ನವದೆಹಲಿ: ಬಾಲಿವುಡ್ ನಲ್ಲಿ ದೇಶ ಪ್ರೇಮದ ಸಿನಿಮಾಗಳನ್ನು ನಿರ್ಮಿಸುವಲ್ಲಿ ಹೆಸರುವಾಸಿಯಾಗಿರುವ ನಟ ಜಾನ್ ಅಬ್ರಾಹಂ ಮುಂಬೈನಲ್ಲಿ ನಡೆದ 'ದಿ ಗಾಡ್ ಹೂ ಲವ್ಡ್ ಮೋಟರ್ ಬೈಕ್ಸ್' ಪುಸ್ತಕದ ಬಿಡುಗಡೆ ಸಮಾರಂಭದಲ್ಲಿ ಕೇರಳವೇಕೆ ಇನ್ನೂ ಮೋದಿ ಮಯವಾಗಿಲ್ಲ ಎನ್ನುವ ಪ್ರಶ್ನೆಗೆ ಉತ್ತರಿಸುವ ಮೂಲಕ ಎಲ್ಲರನ್ನು ಹುಬ್ಬೇರಿಸುವಂತೆ ಮಾಡಿದ್ದಾರೆ.
ಜಾನ್ ಅಬ್ರಹಾಂ ಅವರು ಕೇರಳ ಇನ್ನೂ 'ಮೋದಿ-ಫೈಡ್' ಆಗಿಲ್ಲ ಎನ್ನುವುದಕ್ಕೆ ಉತ್ತರಿಸುತ್ತಾ ' ಅದು ಕೇರಳದ ಸೌಂದರ್ಯ. ನೀವು ಯಾವುದೇ ಸಮಸ್ಯೆಯಿಲ್ಲದೆ ಶಾಂತಿಯುತವಾಗಿ ಸಹಬಾಳ್ವೆಹೊಂದಿರುವ ಚರ್ಚ ಮಸೀದಿ ದೇವಾಲಯವನ್ನು 10 ಕೀ ಮಿ ಒಳಗೆ ನೋಡಬಹುದು. ಇಲ್ಲಿ ಯಾವುದೇ ಸಮಸ್ಯೆ ಇಲ್ಲ. ಇಡೀ ಜಗತ್ತು ಬಹಳ ಧ್ರುವೀಕರಣಗೊಳ್ಳುವುದರೊಂದಿಗೆ, ಧರ್ಮಗಳು ಮತ್ತು ಸಮುದಾಯಗಳು ಶಾಂತಿಯುತವಾಗಿ ಸಹಬಾಳ್ವೆ ನಡೆಸುವ ಸ್ಥಳಕ್ಕೆ ಕೇರಳ ಒಂದು ಉದಾಹರಣೆಯಾಗಿದೆ' ಎಂದು ತಿಳಿಸಿದರು.
ಇದೇ ವೇಳೆ ಅವರು ಕೇರಳಾ ರಾಜ್ಯವನ್ನು ಕಮುನಿಸ್ಟ್ ರಾಜ್ಯ ಎಂದು ಒಪ್ಪಿಕೊಂಡ ಜಾನ್ ಅಬ್ರಾಹಂ, 'ಫಿಡೆಲ್ ಕ್ಯಾಸ್ಟ್ರೊ ನಿಧನರಾದಾಗ ನನಗೆ ನೆನಪಿದೆ, ನಾನು ಕೇರಳಕ್ಕೆ ಹೋಗಿದ್ದೆ ಮತ್ತು ಅವರ ಸಾವಿನ ಬಗ್ಗೆ ಸಂತಾಪ ಸೂಚಿಸಲು ಅವರ ಪೋಸ್ಟರ್‌ಗಳು ಮತ್ತು ಹೋರ್ಡಿಂಗ್‌ಗಳನ್ನು ಹೊಂದಿರುವ ಏಕೈಕ ರಾಜ್ಯ ಅದು. ಆದ್ದರಿಂದ ಕೇರಳ ನಿಜವಾಗಿಯೂ ಆ ರೀತಿಯಲ್ಲಿ ಕಮ್ಯುನಿಸ್ಟ್ ಆಗಿದೆ. ನನ್ನ ತಂದೆ ನಾನು ಬಹಳಷ್ಟು ಮಾರ್ಕ್ಸ್‌ವಾದಿ ವಿಚಾರಗಳನ್ನು ಓದಿದ್ದೇನೆ. ಆದ್ದರಿಂದ ಬಹಳಷ್ಟು 'ಮಲ್ಲು'ಗಳಲ್ಲಿ (ಮಲಯಾಳಿಗಳು) ಕಮ್ಯುನಿಸ್ಟ್ ಪಕ್ಷವಿದೆ. ನಾವೆಲ್ಲರೂ ಸಮಾನ ಜೀವನ, ಸಂಪತ್ತಿನ ಸಮಾನ ಹಂಚಿಕೆ ಮತ್ತು ಕೇರಳವನ್ನು ನಂಬುತ್ತೇವೆ' ಎಂದು ಹೇಳಿದರು.
