ನವದೆಹಲಿ: ಮನೆಯಲ್ಲಿ ಅಡುಗೆ ಮಾಡೋದಿಕ್ಕೆ ಬೇಸರವಾಗಿ ಏನಾದರೂ ಹೊರಗಡೆ ಫುಡ್ ಆರ್ಡರ್ ಮಾಡೋ ಅಭ್ಯಾಸ ಇರುವವರು ಈ ವೀಡಿಯೋ ನೋಡಿದ್ರೆ ಖಂಡಿತಾ ಶಾಕ್ ಆಗ್ತೀರಾ!
ಹೌದು, ಆನ್ಲೈನ್ ಪುಡ್ ಆರ್ಡರ್ ಡೆಲಿವರಿ ಮಾಡುವ ಸಿಬ್ಬಂದಿಯೋರ್ವ ಗ್ರಾಹಕರೊಬ್ಬರು ಆರ್ಡರ್ ಮಾಡಿದ್ದ ಊಟದ ಪೊಟ್ಟಣವನ್ನು ತೆಗೆದು ರಸ್ತೆ ಮಧ್ಯದಲ್ಲೇ ತಿನ್ನುತ್ತಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
This is what happens when you use coupon codes all the time. 😂 Watch till end. pic.twitter.com/KG5y9wUoNk
— Godman Chikna (@Madan_Chikna) December 10, 2018
ಈ ವೀಡಿಯೋದಲ್ಲಿ ಝೊಮಾಟೊ ಡೆಲಿವರಿ ಸಿಬ್ಬಂದಿಯೋರ್ವ ಗ್ರಾಹಕರಿಗೆ ತಲುಪಿಸಬೇಕಾದ ತಿಂಡಿಯನ್ನು ದಾರಿಯಲ್ಲಿ ಅರ್ಧ ತಿಂದು ಉಳಿದದ್ದನ್ನು ಹಾಗೆಯೇ ಪ್ಯಾಕ್ ಮಾಡಿಟ್ಟ ದೃಶ್ಯವನ್ನು ಮಧನ್ ಚಿಕ್ನಾ ಎಂಬವರು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯಬಿಟ್ಟಿದ್ದಾರೆ.
ಈ ವೀಡಿಯೋ ವೈರಲ್ ಆದ ಕೂಡಲೇ ಕಂಪನಿ ತನ್ನ ಟ್ವಿಟ್ಟರ್ ಮೂಲಕ ಗ್ರಾಹಕರಲ್ಲಿ ಕ್ಷಮೆ ಯಾಚಿಸಿದೆ. ಒಂದು ವೇಳೆ ಈ ವೀಡಿಯೋ ಸತ್ಯವೇ ಆಗಿದ್ದಲ್ಲಿ ಸಿಬ್ಬಂದಿ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದೆ.
