ಪ್ರೇಮ್‌ ನಿರ್ದೇಶನದ ದರ್ಶನ್‌ ಮುಂದಿನ ಚಿತ್ರದಲ್ಲಿ ಸಂಜಯ್‌ ದತ್‌ ವಿಲನ್!‌

ಬೆಂಗಳೂರು: ʼಕಾಟೇರʼ ಸಿನಿಮಾದ ಯಶಸ್ಸಿನಲ್ಲಿ ತೇಲಾಡುತ್ತಿರುವ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಗುರುವಾರ ಬಾಲಿವುಡ್‌ ಹಿರಿಯ ನಟ ಸಂಜಯ್‌ ದತ್‌ರನ್ನು ಭೇಟಿಯಾಗಿದ್ದಾರೆ. ಇಬ್ಬರೂ ನಟರು ಭೇಟಿಯಾಗಿರುವುದು ತೀವ್ರ ಕುತೂಹಲ ಮೂಡಿಸಿದೆ. ಸಂಜಯ್‌ ದತ್‌ ಮತ್ತು ದರ್ಶನ್‌ ಭೇಟಿಯ ಫೋಟೋಗಳನ್ನು ಕೆವಿಎನ್‌ ಪ್ರೊಡಕ್ಷನ್‌ ಹೌಸ್‌ ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದೆ. 

ಈ ಫೋಟೋದಲ್ಲಿ ಸಂಜಯ್‌ ದತ್‌, ದರ್ಶನ್‌, ಸ್ಟಾರ್‌ ಡೈರೆಕ್ಟರ್‌ ಜೋಗಿ ಪ್ರೇಮ್‌, ನಟಿ ರಕ್ಷಿತಾ ಮತ್ತು ಕೆವಿಎನ್‌ ಸಂಸ್ಥೆಯ ಕೆ.ವೆಂಕಟ್‌ ನಾರಾಯಣ್‌ ಕಾಣಿಸಿಕೊಂಡಿದ್ದಾರೆ. ʼA special meeting & a special momentʼ ಎಂದು ಕ್ಯಾಪ್ಶನ್‌ ನೀಡಲಾಗಿದೆ. ಹೀಗಾಗಿ ಸಿನಿಮಾ ವಿಚಾರವಾಗಿಯೇ ಸ್ಟಾರ್‌ ನಟರು ಭೇಟಿಯಾಗಿದ್ದಾರೆ ಎನ್ನಲಾಗುತ್ತಿದೆ. 

A special meeting & a special moment! 🌟
@duttsanjay @dasadarshan @directorprems @KvnProductions @SUPRITH_87 pic.twitter.com/mzGgmUzPVk

— KVN Productions (@KvnProductions) February 7, 2024

ಇದನ್ನೂ ಓದಿ: ಮತ್ಸ್ಯಗಂಧದ ಕಡಲ ಒಡಲ ಮೇಲೆ ಹಾಡು ರಿಲೀಸ್ : ಕರಾವಳಿ ಸೊಗಡು ಸಾರುವ ಬಹುನೀರಿಕ್ಷಿತ ಚಿತ್ರ 23ಕ್ಕೆ ಬಿಡುಗಡೆ

ವರದಿಗಳ ಪ್ರಕಾರ, ಜೋಗಿ ಪ್ರೇಮ್‌ ನಿರ್ದೇಶನದ ನಟ ದರ್ಶನ್‌ ಮುಂದಿನ ಚಿತ್ರಕ್ಕೆ ಸಂಜಯ್‌ ದತ್‌ ಅವರು ವಿಲನ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಹೀಗಾಗಿಯೇ ಈ ಬೇಟಿ ನಡೆದಿದೆ ಎಂದು ಹೇಳಲಾಗಿದೆ.  ದರ್ಶನ್‌ ಅವರ ಮುಂದಿನ ಚಿತ್ರಕ್ಕೆ ಕೆವಿಎನ್‌ ನಿರ್ಮಾಣ ಸಂಸ್ಥೆ ಬಂಡವಾಳ ಹೂಡಲಿದ್ದು, ಖಳನಾಯಕನಾಗಿ ಸಂಜಯ್‌ ದತ್‌ ಕಾಣಿಸಕೊಳ್ಳಲಿದ್ದಾರೆಂದು ವರದಿಯಾಗಿದೆ.

ಬಹುವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ  ʼKDʼ ಸಿನಿಮಾದ ಬಳಿಕ ಕೆವಿಎನ್‌ ಸಂಸ್ಥೆಯ ಜೊತೆಗೆ ಪ್ರೇಮ್‌ ಕೈಜೋಡಿಸಿದ್ದಾರೆ. ʼKDʼ ಚಿತ್ರದಲ್ಲಿ ಆಕ್ಷನ್‌ ಫ್ರೀನ್ಸ್‌ ಖ್ಯಾತಿಯ ಧ್ರುವ ಸರ್ಜಾ ನಟಿಸಿದ್ದಾರೆ.  ಬ್ಲಾಕ್‌ ಬಸ್ಟರ್‌ ಸೂಪರ್‌ ಹಿಟ್‌ ಸಿನಿಮಾಗಳಾದ ಮೆಜೆಸ್ಟಿಕ್‌, ಕರಿಯ ನೀಡಿರುವ ದರ್ಶನ್‌ ಮತ್ತು ಪ್ರೇಮ್‌ ಜೋಡಿಯ ಮುಂದಿನ ಚಿತ್ರದ ಬಗ್ಗೆ ಕೋಟ್ಯಂತರ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಮೂಡಿದೆ. ಶೀಘ್ರವೇ ಈ ಬಗ್ಗೆ ಕೆವಿಎನ್‌ ಸಂಸ್ಥೆ ಅಧಿಕೃತ ಮಾಹಿತಿ ನೀಡುವ ಸಾಧ್ಯತೆ ಇದೆ. 

ಇದನ್ನೂ ಓದಿ: ಶಭ್ಬಾಷ್‍ ಮೊದಲ ಹಂತದ ಚಿತ್ರೀಕರಣ ಮುಕ್ತಾಯ!  

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.