ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರು ಇಂದು(ಸೆ.17) 72ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಪ್ರಧಾನಿ ಮೋದಿಗೆ ದೇಶ-ವಿದೇಶಗಳಿಂದ ಅಭಿನಂದನೆಗಳ ಮಹಾಪೂರವೇ ಹರಿದುಬರುತ್ತಿವೆ. ಕೇವಲ ರಾಜಕಾರಣಿ ಮಾತ್ರವಲ್ಲದೆ ಅವರನ್ನು ಫಿಟ್ನೆಸ್ನ ಮಾಂತ್ರಿಕ ಎಂದೇ ಹೇಳಬಹುದು. 72ರ ಹರೆಯದಲ್ಲೂ ಅವರು ಹೇಗೆ ಫಿಟ್ ಆಗಿದ್ದಾರೆ ಅನ್ನೋದು ಪ್ರತಿಯೊಬ್ಬರ ಕುತೂಹಲವಾಗಿದೆ.
ದೇಶದ ಕೆಲಸದ ಮಧ್ಯೆಯೇ ಮೋದಿಯವರು ವರ್ಕೌಟ್‌ಗಳಿಗೆ ಸಮಯ ತೆಗೆದುಕೊಳ್ಳುತ್ತಾರೆ. ನಿರಂತರ ಕೆಲಸ ಮಾಡಿದರೂ ಹಣೆಯಲ್ಲಿ ಸುಕ್ಕು ಕಾಣದಿರುವುದು ಇದೇ ಕಾರಣಕ್ಕೆ. ತನ್ನನ್ನು ತಾನು ಸದೃಢವಾಗಿ ಮತ್ತು ಆರೋಗ್ಯವಾಗಿಟ್ಟುಕೊಳ್ಳಲು ಅವರು ಪ್ರತಿದಿನ ಯೋಗ ಮತ್ತು ವ್ಯಾಯಾಮ ಮಾಡುತ್ತಾನೆ. ಪಿಎಂ ಮೋದಿ ಅನುಸರಿಸುವ ಫಿಟ್ನೆಸ್ ದಿನಚರಿ ಯಾವುದು ಮತ್ತು ಅದರಿಂದ ನೀವು ಹೇಗೆ ಸ್ಫೂರ್ತಿ ಪಡೆಯಬಹುದು ಎಂಬುದನ್ನು ಇಲ್ಲಿ ನಾವು ನಿಮಗೆ ತಿಳಿಸುತ್ತಿದ್ದೇವೆ.
ಪ್ರಧಾನಿ ಮೋದಿಯವರ ಫಿಟ್ನೆಸ್ ದಿನಚರಿ
ಯೋಗದಿಂದ ದಿನ ಪ್ರಾರಂಭ
Here are moments from my morning exercises. Apart from Yoga, I walk on a track inspired by the Panchtatvas or 5 elements of nature - Prithvi, Jal, Agni, Vayu, Aakash. This is extremely refreshing and rejuvenating. I also practice
breathing exercises. #HumFitTohIndiaFit pic.twitter.com/km3345GuV2— Narendra Modi (@narendramodi) June 13, 2018
ಪ್ರಧಾನಿ ಮೋದಿಯವರು ಯೋಗದಿಂದ ತುಂಬಾ ಪ್ರೇರಿತರಾಗಿದ್ದಾರೆ. ಜೂನ್ 21ಅನ್ನು ‘ಅಂತಾರಾಷ್ಟ್ರೀಯ ಯೋಗ ದಿನ'ವೆಂದು ಘೋಷಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ. ಅವರು ತಮ್ಮ ದಿನವನ್ನು ಯೋಗದಿಂದ ಪ್ರಾರಂಭಿಸುತ್ತಾರೆ. ಧ್ಯಾನದ ಮೂಲಕ ಅವರು ತನ್ನ ಮನಸ್ಸನ್ನು ವಿಶ್ರಾಂತಿಗೊಳಿಸಿ ಉದ್ವೇಗವನ್ನು ತೆಗೆದುಹಾಕುತ್ತಾನೆ. 2018ರಲ್ಲಿ ವಿರಾಟ್ ಕೊಹ್ಲಿ ನೀಡಿದ ಫಿಟ್ನೆಸ್ ಚಾಲೆಂಜ್ ಸ್ವೀಕರಿಸಿ ವ್ಯಾಯಾಮದ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದರು.
