ಐದು ಬಾರಿ ಪ್ರೀತಿಯಲ್ಲಿ ಸೋತ ಈ ನಟನ ಬದುಕಿನಲ್ಲಿ ಈಗ ಪ್ರೇಮ ಸುಧೆ ಹರಿಸಿರುವುದು ಈ ಕಿರಿಯ ನಟಿ

ಬೆಂಗಳೂರು : ಬಾಲಿವುಡ್ ನಟ ಆದಿತ್ಯ ರಾಯ್ ಕಪೂರ್ ಇತ್ತೀಚಿನ  ದಿನಗಳಲ್ಲಿ ಸುದ್ದಿಯಲ್ಲಿದ್ದಾರೆ.  ಈ ನಟ ಯಾವುದೋ ಚಿತ್ರ ಬಿಡುಗಡೆಯಾಗಿರುವ ಕಾರಣಕ್ಕೆ ಲೈಮ್ ಲೈಟ್ ನಲ್ಲಿ ಇಲ್ಲ. ಬದಲಾಗಿ ತನ್ನ ವೈಯಕ್ತಿಕ ಜೀವನದ ಕಾರಣದಿಂದಾಗಿ ಸುದ್ದಿಯಗುತ್ತಿದ್ದಾರೆ. ಇತ್ತೀಚೆಗೆ, ನಟಿ ಅನನ್ಯಾ ಪಾಂಡೆ ಜೊತೆಗೆ ಆದಿತ್ಯ ರಾಯ್ ಕಪೂರ್ ಕೆಲವು ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದವು. ಇದಾದ ಬಳಿಕ ಎಲ್ಲೆಡೆ ಇವರಿಬ್ಬರ ನಡುವಿನ ಸಂಬಂಧದ ಸುದ್ದಿಯೇ ಹರಿದಾಡುತ್ತಿದೆ. ಆದರೆ ಅನನ್ಯಾ ಪಾಂಡೆಗಿಂತ ಮೊದಲು ಆದಿತ್ಯ ರಾಯ್ ಕಪೂರ್  5 ಬಾರಿ ಬ್ರೇಕಪ್ ನೋವನ್ನು ಅನುಭವಿಸಿದ್ದಾರೆ. ಹೌದು, ಆದಿತ್ಯ ರಾಯ್ ಕಪೂರ್ 13 ವರ್ಷ ಕಿರಿಯ ಅನನ್ಯಾ ಪಾಂಡೆಯೊಂದಿಗೆ ಡೇಟಿಂಗ್ ಮಾಡುವ ಮೊದಲು 5 ಮಂದಿಯ ಜೊತೆಗೆ ರಿಲೇಶನ್ ನಲ್ಲಿದ್ದರು. ಆದರೆ, ಐದೂ ಬಾರಿ ಸಂಬಂಧ ಉಳಿಸಿಕೊಳ್ಳುವಲ್ಲಿ ಸೋತಿದ್ದಾರೆ. 

ಧರ್ಮೇಂದ್ರ ಪುತ್ರಿ ಅಹಾನಾ ಡಿಯೋಲ್ ಜೊತೆಗೂ ಸಂಬಂಧವಿತ್ತು : 
ಸುದ್ದಿ ಮೂಲಗಳ ಪ್ರಕಾರ, ಆದಿತ್ಯ ರಾಯ್ ಕಪೂರ್ ಅವರು ಧರ್ಮೇಂದ್ರ ಮತ್ತು ಹೇಮಾ ಮಾಲಿನಿಯ ಕಿರಿಯ ಮಗಳು ಅಹಾನಾ ಡಿಯೋಲ್ ಅವರೊಂದಿಗೆ ಡೇಟಿಂಗ್ ಮಾಡಿದ್ದಾರೆಯಂತೆ. ಬಾಲಿವುಡ್ ನಟ ರಣವೀರ್ ಸಿಂಗ್ ಕಾಫಿ ವಿಥ್ ಕರಣ್ ಸಂಚಿಕೆಯಲ್ಲಿ ಆದಿತ್ಯನಿಂದಾಗಿ ತನ್ನ ಮತ್ತು ಅಹಾನಾ ಸಂಬಂಧ ಮುರಿದುಬಿತ್ತು ಎಂದು ಹೇಳಿದ್ದರು. ಕರಣ್ ಜೋಹರ್  ಶೋನಲ್ಲಿ ರಣವೀರ್ ಸಿಂಗ್,  ಅಹಾನಾ  ಹೆಸರೆತ್ತದೆ ಕೆಲ ಮಾತನ್ನು ಹೇಳಿದ್ದರು. ಅದರ ಪ್ರಕಾರ ರಣವೀರ್ ಅಹನಾ ಪ್ರೀತಿಯಲ್ಲಿ ಹುಚ್ಚನಂತಾಗಿದ್ದರು. ಆದರೆ ಅಹಾನಾ ಆದಿತ್ಯ ರಾಯ್ ಕಪೂರ್ ಗಾಗಿ ಇಬ್ಬರ ನಡುವಿನ ನಾಲ್ಕು ವರ್ಷಗಳ ಸಂಬಂಧವನ್ನು ಮುರಿದುಕೊಂಡಿದ್ದರು. 

