Bigg Boss Kannada house : ಬಿಗ್ ಬಾಸ್ ಕನ್ನಡ ಹೊಸ ಸೀಸನ್‌ನೊಂದಿಗೆ ಮತ್ತೆ ಮರಳಲು ಸಿದ್ಧವಾಗಿದೆ. ರಿಯಾಲಿಟಿ ಶೋನ ಹತ್ತನೇ ಸೀಸನ್ ಪ್ರಾರಂಭಕ್ಕೆ ಸಜ್ಜಾಗುತ್ತಿದೆ. ಶೀಘ್ರದಲ್ಲೇ ಆರಂಭವಾಗುವ ನಿರೀಕ್ಷೆಯಿದೆ. ಕಿಚ್ಚ ಸುದೀಪ್ ಹುಟ್ಟು ಹಬ್ಬದ ದಿನ ಕಲರ್ಸ್‌ ಕನ್ನಡ ವಾಹಿನಿ ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಮೊದಲ ಪ್ರೋಮೋವನ್ನು ಬಿಡುಗಡೆ ಮಾಡಿತು. ಪ್ರೋಮೋದಲ್ಲಿ ಹೋಸ್ಟ್ ಕಿಚ್ಚ ಸುದೀಪ್ ಕಾಣಿಸಿಕೊಂಡಿಲ್ಲವಾದರೂ, ಪ್ರಮುಖ ಹೈಲೈಟ್ ಎಂದರೆ ಬಿಗ್ ಬಾಸ್ ಧ್ವನಿ.
"ನಮಸ್ತೆ ಕರ್ನಾಟಕ! ನೀವೆಲ್ಲರೂ ಹೇಗಿದ್ದೀರಿ? ನೀವು ನನ್ನನ್ನು ಕಳೆದುಕೊಂಡಿದ್ದೀರಾ? ಈ ಬಾರಿ ದೃಷ್ಟಿ ಬಲವಾಗಿದೆ. ಆಟವು ಪ್ರಾರಂಭವಾಗಲಿದೆ. ಆದರೆ ಈ ಬಾರಿ, ಏನೋ ವಿಶೇಷ." ಎಂದು ಪ್ರೋಮೋದಲ್ಲಿ ಹೇಳಲಾಗಿದೆ.
ಪ್ರತಿ ಬಾರಿ ಏನಾದರೂ ಒಂದು ವಿಶೇಷತೆಗಳಿಂದಲೇ ಬಿಗ್ ಬಾಸ್ ಶುರುವಾಗುತ್ತದೆ. ಮನೆಯ ಥೀಮ್‌, ಆಟದ ಪರಿ ಹೀಗೇ ಏನೋ ಒಂದು ವಿಶೇಷತೆ ಹೊತ್ತೇ ಬಿಗ್ ಬಾಸ್ ತೆರೆ ಮೇಲೆ ಬರುತ್ತದೆ. ಈ ಬಾರಿಯೂ ಬಿಗ್ ಬಾಸ್‌ನಲ್ಲಿ ಒಂದು ವಿಶೇಷವಿದೆ ಎಂಬ ಸುಳಿವು ಪ್ರೋಮೋದಲ್ಲಿ ಸಿಕ್ಕಿದೆ.
ಇದನ್ನೂ ಓದಿ: Richest Actress: ಬಾಲಿವುಡ್‌ನ ಟಾಪ್‌ 10 ಶ್ರೀಮಂತ ನಟಿಯರು ಇವರು
ಬಿಗ್ ಬಾಸ್ ಕನ್ನಡ 10 ಹಿಂದಿನ ಸೀಸನ್‌ಗಳಿಗಿಂತ ವಿಭಿನ್ನವಾದ ಸೀಸನ್ ಆಗಿರಬಹುದು ಎಂಬ ಸುಳಿವು ಸಹ ತಯಾರಕರು ನೀಡಿದ್ದಾರೆ. "ಈ ಬಾರಿಯ ಬಿಗ್ ಬಾಸ್ ಸಂಥಿಂಗ್ ಸ್ಪೆಷಲ್!!! ನೀವು ಇಷ್ಟಪಡುವ ವಿಶೇಷವೇನು?" ಎಂಬ ಶೀರ್ಷಿಕೆಯ ಜೊತೆ ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಮೊದಲ ಪ್ರೋಮೋವನ್ನು ಅವರು ಹಂಚಿಕೊಂಡಿದ್ದಾರೆ.
ಬಿಗ್ ಬಾಸ್‌ನ ಹೈಲೈಟ್‌ಗಳಲ್ಲಿ ಒಂದು ಮನೆ. ಪ್ರತಿಬಾರಿಯೂ ಹೊಚ್ಚ ಹೊಸ ಥೀಮ್‌ನೊಂದಿಗೆ ತಯಾರಾಗುವ ಬಿಗ್ ಬಾಸ್ ಮನೆ ಈ ಬಾರಿ ಹೇಗಿರಲಿದೆ ಎಂಬುದನ್ನು ನೋಡಲು ಜನರು ಕಾತುರರಾಗಿದ್ದಾರೆ. ಲಿವಿಂಗ್‌ ಏರಿಯಾ, ಡೈನಿಂಗ್‌, ಕಿಚನ್‌ ಏರಿಯಾ ಹೀಗೆ ಮನೆಯ ಪ್ರತಿ ಮೂಲೆ ಮೂಲೆಯೂ ಏನಾದರೊಂದು ವಿಶೇಷತೆಯಿಂದ ಕೂಡಿರುತ್ತೆ. ಮನೆಯ ಥೋಮ್‌ ಒಂದು ಸಂದೇಶ ಸಾರುವಂತಿರುತ್ತೆ. ಹೀಗಾಗಿ ಈ ಬಾರಿಯ ಬಿಗ್ ಬಾಸ್ ಮನೆ ಕೂಡ ವಿಶೇಷವಾಗಿರಲಿದೆ.
ಬಹುನಿರೀಕ್ಷಿತ ರಿಯಾಲಿಟಿ ಶೋನ ಪ್ರೀಮಿಯರ್ ದಿನಾಂಕವನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ. ಆತಿಥೇಯ ಕಿಚ್ಚ ಸುದೀಪ್ ಇನ್ನೂ ಈ ಸೀಸನ್‌ನ ಪ್ರೋಮೋ ಶೂಟ್ ಮಾಡಿಲ್ಲ. ರಿಯಾಲಿಟಿ ಶೋನ ಹಿಂದಿನ ಸೀಸನ್ ಸೆಪ್ಟೆಂಬರ್ 24 ರಂದು ಪ್ರಥಮ ಪ್ರದರ್ಶನಗೊಂಡಿತು.
ಇದನ್ನೂ ಓದಿ: ಜೂನಿಯರ್ ಎನ್‌ಟಿಆರ್ ಅವರ ಈ ದಾಖಲೆ ಎಲ್ಲರ ಹುಬ್ಬೇರಿಸುತ್ತದೆ!
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
