೆಂಡ್‌ಗಳ ವೀಡಿಯೊಗೆ ಲೀಗಲ್ ನೋಟಿಸ್ ಕಳುಹಿಸಿರುವುದನ್ನು ನೋಡಿ ಆಘಾತವಾಯಿತು. ಮೇಲಾಗಿ.. ಈಗಾಗಲೇ ವೆಬ್‌ಸೈಟ್‌ಗಳಲ್ಲಿ ಹಂಚಿಕೊಂಡಿರುವ ಖಾಸಗಿಯಾಗಿ ಚಿತ್ರೀಕರಿಸಿದ ದೃಶ್ಯಕ್ಕೆ ₹10,00,00,000 (ಹತ್ತು ಕೋಟಿ) ಪರಿಹಾರವನ್ನು ಕೇಳುವುದು ತುಂಬಾ ವಿಚಿತ್ರವಾಗಿದೆ. ನೀವು ಯಾವ ರೀತಿಯ ವ್ಯಕ್ತಿ ಎಂಬುದನ್ನು ತೋರಿಸುತ್ತದೆ. ನೀವು ವೇದಿಕೆಯಲ್ಲಿ ಮಾತನಾಡುವ ಮಾತುಗಳನ್ನು ನೀವು ಎಂದಿಗೂ ಅನುಸರಿಸುವುದಿಲ್ಲ ಎಂದು ನನ್ನ ಪತಿ ಮತ್ತು ನನಗೆ ತಿಳಿದಿದೆ. ಒಬ್ಬ ನಿರ್ಮಾಪಕ ತನ್ನ ಚಿತ್ರಗಳಲ್ಲಿ ಕೆಲಸ ಮಾಡುವ ಕಲಾವಿದರ ವೈಯಕ್ತಿಕ ಜೀವನ ಮತ್ತು ಸ್ವಾತಂತ್ರ್ಯವನ್ನು ನಿಯಂತ್ರಿಸಬಹುದೇ? ಎಂದು ನಯನತಾರಾ ಹೇಳಿದ್ದಾರೆ.
ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
