ಶಿಮ್ಲಾ: ಹಿಮಾಚಲ ಪ್ರದೇಶದ ಚಂಬಾ ಪಟ್ಟಣವನ್ನು ಪಂಜಾಬ್ನ ಪಠಾನ್ಕೋಟ್ ಸಂಪರ್ಕಿಸುವ ಕಾಂಕ್ರೀಟ್ನ ಪ್ರಮುಖ ಸೇತುವೆ ಕುಸಿದಿದೆ, ಇದರಲ್ಲಿ ಆರು ಮಂದಿ ಗಾಯಗೊಂಡಿದ್ದಾರೆ. ಚಂಬಾ-ಪಠಾನ್ಕೋಟ್ ರಾಷ್ಟ್ರೀಯ ಹೆದ್ದಾರಿಯ ನಡುವೆ ಈ ಸೇತುವೆ ಕುಸಿದಿದೆ. ಆದರೆ, ಕಾರಣ ಇನ್ನೂ ತಿಳಿದಿಲ್ಲ. ಚಂಬಾದಿಂದ 6 ಕಿಲೋಮೀಟರ್ ಮತ್ತು ಶಿಮ್ಲಾದಿಂದ 450 ಕಿಲೋಮೀಟರ್ ದೂರದಲ್ಲಿರುವ ಪಾರೆಲ್ನಲ್ಲಿ ಈ ಡಬಲ್-ಲೇನ್ ಬ್ರಿಡ್ಜ್ ಇದೆ.
ಇಟ್ಟಿಗೆ ಹೊತ್ತಿರುವ ಮಿನಿ ಟ್ರಕ್ ಇನ್ನೂ ಮುರಿದ ಸೇತುವೆಯಲ್ಲಿ ಸಿಕ್ಕಿಬಿದ್ದಿದೆ. "ನಾವು ವಿಚಾರಣೆಗೆ ಆದೇಶಿಸಿದ್ದೇವೆ, ಗಾಯಗೊಂಡವರು ಚಂಬಾ ಆಸ್ಪತ್ರೆಗೆ ದಾಖಲಾಗಿದ್ದಾರೆ" ಎಂದು ಚಂಬಾ ಉಪ ಕಮೀಷನರ್ ಸುದೇಶ್ ಮೊಖ್ತ ಅವರು ಮಾಧ್ಯಮಗಳಿಗೆ ತಿಳಿಸಿದರು.
ರವಿ ಎಂಬ ನದಿಯ ಮೇಲಿರುವ ಸೇತುವೆಯೊಂದರಲ್ಲಿ ಡಿಕ್ಕಿ ಹೊಡೆದಿದ್ದ ಮಿನಿ ಟ್ರಕ್ ಸೇರಿದಂತೆ ನಾಲ್ಕು ವಾಹನಗಳು ಸಿಲುಕಿವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಸೇತುವೆಯನ್ನು 2005 ರಲ್ಲಿ ಮುಖ್ಯಮಂತ್ರಿ ವೀರಭದ್ರ ಸಿಂಗ್ ಉದ್ಘಾಟಿಸಿದರು.
ಟ್ರಾಫಿಕ್ ಮಾರ್ಗವನ್ನು ಬದಲಾಯಿಸಲಾಗಿದೆ ಮತ್ತು ಪರ್ಯಾಯ ಮಾರ್ಗಗಳನ್ನು ಅಳವಡಿಸಿಕೊಳ್ಳಲು ಚಾಲಕರಿಗೆ ತಿಳಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
