Varisu Thunivu Box Office Collections : ಸೌಥ್‌ ಸೂಪರ್‌ ಸ್ಟಾರ್ ಅಜಿತ್ ಮತ್ತು ದಳಪತಿ ವಿಜಯ್ ಅವರ ಬಹುನಿರೀಕ್ಷಿತ ಚಿತ್ರಗಳಾದ ತುನಿವು ಮತ್ತು ವಾರಿಸು ಒಂದು ದಿನದ ಹಿಂದೆ ಚಿತ್ರಮಂದಿರಗಳಲ್ಲಿ ತೆರೆಕಂಡಿವೆ. ಇಬ್ಬರು ನಟ ಸಿನಿಮಾಗಳಿಗೆ ಪ್ರೇಕ್ಷಕ ಫಿದಾ ಆಗಿದ್ದಾನೆ. ಈಗಾಗಲೇ ಭಾರತೀಯ ಸಿನಿ ಮಾರುಕಟ್ಟೆಯಲ್ಲಿ ಈ ಎರಡು ಸಿನಿಮಾಗಳು ʼಬ್ಲಾಕ್‌ಬಸ್ಟರ್ʼ ಎನ್ನುವ ಟೈಟಲ್‌ ಪಡೆದುಕೊಂಡಿವೆ. ಹಾಗಾದ್ರೆ, ತುನಿವು ಮತ್ತು ವಾರಿಸು ಚಿತ್ರದ ಒಂದು ದಿನದ ಬಾಕ್ಸ್ ಆಫೀಸ್ ಕಲೇಕ್ಷನ್‌ ಎಷ್ಟು ಗೊತ್ತಾ..? ಈ ವರದಿ ಓದಿ..
ವಾರಿಸು ಡೇ 1 ಬಾಕ್ಸ್ ಆಫೀಸ್ ಕಲೆಕ್ಷನ್ಸ್ : ಅಂದಾಜಿನ ಪ್ರಕಾರ ಮತ್ತು ಟೈಮ್ಸ್ ಆಫ್ ಇಂಡಿಯಾದ ವರದಿಯ ಅನುಗುಣವಾಗಿ, ವಿಜಯ್ ಅವರ ʼವಾರಿಸುʼ ಚಿತ್ರ ತಮಿಳುನಾಡಿನಲ್ಲಿ ಸುಮಾರು 17 ಕೋಟಿ ರೂ. ಹಾಗೂ ಇಂಡಿಯನ್ ಸಿನಿ ಬಾಕ್ಸ್ ಆಫೀಸ್‌ನಲ್ಲಿ ರೂ. 26.5 ಕೋಟಿ ಗಳಿಸಿದೆ ಎಂದು ವರದಿಯಾಗಿದೆ. ಫ್ಯಾಮಿಲಿ ಎಂಟರ್‌ಟೈನರ್ ಸಿನಿಮಾ ಮೊದಲ ದಿನವೇ ವಿಶ್ವದಾದ್ಯಂತ 35 ಕೋಟಿ ರೂ.ಗಳನ್ನು ಬಾಚಿಕೊಂಡಿದೆ. ಭರ್ಜರಿ ಪ್ರದರ್ಶನ ಕಾಣುತ್ತಿದೆ.
#Varisu debuts at No.1 in Kerala on Day 1..
A Traditional stronghold for #ThalapathyVijay pic.twitter.com/6aIuC1drII
— Ramesh Bala (@rameshlaus) January 12, 2023
ವಾರಿಸು ಸಿನಿಮಾವನ್ನು ವಂಶಿ ಪೈಡಿಪಲ್ಲಿ ನಿರ್ದೇಶಿಸಿದ್ದಾರೆ. ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಮತ್ತು ಪಿವಿಪಿ ಸಿನಿಮಾ ಬ್ಯಾನರ್‌ ಅಡಿಯಲ್ಲಿ ದಿಲ್ ರಾಜು ಮತ್ತು ಸಿರಿಶ್ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಾಣಮಾಡಿದ್ದಾರೆ. ಈ ಚಿತ್ರದಲ್ಲಿ ವಿಜಯ್ ಮತ್ತು ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ.
ತುನಿವು ಡೇ 1 ಬಾಕ್ಸ್ ಆಫೀಸ್ ಕಲೆಕ್ಷನ್ಸ್ : ಇಂಡಿಯನ್ ಎಕ್ಸ್‌ಪ್ರೆಸ್‌ನ ವರದಿಯ ಪ್ರಕಾರ ಸೂಪರ್‌ಸ್ಟಾರ್ ಅಜಿತ್ ಅವರ ತುನಿವು ಮೊದಲ ದಿನದಲ್ಲಿ ಭಾರತದಲ್ಲಿ ರೂ. 26 ಕೋಟಿ ಗಳಿಸಿದೆ ಎಂದು ವರದಿಯಾಗಿದೆ. ಇದು ದೇಶೀಯ ಮಾರುಕಟ್ಟೆಯಲ್ಲಿ ವಾರಿಸು ಸಿನಿಮಾಗೆ ನೆಕ್ ಟು ನೆಕ್ ಪೈಪೋಟಿ ನೀಡಿದೆ. ತವರು ನೆಲ ತಮಿಳುನಾಡಿನಲ್ಲಿ ಬೆಳಗಿನ ಪ್ರದರ್ಶನಗಳಲ್ಲಿ ಅಜಿತ್ ಅಭಿನಯದ ಚಿತ್ರವು ಶೇಕಡಾ 95 ಕ್ಕಿಂತ ಹೆಚ್ಚು ಆಕ್ಯುಪೆನ್ಸಿಯನ್ನು ಹೊಂದಿತ್ತು ಎಂದು ಹಲವು ಮಾಧ್ಯಮ ವರದಿ ಮಾಡಿವೆ.
#Thunivu debuts at No.1 at the TN Box office on Day 1..
Once again, proving Actor #AjithKumar is the King of Opening.. 🔥 pic.twitter.com/M7hTx5QXNZ
— Ramesh Bala (@rameshlaus) January 12, 2023
ತುನಿವು ತಮಿಳಿನ ಆಕ್ಷನ್ ಚಿತ್ರವಾಗಿದ್ದು, ಇದನ್ನು ಹೆಚ್ ವಿನೋತ್ ನಿರ್ದೇಶಿಸಿದ್ದಾರೆ. ಬೋನಿ ಕಪೂರ್ ಈ ಸಿನಿಮಾವನ್ನು ನಿರ್ಮಿಸಿದ್ದಾರೆ. ಇದರಲ್ಲಿ ಅಜಿತ್ ಕುಮಾರ್, ಮಂಜು ವಾರಿಯರ್, ಸಮುದ್ರಕನಿ ಮತ್ತು ಪಾವನಿ ರೆಡ್ಡಿ ಜೊತೆಗೆ ಜಾನ್ ಕೊಕ್ಕೆನ್, ಮಮತಿ ಚಾರಿ, ವೀರ ಮತ್ತು ಬಗವತಿ ಪೆರುಮಾಳ್ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರಕ್ಕೆ ಮೊದಲು ಎಕೆ 61 ಎಂದು ಹೆಸರಿಸಲಾಗಿತ್ತು. ಇದು ಅಜಿತ್ ಅವರ 61ನೇ ಚಿತ್ರವಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