ಇದನ್ನೂ ಓದಿ: Cheetah For India: ಪ್ರಧಾನಿ ಹುಟ್ಟುಹಬ್ಬದಂದು ಭಾರತಕ್ಕೆ ವಿಶ್ವದ ಅತೀ ವೇಗದ ಚಿರತೆಗಳ ಆಗಮನ:70 ವರ್ಷಗಳ ಬಳಿಕ ಈ ಸೋಜಿಗ
ರಿಫ್ಲೆಕ್ಸೋಲಜಿ ಫುಟ್ ಪಾತ್
ಪಿಎಂ ಮೋದಿಯವರ ದೈನಂದಿನ ದಿನಚರಿಯು ರಿಫ್ಲೆಕ್ಸೋಲಜಿ ಫುಟ್ ಪಾತ್(Foot Reflexology) ಅನ್ನು ಒಳಗೊಂಡಿದೆ. ಇದು ಪಾದದ ವ್ಯಾಯಾಮವಾಗಿದ್ದು, ಪಾದದ ಅಡಿಭಾಗದಲ್ಲಿರುವ ಆಕ್ಯುಪ್ರೆಶರ್ ಪಾಯಿಂಟ್‌ಗಳ ಮೂಲಕ ಮಸಾಜ್ ಮಾಡಲಾಗುತ್ತದೆ. ಇದರಲ್ಲಿ ಪಾದಚಾರಿ ಮಾರ್ಗದಲ್ಲಿ ಬರಿಗಾಲಿನಲ್ಲಿ ನಡೆಯುತ್ತಾರೆ. ಹೀಗೆ ಮಾಡುವುದರಿಂದ ಎಲ್ಲಾ ರೀತಿಯ ಟೆನ್ಶನ್ ದೂರವಾಗುತ್ತದೆ.
4 ರಿಂದ 5 ಗಂಟೆಗಳ ನಿದ್ದೆ
ಪ್ರಧಾನಿ ಮೋದಿ ಸಾಮಾನ್ಯವಾಗಿ ದಿನಕ್ಕೆ 4 ರಿಂದ 5 ಗಂಟೆಗಳ ನಿದ್ದೆ ಮಾಡುತ್ತಾರೆ. 2019ರಲ್ಲಿ ನಟ ಅಕ್ಷಯ್ ಕುಮಾರ್ ಅವರೊಂದಿಗಿನ ರಾಜಕೀಯೇತರ ಸಂದರ್ಶನದಲ್ಲಿ ಅವರು ಈ ಬಗ್ಗೆ ಹೇಳಿದ್ದರು. ಅವರು ಬೆಳಿಗ್ಗೆ 5 ಗಂಟೆಗೆ ಎಚ್ಚರಗೊಳ್ಳುತ್ತಾರೆ ಮತ್ತು 9 ಗಂಟೆಗೆ ಉಪಹಾರ ಸೇವಿಸುತ್ತಾರೆ. ಆರೋಗ್ಯವಾಗಿರಲು ಬೆಳಿಗ್ಗೆ ಏಳುವುದು ಉತ್ತಮ ಆಯ್ಕೆಯಾಗಿದೆ.
ಆರೋಗ್ಯಕರ ಆಹಾರ
ಆರೋಗ್ಯವಾಗಿರಲು ಆಹಾರ ಪದ್ಧತಿ ಪ್ರಮುಖ ವಿಷಯವಾಗಿರುತ್ತದೆ. ಆರೋಗ್ಯಕರವಾಗಿರಲು ಪ್ರಧಾನಿ ಮೋದಿ ಹೆಚ್ಚಿನ ಕಾಳಜಿ ವಹಿಸುತ್ತಾರೆ. ಅವರು ಸಸ್ಯಾಹಾರಿ ಮತ್ತು ತಮ್ಮ ದೈನಂದಿನ ಆಹಾರದಲ್ಲಿ ಹಣ್ಣುಗಳು ಮತ್ತು ಹಸಿರು ತರಕಾರಿಗಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ. ಗುಜರಾತಿ ತಿನಿಸುಗಳನ್ನು ಇಷ್ಟಪಡುತ್ತಿದ್ದರೂ ಹಲವು ಸಂದರ್ಶನಗಳಲ್ಲಿ ಇದರ ಬಗ್ಗೆ ಅವರು ಪ್ರಸ್ತಾಪಿಸಿದ್ದರು. ಹೀಗೆ ಪ್ರಧಾನಿ ಮೋದಿಯವರು ಫಿಟ್ ಆಗಿರಲು ಈ ಕ್ರಮಗಳನ್ನು ಅನುಸರಿಸುತ್ತಾರೆ.
ಇದನ್ನೂ ಓದಿ: "ಭಾರತೀಯರನ್ನು ಶ್ರೀಮಂತರನ್ನಾಗಿ ಮಾಡಿ"
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
