ಮುಂಬೈ: ದಕ್ಷಿಣ ಮುಂಬಯಿಯ ಪಾರೆಲ್ ಪ್ರದೇಶದಲ್ಲಿರುವ ಕ್ರಿಸ್ಟಲ್ ಟವರ್‌ನಲ್ಲಿ ಬುಧವಾರ ಬೆಳಿಗ್ಗೆ (ಆಗಸ್ಟ್ 22) ಅಗ್ನಿ ಅವಘಡ ಸಂಭವಿಸಿದೆ. ಟವರ್‌ನ 12 ನೇ ಮಹಡಿಯಲ್ಲಿ ಈ ಅವಘಡ ಉಂಟಾಗಿದೆ. ಕ್ರಿಸ್ಟಲ್ ಟವರ್ ಒಂದು ವಸತಿ ಕಟ್ಟಡ ಎಂದು ಹೇಳಲಾಗುತ್ತಿದ್ದು, ಅಗ್ನಿಶಾಮಕ ಎಚ್ಚರಿಕೆಯ ನಂತರ ಫೈರ್ ಬ್ರಿಗೇಡ್ ತಂಡದವರು ಸ್ಥಳಕ್ಕೆ ಆಗಮಿಸಿದರು. 10 ರಿಂದ 12 ಅಗ್ನಿಶಾಮಕ ವಾಹನಗಳು ಸ್ಥಳಕ್ಕೆ ದೌಡಾಯಿಸಿದ್ದು, ರಕ್ಷಣಾ ಕಾರ್ಯ ಮುಂದುವರೆದಿದೆ.
Mumbai: A Level-2 fire has broken out in Crystal Tower near Hindmata Cinema in Parel area. Ten fire fighting tenders have rushed to the spot. More details awaited pic.twitter.com/kvH3vhwgkw
— ANI (@ANI) August 22, 2018
ಮಾಹಿತಿಯ ಪ್ರಕಾರ, ಹಿಂದ್ಮಾತಾ ಸಿನೆಮಾ ಬಳಿ ಇರುವ ಕ್ರಿಸ್ಟಲ್ ಟವರ್ 15 ಅಂತಸ್ತಿನ ಕಟ್ಟಡವಾಗಿದೆ. ಈ ಕಟ್ಟಡದ 12 ನೇ ಅಂತಸ್ತಿನಲ್ಲಿ ವ್ಯಾಪಕವಾಗಿ ಬೆಂಕಿಯ ಕೆನ್ನಾಲಿಗೆ ಚಾಚಿದ್ದು, ಬಹಳ ಅಪಾಯಕಾರಿ ಎಂದು ಪರಿಗಣಿಸಲಾಗಿದೆ. ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸುವುದರ ಜೊತೆಗೆ ಅಪಾಯದಲ್ಲಿ ಸಿಲುಕಿರುವವರ ರಕ್ಷಣೆಯಲ್ಲಿ ತೊಡಗಿದೆ. ಜನರನ್ನು ಕ್ರೇನ್ ಗಳ ಮೂಲಕ ಕೆಳಗಿಳಿಸಲಾಗುತ್ತಿದೆ.
