ಬೆಂಗಳೂರು: ಈಗ ಎಲ್ಲೆಡೆ ಮದುವೆಯದ್ದೆ ಸಂಭ್ರಮ, ಇದಕ್ಕೆ ಸ್ಯಾಂಡಲ್ ವುಡ್ ಕೂಡ ಹೊರತಾಗಿಲ್ಲ, ಇದಕ್ಕೆ ಪೂರಕ ಎನ್ನುವಂತೆ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಟಿ ಅಧಿತಿ ಪ್ರಭುದೇವ ಉದ್ಯಮಿ ಯಶಸ್ವಿ ಪಟ್ಲ ಜೊತೆ ಸಪ್ತಪದಿ ತುಳಿದಿರುವುದನ್ನ್ನು ನಾವು ನೋಡಬಹುದು.ಇದಷ್ಟೇ ಅಲ್ಲದೆ ಈಗ ಅಂಬರೀಶ್ ಪುತ್ರ ಅಭಿಷೇಕ್ ಕೂಡ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ ಎನ್ನುವ ಮಾತುಗಳು ಗಾಂಧಿನಗರದಲ್ಲೆಡೆ ಕೇಳಿ ಬರುತ್ತಿವೆ.
ಇದಕ್ಕೆ ಈಗ ಇನ್ನೊಂದು ಸೇರ್ಪಡೆಯಾಗಿ ವಶಿಷ್ಟ ಸಿಂಹ ಮತ್ತು ನಟಿ ಹರಿಪ್ರಿಯಾರ ಮದುವೆ ಕೂಡ ಫಿಕ್ಸ್ ಆಗಿರುವುದಕ್ಕೆ ಈಗ ಹರಿಪ್ರಿಯ ಮಾಡಿರುವ ಪೋಸ್ಟ್ ಇದನ್ನು ಖಚಿತಪಡಿಸಿದೆ.
ಇದನ್ನೂ ಓದಿ : Vedha New Teaser : ನಾಳೆ ರಾಯಚೂರಿನಲ್ಲಿ ವೇದನ ಅಬ್ಬರ! ಚಿತ್ರ ಪ್ರಚಾರಕ್ಕೆ ನ್ಯೂ ಐಡಿಯಾ?
ಹೌದು, ನಾವು ಇತ್ತೀಚಿಗಷ್ಟೇ ಈ ಇಬ್ಬರು ನಟ ನಟಿಯರು ಕೈಕೈ ಹಿಡಿದು ವಿಮಾನ ನಿಲ್ದಾಣದಲ್ಲಿ ಸಾಗುತ್ತಿರುವ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದ್ದಂತೆ, ಇದೇನೋ ವದಂತಿ ಇರಬೇಕೆಂದು ಎಲ್ಲರೂ ಭಾವಿಸಿದ್ದರು. ಆದರೆ ಈಗ ನಟಿ ಈ ಕುರಿತಾಗಿ ಪೋಸ್ಟ್ ಮಾಡುವ ಮೂಲಕ ಎಲ್ಲ ವದಂತಿಗಳನ್ನು ನಿಜ ಮಾಡಿದ್ದಾರೆ.
ಚಿನ್ನ ನಿನ್ನ ತೋಳಿನಲ್ಲಿ ಕಂದ ನಾನು..!!❤️ pic.twitter.com/Q9SIzlqMEn
— HariPrriya (@HariPrriya6) December 2, 2022
ಸಿಂಹದ ಮಡಿಲಲ್ಲಿ ಕಂದನು ಮಲಗಿರುವ ಚಿತ್ರವನ್ನು ಪೋಸ್ಟ್ ಮಾಡಿರುವ ನಟಿ ಹರಿಪ್ರಿಯಾ” ಚಿನ್ನ ನಿನ್ನ ತೋಳಿನಲ್ಲಿ ಕಂದಾ ನಾನು ಎಂದು ಅವರು ಬರೆದುಕೊಂಡಿದ್ದಾರೆ.ಈಗ ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ಇಬ್ಬರು ಜೋಡಿಗಳಿಗೆ ಅಭಿಮಾನಿಗಳು ಶುಭಹಾರೈಸಿದ್ದಾರೆ.
ಅಭಿಮಾನಿಯೊಬ್ಬ ಈಗ ಈ ಇಬ್ಬರು ಜೋಡಿಗಳಿಗೆ ವಿನೂತನವಾಗಿ ಶುಭಕೋರಿದ್ದಾನೆ ““ಲಕ್ಷ್ಮೀ ನರಸಿಂಹ ನಮ್ಮ ಮನೆದೇವರು. ನರಸಿಂಹ ಅಂದ್ರೇ ವಿಷ್ಣು, ವಿಷ್ಣು ಅಂದ್ರೇ ಹರಿ, ಹರಿಪ್ರಿಯಾ ಅಂದ್ರೇ ವಿಷ್ಣು ಪ್ರಿಯ . ಹರಿಪ್ರಿಯ ಸಿಂಹನಿಗೆ ದೊರಕಿರುವುದು ಎಂದರೆ ಹರಿಗೆ ಪ್ರಿಯಾ ದೊರಕಿದಂತೆ. ಹರಿಪ್ರಿಯಾ ಹರಿಗೆ ಸಿಕ್ಕಿರೋದು ನಿಮ್ಮ ಪುಣ್ಯ ಮೆಡಂ. ನಿಮ್ಮಿಬ್ಬರ ಬದುಕು ಸುಖಮಯವಾಗಿರಲಿ. ಇಂತಿ ನಿಮ್ಮ ಅಭಿಮಾನಿ” ಎಂದು ಹಾರೈಸಿದ್ದಾರೆ.
ಇದನ್ನೂ ಓದಿ : Niveditha Gowda : ನಿವೇದಿತಾ ಗೌಡ ಹಾಟ್‌ ವಿಡಿಯೋ ವೈರಲ್! ನೆಗೆಟಿವ್‌ ಕಾಮೆಂಟ್ಸ್‌ಗೆ ನಿವ್ವಿ ಖಡಕ್‌ ಆನ್ಸರ್‌
ಇತ್ತೀಚೆಗೆ ಸ್ಯಾಂಡಲ್‌ವುಡ್‌ನ ಜೋಡಿ ಮದುವೆಯಾಗುತ್ತಾರೆ ಎನ್ನುವ ವಿಚಾರ ವ್ಯಾಪಕವಾಗಿ ಹರಡಿತ್ತು,ಅದರಲ್ಲೂ ಈ ಜೋಡಿ ದುಬೈ ಪ್ರವಾಸಕ್ಕೂ ಕೂಡ ತೆರಳಿದ್ದರು, ಇದನ್ನು ಮುಗಿಸಿಕೊಂಡು ಬರುವ ಸಂದರ್ಭದಲ್ಲಿ ಅವರ ಫೋಟೋಗಳು ವೈರಲ್ ಆಗಿದ್ದವು. ಈ ಸುದ್ದಿ ಬರಿ ರೂಮರ್ ಎನ್ನುವಷ್ಟರಲ್ಲಿ ಈಗ ನಟಿ ಹರಿಪ್ರಿಯಾ ಪೋಸ್ಟ್ ಮಾಡುವ ಮೂಲಕ ತಮ್ಮ ಮದುವೆಯನ್ನು ಈಗ ಖಚಿತಪಡಿಸಿದ್ದಾರೆ.
