ನವದೆಹಲಿ: ಕೆಟ್ಟ ಆರ್ಥಿಕ ಹಂತದ ಮೂಲಕ ಸಾಗುತ್ತಿರುವ ಭಾರತಕ್ಕೆ ಕರೋನವೈರಸ್ Covid-19 ಇನ್ನೊಂದು ತೊಡಕಾಗಿದೆ. 21 ದಿನಗಳ ಲಾಕ್‌ಡೌನ್‌ನಿಂದಾಗಿ ದೇಶದ ವ್ಯವಹಾರಗಳು ಬಹುತೇಕ ಸ್ಥಗಿತಗೊಂಡಿವೆ. ಕಂಪನಿಗಳು ತೊಂದರೆ ಅನುಭವಿಸುತ್ತಿವೆ, ಸಾರ್ವಜನಿಕರು ಅಸಮಾಧಾನಗೊಂಡಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಸಾಮಾನ್ಯ ಜನರನ್ನು ಕರೋನಾದಿಂದ ರಕ್ಷಿಸಲು ಕೇಂದ್ರ ಸರ್ಕಾರ ಎಲ್ಲ ಪ್ರಯತ್ನಗಳನ್ನು ಮಾಡುತ್ತಿದೆ.
ಲಾಕ್‌ಡೌನ್‌ ವೇಳೆ ಹಣದ ತೊಂದರೆ ಎದುರಾಗಿದೆಯೇ? ಈ ಬ್ಯಾಂಕುಗಳಿಂದ ಸಿಗಲಿದೆ ಸಾಲ
ಕಳೆದ ಎರಡು ದಿನಗಳಲ್ಲಿ, ಸರ್ಕಾರವು ಉಚಿತ ಪಡಿತರದಿಂದ ಗೃಹ ಸಾಲ, ಕಾರು ಸಾಲ ಮತ್ತು ಕ್ರೆಡಿಟ್ ಕಾರ್ಡ್ ಇಎಂಐ ರಿಯಾಯಿತಿಗಳವರೆಗೆ ಅನೇಕ ದೊಡ್ಡ ಪ್ರಕಟಣೆಗಳನ್ನು ಮಾಡಿದೆ. ಈಗ ಸರ್ಕಾರ ಸಾರ್ವಜನಿಕರಿಗೆ ಇನ್ನೂ ಒಂದು ಉಡುಗೊರೆಯನ್ನು ನೀಡಲಿದೆ. ಝೀ ನ್ಯೂಸ್‌ಗೆ ದೊರೆತ ವಿಶೇಷ ಮಾಹಿತಿಯ ಪ್ರಕಾರ, ಸರ್ಕಾರವು ವಿದ್ಯುತ್ ಪ್ಯಾಕೇಜ್ ಸಿದ್ಧಪಡಿಸಿದೆ.
ದೇಶದಲ್ಲಿ ಅಗ್ಗದ ವೆಂಟಿಲೇಟರ್ ತಯಾರಿಸಲಿದೆ ಮಹೀಂದ್ರಾ
ವಿದ್ಯುತ್ ಕಂಪನಿಗಳಿಗೂ ಪರಿಹಾರ:
ಕೇಂದ್ರ ಸರ್ಕಾರವು ವಿದ್ಯುತ್ ಪರಿಹಾರದ ಪ್ಯಾಕೇಜ್ ಅನ್ನು ಸಿದ್ಧಪಡಿಸಿದೆ, ಇದರ ಅಡಿಯಲ್ಲಿ ವಿದ್ಯುತ್ ಬಿಲ್ ತಡವಾಗಿ ಪಾವತಿಸಲು ತಡವಾದರೆ ಪಾವತಿಸಬೇಕಾದ ದಂಡದಲ್ಲಿ ವಿನಾಯಿತಿ ಸಿಗುವ ನಿರೀಕ್ಷೆಯಿದೆ. ಇದರೊಂದಿಗೆ, ಮುಂಗಡ ಭದ್ರತೆಯನ್ನು ಠೇವಣಿ ಇಡುವುದರಲ್ಲಿ ವಿದ್ಯುತ್ ವಿತರಣಾ ಕಂಪನಿಗಳಿಗೆ ಪರಿಹಾರ ನೀಡುವ ಯೋಜನೆಯೂ ಇದೆ.
