Ambassador car price Photo Viral: ಅಂಬಾಸಿಡರ್ ಕಾರು ಯಾರಿಗೆ ನೆನಪಿಲ್ಲ ಹೇಳಿ? ನಮ್ಮ ರಾಜಕೀಯ ಮತ್ತು ಚಲನಚಿತ್ರಗಳಲ್ಲಿ ರಾಜಕಾರಣಿಗಳಿಂದ ಹಿಡಿದು ಆಡಳಿತದ ಜನರವರೆಗೆ ಇದನ್ನು ವ್ಯಾಪಕವಾಗಿ ಬಳಸಲಾಗಿತ್ತು. ಈಗಲೂ ಅನೇಕರು ಈ ಕಾರನ್ನು ಬಳಸುತ್ತಾರೆ. ಹಿಂದೂಸ್ತಾನ್ ಮೋಟಾರ್ಸ್ 1957 ರಲ್ಲಿ ಅಂಬಾಸಿಡರ್ ಕಾರನ್ನು ಬಿಡುಗಡೆ ಮಾಡಿತು. ಇದು ಬ್ರಿಟಿಷ್ ಕಾರನ್ನು ಆಧರಿಸಿದೆ. ಈ ಕಾರು 80 ರ ದಶಕದವರೆಗೂ ಜನರ ಹೃದಯವನ್ನು ಆಳಿದೆ. ಆದರೆ ಮಾರುತಿ ಸುಜುಕಿಯ ಆಗಮನದ ನಂತರ, ಅದರ ಜನಪ್ರಿಯತೆ ಕಡಿಮೆಯಾಯಿತು. ಅದರ ಉತ್ಪಾದನೆಯನ್ನು 2014 ರಲ್ಲಿ ನಿಲ್ಲಿಸಲಾಯಿತು. ಆದರೆ ಇದನ್ನು ಇನ್ನೂ 'ಹೆಮ್ಮೆಯ ಸವಾರಿ' ಎಂದು ಪರಿಗಣಿಸಲಾಗಿದೆ.
ಇದನ್ನೂ ಓದಿ: ಅಸ್ಸಾಂ ಸಿಎಂ ಪ್ರಕಾರ ತಾಯ್ತನ ಹೊಂದಲು ಸೂಕ್ತ ವಯಸ್ಸೆಷ್ಟು ಗೊತ್ತೇ?
ಅಂದಿನ ಅಂಬಾಸಿಡರ್ ಬೆಲೆ:
ಇತ್ತೀಚೆಗೆ 1972ರ ಅಂಬಾಸಿಡರ್ ಕಾರಿನ ಬೆಲೆಯ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಶೇಷವೆಂದರೆ ಈ ಚಿತ್ರವನ್ನು ಆನಂದ್ ಮಹೀಂದ್ರಾ ಪೋಸ್ಟ್ ಮಾಡಿದ್ದಾರೆ. ಇದರಲ್ಲಿ 50 ವರ್ಷಗಳ ಹಿಂದಿನ ಜನವರಿ 25, 1972ರ ಸುದ್ದಿಯನ್ನು ತೋರಿಸಲಾಗಿದೆ. ‘ಕಾರುಗಳ ಬೆಲೆ ಏರಿಕೆಯಾಗಿದೆ’ ಎಂಬುದು ಸುದ್ದಿಯ ಮುಖ್ಯಾಂಶ. ಈ ಸುದ್ದಿ ಓದಿದಾಗ ಗೊತ್ತಾಗಿದ್ದು, 1972ರಲ್ಲಿ ಅಂಬಾಸಿಡರ್ ಬೆಲೆ 127 ರೂಪಾಯಿ ಏರಿಕೆಯಾಗಿ 16,946 ರೂಪಾಯಿ ಆಗಿತ್ತು ಎಂದು. ಈ ಬೆಲೆ ಕೇಳಿ ಎಲ್ಲರೂ ಅಚ್ಚರಿಗೊಂಡಿದ್ದಾರೆ. ಸ್ವತಃ ಆನಂದ್ ಮಹೀಂದ್ರಾ ಕೂಡ ಇದೇ ಮಾತನ್ನು ಹೇಳಿದ್ದಾರೆ.
ಆನಂದ್ ಮಹೀಂದ್ರಾ ಶಾಕ್:
ಆನಂದ್ ಮಹೀಂದ್ರಾ ಟ್ವೀಟ್‌ ಮಾಡಿದ್ದು, “ಇದು ನನ್ನನ್ನು 'ಸಂಡೇ ಮೆಮೊರೀಸ್'ನಲ್ಲಿ ಮುಳುಗಿಸಿದೆ. ನಾನು ಆಗ ಜೆಜೆ ಕಾಲೇಜಿನಲ್ಲಿದ್ದೆ. ಬಸ್‌ನಲ್ಲಿ ಹೋಗುತ್ತಿದ್ದೆ, ಆದರೆ ನನ್ನ ತಾಯಿ ಕೆಲವೊಮ್ಮೆ ತನ್ನ ನೀಲಿ ಫಿಯೆಟ್ ಅನ್ನು ಓಡಿಸಲು ನನಗೆ ಅವಕಾಶ ನೀಡುತ್ತಿದ್ದಳು. ಆದರೆ ಆ ಸಮಯದಲ್ಲಿ ಅಷ್ಟು ವೆಚ್ಚವಾಗುತ್ತಿತ್ತು ಎಂದರೆ ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ" ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Goa New Rules : ಗೋವಾಗೆ ಹೋಗ್ತೀರಾ..? ಎಣ್ಣೆ ಹೊಡೆದ್ರೆ 50 ಸಾವಿರ ದಂಡ.. ಹುಷಾರ್‌..!
ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ ಸೋಶಿಯಲ್ ಮೀಡಿಯಾ ಬಳಕೆದಾರರು, "1972 ರಲ್ಲಿ ನನ್ನ ತಂದೆ 18000 ರೂ.ಗೆ ಅಂಬಾಸಿಡರ್ ಕಾರನ್ನು ಖರೀದಿಸಿದರು" ಎಂದು ಬರೆದಿದ್ದಾರೆ. ಇನ್ನೊಬ್ಬ ಬಳಕೆದಾರ, "ಇದು ದುಬಾರಿಯಾಗಿದೆ" ಎಂದು ಹೇಳಿದರು. ಅದೇ ಸಮಯದಲ್ಲಿ, ಇತರ ಬಳಕೆದಾರರು ಭಾರತದಲ್ಲಿ ರೂಪಾಯಿ ಮೌಲ್ಯದ ಕುಸಿತದ ಬಗ್ಗೆ ಕಳವಳ ವ್ಯಕ್ತಪಡಿಸಿದರು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
