ಪಾಪರಾಜಿಗಳ ಮೇಲೆ ಕೋಪಗೊಂಡು ಕೂಗಾಡಿದ ನಟಿ ತಾಪ್ಸಿ ಪನ್ನು, ವಿಡಿಯೋ ವೈರಲ್​

ಮುಂಬೈ : ತಾಪ್ಸಿ ಪನ್ನು ಮುಂಬೈನ ಮಿಥಿಬಾಯಿ ಕಾಲೇಜಿನಲ್ಲಿ ತಮ್ಮ ಮುಂಬರುವ ಚಲನಚಿತ್ರ ದೋಬಾರಾ ಪ್ರಚಾರ ಕಾರ್ಯಕ್ರಮಕ್ಕೆ ತಡವಾಗಿ ಬಂದ ನಂತರ ಪಾಪರಾಜಿಗಳೊಂದಿಗೆ ತೀವ್ರ ವಾಗ್ವಾದಕ್ಕಿಳಿದರು. ಭರವಸೆ ನೀಡಿದಂತೆ ಚಿತ್ರಗಳನ್ನು ನೀಡುತ್ತಿಲ್ಲ ಎಂದು ಛಾಯಾಗ್ರಾಹಕರು ದೂರಿದಾಗ ನಟಿ ವಾಗ್ವಾದಕ್ಕೆ ಇಳಿದರು. ತಾಪ್ಸಿ ಸ್ಥಳಕ್ಕೆ ಬಂದ ತಕ್ಷಣ, ಅವರ ತಂಡವು ತಕ್ಷಣವೇ ಒಳಗೆ ಹೋದರು, ಆದರೆ ಛಾಯಾಗ್ರಾಹಕರು ತಾಪ್ಸಿ ಪನ್ನು ಅವರನ್ನು ಫೋಟೋಗೆ ಪೋಸ್‌ ನೀಡುವಂತೆ ಕೇಳಿಕೊಳ್ಳುತ್ತಲೇ ಇದ್ದರು. ತಾಪ್ಸಿಗಾಗಿ ಒಂದೆರಡು ಗಂಟೆಗಳಿಂದ ಕಾಯುತ್ತಿದ್ದ ಪಾಪರಾಜಿಗಳು ಅವರು ತಡವಾಗಿ ಬಂದಿದ್ದಾರೆಂದು ಹೇಳಿದರು. ತಾಪ್ಸಿ ಅವರು ತನಗೆ ಸೂಚಿಸಿದ್ದನ್ನು ಅನುಸರಿಸಿದ್ದೇನೆ ಎಂದು ಹೇಳುವ ಮೂಲಕ ಸ್ಪಷ್ಟನೆ ನೀಡಲು ಪ್ರಯತ್ನಿಸಿದರು. ಆದರೆ ಛಾಯಾಗ್ರಾಹಕರೊಬ್ಬರ ಮೇಲೆ ತಕ್ಷಣ ರೇಗಾಡಲು ಆರಂಭಿಸಿದರು. ಬಳಿಕ ತನ್ನ ಜೊತೆ ಗೌರವಯುತವಾಗಿ ಮಾತನಾಡುವಂತೆ ತಾಪ್ಸಿ ಹೇಳಿದರು. 

ಇದನ್ನೂ ಓದಿ: Sonu Gowda: ಮೊದಲ ವಾರವೇ ಬಿಗ್​ ಬಾಸ್​ ಮನೆಯಿಂದ ಹೊರ ನಡೀತಾರಾ ಸೋನು ಗೌಡ?

"ದಯವಿಟ್ಟು ನನ್ನೊಂದಿಗೆ ಗೌರವಯುತವಾಗಿ ಮಾತನಾಡಿ. ನಾನು ನನ್ನ ಕೆಲಸವನ್ನು ಮಾಡುತ್ತಿದ್ದೇನೆ. ನಾನು ಪ್ರತಿ ಸ್ಥಳಕ್ಕೆ ನಾನು ಸಮಯಕ್ಕೆ ಬಂದಿದ್ದೇನೆ. ನಾನು ನಿಮ್ಮೊಂದಿಗೆ ಗೌರವಯುತವಾಗಿ ಮಾತನಾಡುತ್ತೇನೆ, ನೀವು ಹಾಗೆಯೇ ಗೌರವ ನೀಡಿ”ಎಂದು ತಾಪ್ಸಿ ಹೇಳಿದ್ದು, ಈ ವಿಡಿಯೋ ವೈರಲ್ ಆಗಿದೆ. ತನ್ನ ತಂಡವು ಪರಿಸ್ಥಿತಿಯನ್ನು ಶಾಂತಗೊಳಿಸಲು ಪ್ರಯತ್ನಿಸುತ್ತಿದ್ದಂತೆ, ತಾಪ್ಸಿ ಪಾಪರಾಜಿಗಳಿಗೆ, "ಕ್ಯಾಮೆರಾ ನನ್ನ ಮೇಲಿದೆ, ಆದ್ದರಿಂದ ನನ್ನ ಕಡೆ ಮಾತ್ರ ನೋಡಬಹುದು. ಅದು ನಿಮ್ಮ ಮೇಲೆ ಒಮ್ಮೆ ಇದ್ದರೆ, ನೀವು ನನ್ನೊಂದಿಗೆ ಹೇಗೆ ಮಾತನಾಡುತ್ತಿದ್ದೀರಿ ಎಂದು ನಿಮಗೆ ಅರ್ಥವಾಗುತ್ತಿತ್ತು" ಎಂದರು. 

ವಿಡಿಯೋವನ್ನು ಇಲ್ಲಿ ವೀಕ್ಷಿಸಿ:

 

 

 

 

View this post on Instagram

 

 

 

 

 

 

 

 

 

 

 

A post shared by Saroj_Mahara (@saroj_maharaa)

ದೋಬಾರಾ ಸಿನಿಮಾ ತಾಪ್ಸಿ ಅವರ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದಾಗಿದೆ. ದ್ವಿಪಾತ್ರದ ವ್ಯಕ್ತಿತ್ವವನ್ನು ಈ ಸಿನಿಮಾದಲ್ಲಿ ತೋರಿಸಲಾಗಿದೆ. ವಿಭಿನ್ನ ನೋಟಗಳಲ್ಲಿ ಅವಳ ಹಿಂದಿನ ಮತ್ತು ವರ್ತಮಾನದ ಭ್ರಮೆಗಳನ್ನು ಚಿತ್ರ ಸೆರೆಹಿಡಿಯುತ್ತದೆ. ಈ ಸಿನಿಮಾ ಆಗಸ್ಟ್ 19 ರಂದು ಬಿಡುಗಡೆಯಾಗಲಿದೆ. 

ಇದನ್ನೂ ಓದಿ: ಕುಡಿದ ಅಮಲಿನಲ್ಲಿ ರಿಯಾಲಿಟಿ ಶೋ ಖ್ಯಾತಿಯ ಸುನಾಮಿ ಕಿಟ್ಟಿ ಗಲಾಟೆ, ದೂರು ದಾಖಲು

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.