ನವದೆಹಲಿ: ಪ್ರತಿ ಮನೆಯಲ್ಲೂ ಮೊಸರನ್ನು ಮುಖ್ಯ ಆಹಾರ ಪದಾರ್ಥವಾಗಿ ಬಳಸಲಾಗುತ್ತದೆ. ಆದರೆ ಮೊಸರಿ(Curd)ನಲ್ಲಿ ಹಲವು ಬಗೆಯ ಪೌಷ್ಟಿಕ ಅಂಶಗಳಿವೆ ಎಂದು ನಿಮಗೆ ತಿಳಿದಿದೆಯೇ, ಅದನ್ನು ತಿನ್ನುವುದರಿಂದ ದೇಹಕ್ಕೆ ಪ್ರಯೋಜನವನ್ನು ನೀಡುತ್ತದೆ. ಮೊಸರಿನಲ್ಲಿ ಕ್ಯಾಲ್ಸಿಯಂ, ಪ್ರೋಟೀನ್, ವಿಟಮಿನ್ ಗಳು ಹೆಚ್ಚಾಗಿ ಕಂಡುಬರುತ್ತದೆ. ಮೊಸರು ಹಾಲಿಗಿಂತ ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ. ಜನರು ಮೊಸರಿನಲ್ಲಿ ಸಕ್ಕರೆ ಅಥವಾ ಉಪ್ಪನ್ನು ಬೆರೆಸಿ ತಿನ್ನಲು ಇಷ್ಟಪಡುತ್ತಾರೆ. ಆದರೆ ಇದರೊಂದಿಗೆ ಇತರ ಕೆಲವು ವಸ್ತುಗಳನ್ನು ಬೆರೆಸಿ ಸೇವಿಸುವುದರಿಂದ ಅನೇಕ ಕಾಯಿಲೆಗಳಿಂದ ಪರಿಹಾರ ಸಿಗುತ್ತದೆ. ಆದ್ದರಿಂದ ಯಾವ ಸಮಸ್ಯೆಗೆ ಯಾವ ವಸ್ತುವನ್ನು ಮೊಸರಿನೊಂದಿಗೆ ಬೆರೆಸಬೇಕು (Benefits of curd) ಎಂದು ಇಂದು ನಾವು ನಿಮಗೆ ತಿಳಿಸುತ್ತೇವೆ.
ಸಕ್ಕರೆ ಮತ್ತು ಒಣ ಹಣ್ಣುಗಳು:
ಸಣ್ಣಗಿರುವ ಜನರು ಸರಿಯಾದ ತೂಕವನ್ನು ಪಡೆಯಲು ಪ್ರತಿದಿನ 1 ಬಟ್ಟಲು ಮೊಸರಿನಲ್ಲಿ ಸಕ್ಕರೆ (Sugar) ಮತ್ತು ಒಣ ಹಣ್ಣುಗಳನ್ನು ಬೆರೆಸಿ ಸೇವಿಸಬೇಕು. ಹೆಚ್ಚುತ್ತಿರುವ ತೂಕದೊಂದಿಗೆ ಆಯಾಸ ಮತ್ತು ದೌರ್ಬಲ್ಯವನ್ನು ನಿವಾರಿಸಲು ಸಹ ಇದು ಸಹಾಯ ಮಾಡುತ್ತದೆ.
ನಿಮ್ಮ ರೋಗನಿರೋಧಕ ಶಕ್ತಿ ಬಳಪಡಿಸುವ Kiwi ಹಣನ್ನು ಸೇವಿಸಿ, ಪಡೆಯಿರಿ ಹಲವು ಲಾಭ
ಸೋಂಪು:
ಯಾರಿಗೆ ನಿದ್ರೆ ಅಥವಾ ಒಳ್ಳೆಯ ನಿದ್ರೆ ಪಡೆಯಲು ತೊಂದರೆಗಳಿವೆಯೋ ಅಂತಹ ಜನರು 1 ಬಟ್ಟಲು ಮೊಸರಿನಲ್ಲಿ 1/2 ಟೀಸ್ಪೂನ್ ಸೋಂಪು ಬೆರೆಸಿ ಸೇವಿಸಬೇಕು. ಉತ್ತಮ ನಿದ್ರೆ ಪಡೆಯುವುದರ ಜೊತೆಗೆ, ಇದು ಗ್ಯಾಸ್ಟ್ರಿಕ್ ಮತ್ತು ಎದೆಉರಿ ಸಮಸ್ಯೆಗಳಿಂದಲೂ ಪರಿಹಾರವನ್ನು ನೀಡುತ್ತದೆ.
ಹುರಿದ ಜೀರಿಗೆ ಮತ್ತು ಕಪ್ಪು ಉಪ್ಪು:
ನಿಮಗೆ ಜೀರ್ಣಕಾರಿ ಸಮಸ್ಯೆಗಳಿದ್ದರೆ ನೀವು ಮೊಸರಿನ ಬಟ್ಟಲಿನಲ್ಲಿ ಕಪ್ಪು ಉಪ್ಪು ಮತ್ತು 2-3 ಪಿಂಚ್ ಹುರಿದ ಜೀರಿಗೆ ಬೆರೆಸಿ ಸೇವಿಸಬೇಕು. ಇದು ಹಸಿವನ್ನು ಹೆಚ್ಚಿಸಲು ಮತ್ತು ಜೀರ್ಣಕ್ರಿಯೆಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.
ಥೈರಾಯ್ಡ್‌ ರೋಗಿಗಳಿಗೆ ಹೆಚ್ಚು ಹಾನಿ ಉಂಟುಮಾಡುವ ಆಹಾರ ಪದಾರ್ಥಗಳಿವು!
ಬಾಳೆಹಣ್ಣು :
ಬಾಳೆಹಣ್ಣಿನಲ್ಲಿ ವಿಟಮಿನ್, ಕ್ಯಾಲ್ಸಿಯಂ, ಕಬ್ಬಿಣ ಇತ್ಯಾದಿಗಳಲ್ಲಿ ಅನೇಕ ಪೋಷಕಾಂಶಗಳು ಕಂಡುಬರುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ ನಿಮಗೆ ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳಿದ್ದರೆ ಮೊಸರಿನೊಂದಿಗೆ ಬೆರೆಸಿ ತಿನ್ನುವುದು ಪರಿಹಾರ ನೀಡುತ್ತದೆ. ಅಲ್ಲದೆ ಹೀಗೆ ಮಾಡುವುದರಿಂದ ರಕ್ತದೊತ್ತಡವೂ ನಿಯಂತ್ರಣದಲ್ಲಿರುತ್ತದೆ.
ಇವೆಲ್ಲದರ ಜೊತೆಗೆ ಮೊಸರು ತಿನ್ನುವುದು ತುಂಬಾ ಪ್ರಯೋಜನಕಾರಿ. ಇದು ಹೊಟ್ಟೆಯನ್ನು ಸರಿಯಾಗಿ ಇಟ್ಟುಕೊಂಡು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಕಾರಿಯಾಗುತ್ತದೆ.
(ಗಮನಿಸಿ: ಅತಿಯಾದರೆ ಯಾವುದೂ ದೇಹಕ್ಕೆ ಒಳ್ಳೆಯದಲ್ಲ. ಯಾವುದೇ ಕ್ರಮಗಳನ್ನು ತೆಗೆದುಕೊಳ್ಳುವ ಮೊದಲು ವೈದ್ಯರು ಸಂಪರ್ಕಿಸುವುದು ಉತ್ತಮ)