Coronavirus ಬಿಕ್ಕಟ್ಟಿನ ಮಧ್ಯೆ ರೆಪೊ ದರವನ್ನು 4.4% ಕ್ಕೆ ಇಳಿಸಿದ RBI
ಆರ್‌ಬಿಐ ಶುಕ್ರವಾರ ಬಡ್ಡಿದರಗಳನ್ನು ಕಡಿತಗೊಳಿಸುವುದಾಗಿ ಘೋಷಿಸಿದೆ. ಇದರೊಂದಿಗೆ ಗ್ರಾಹಕರಿಗೆ ಇಎಂಐ ಕುರಿತು 3 ತಿಂಗಳ ಪರಿಹಾರ ನೀಡುವಂತೆ ಬ್ಯಾಂಕುಗಳಿಗೆ ಸೂಚಿಸಲಾಗಿದೆ. 3 ತಿಂಗಳು ಇಎಂಐ ನೀಡದಿರುವುದು ಕ್ರೆಡಿಟ್ ಸ್ಕೋರ್ (ಸಿಬಿಲ್) ಮೇಲೆ ಪರಿಣಾಮ ಬೀರುವುದಿಲ್ಲ. ಆರ್‌ಪಿಐ ರೆಪೊ ದರದಲ್ಲಿ 0.75% ಕಡಿತವನ್ನು ಘೋಷಿಸಿದೆ. ರಿವರ್ಸ್ ರೆಪೊ ದರದಲ್ಲಿ 0.90% ರಷ್ಟು ಕಡಿತವನ್ನು ಘೋಷಿಸಲಾಗಿದೆ. ಈಗ ರೆಪೊ ದರವು 4.4% ಕ್ಕೆ ಇಳಿದಿದೆ ಮತ್ತು ರಿವರ್ಸ್ ರೆಪೊ ದರವು 4% ಕ್ಕೆ ಇಳಿದಿದೆ. ರೆಪೊ ದರ ಕಡಿಮೆಯಾದ ಕಾರಣ ಇಎಂಐ ಅನ್ನು ಕಡಿಮೆ ಮಾಡಬಹುದು. ರಿವರ್ಸ್ ರೆಪೊ ದರವನ್ನು ಕಡಿಮೆ ಮಾಡುವುದರಿಂದ ಆರ್ಥಿಕತೆಯಲ್ಲಿ ಹೆಚ್ಚಿನ ಹಣ ಬರುತ್ತದೆ. ಈ ರೀತಿಯಾಗಿ, ಸಾರ್ವಜನಿಕರಿಗೆ ಅನುಕೂಲವಾಗುವಂತೆ ಆರ್‌ಬಿಐ ಈ ಪ್ರಕಟಣೆಗಳನ್ನು ಮಾಡಿದೆ.
ಆರ್‌ಬಿಐ ನಡೆಯನ್ನು ಶ್ಲಾಘಿಸಿದ ಪ್ರಧಾನಿ:
ಆರ್‌ಬಿಐ ಕೈಗೊಂಡ ಕ್ರಮಗಳು ದ್ರವ್ಯತೆಯನ್ನು ಸುಧಾರಿಸುತ್ತದೆ, ಹಣದ ವೆಚ್ಚವನ್ನು ಕಡಿಮೆ ಮಾಡುತ್ತದೆ, ಮಧ್ಯಮ ವರ್ಗ ಮತ್ತು ವ್ಯವಹಾರಗಳಿಗೆ ಸಹಾಯ ಮಾಡುತ್ತದೆ ಎಂದು ಪ್ರಧಾನಿ ಹೇಳಿದರು. ಈ ಕಷ್ಟದ ಸಮಯದಲ್ಲಿ ನಾಗರಿಕರನ್ನು ಸಮಸ್ಯೆಗಳಿಂದ ರಕ್ಷಿಸಲು ನಮ್ಮ ಸರ್ಕಾರ ಅಗತ್ಯವಿರುವ ಎಲ್ಲ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ ಎಂದು ಬಿಜೆಪಿ ಅಧ್ಯಕ್ಷ ಜೆ.ಪಿ.ನಡ್ಡಾ ಹೇಳಿದರು. ನಿನ್ನೆ (ಗುರುವಾರ) ಸರ್ಕಾರ ಪರಿಹಾರ ಪ್ಯಾಕೇಜ್ ಘೋಷಿಸಿದರೆ, ಇಂದು (ಶುಕ್ರವಾರ) ಆರ್‌ಬಿಐ ಭಾರತದ ಆರ್ಥಿಕತೆಗೆ ಉತ್ತೇಜನ ನೀಡಿದೆ. ಉಳಿಸಲು ಹಲವು ಪ್ರಮುಖ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ.