ಇದನ್ನೂ ಓದಿ : Sudeep: ಸುದೀಪ್ ಮೇಲಿನ ಆರೋಪಗಳ ಹಿಂದೆ ಸೂರಪ್ಪ ಬಾಬು ಕೈವಾಡ? ವೀರಕಪುತ್ರ ಶ್ರೀನಿವಾಸ ಬಟಾ ಬಯಲು ಮಾಡಿದ್ರು ಆ ಸತ್ಯ.!

ಶ್ರದ್ಧಾ ಕಪೂರ್ ಜೊತೆ ಕೂಡ ಡೇಟ್  : 
2013ರಲ್ಲಿ ಆದಿತ್ಯ ರಾಯ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಅಭಿನಯದ ಆಶಿಕಿ ಸಿನಿಮಾ ತೆರೆ ಕಂಡಿತ್ತು. ಆ ಸಮಯದಲ್ಲಿ ಆದಿತ್ಯ ಮತ್ತು ಶ್ರದ್ಧಾ ಕೂಡ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದರು. ಆದರೆ ಸ್ವಲ್ಪ ಸಮಯದ ನಂತರ ಇಬ್ಬರೂ ಬೇರೆಯಾದರು ಎಂದು ಹೇಳಲಾಗುತ್ತದೆ. ವರದಿಗಳ ಪ್ರಕಾರ, ಆದಿತ್ಯ ರಾಯ್ ಕಪೂರ್ ತಮ್ಮ ವೃತ್ತಿಜೀವನದ ಆರಂಭಿಕ ದಿನಗಳಲ್ಲಿ ವಿಜೆ ಆಗಿ ಕೆಲಸ ಮಾಡುತ್ತಿದ್ದಾಗ, ರಿಯಾ ಚಕ್ರವರ್ತಿ ಜೊತೆಗೂ ಪ್ರೇಮ ಸಂಬಂಧ ಬೆಳೆಸಿದ್ದರು. ಆದರೆ ಆ ಸಂಬಂಧ ಕೂಡಾ ಹೆಚ್ಚು ಕಾಲ ಉಳಿಯಲಿಲ್ಲ. ವರದಿಗಳ ಪ್ರಕಾರ, ಫಿತೂರ್ ಚಿತ್ರದ ಸಮಯದಲ್ಲಿ ಆದಿತ್ಯ ರಾಯ್ ಕಪೂರ್ ಅವರ ಹೆಸರು ಕತ್ರಿನಾ ಕೈಫ್‌ ಜೊತೆಗೂ ಕೇಳಿ ಬಂದಿತ್ತು. ಆದರೆ ಈ ಬಗ್ಗೆ ಇಬ್ಬರೂ ಎಲ್ಲಿಯೂ ಬಹಿರಂಗವಾಗಿ ಹೇಳಿರಲಿಲ್ಲ. 

ಕಾಫಿ ವಿಥ್ ಕರಣ್ ಶೋನಲ್ಲಿ, ಅನನ್ಯಾ ಪಾಂಡೆ ಆದಿತ್ಯ ರಾಯ್ ಕಪೂರ್ ಮೇಲೆ ಕ್ರಷ್ ಇರುವುದಾಗಿ ಹೇಳಿದ್ದರು. 2022 ದೀಪಾವಳಿಯ ನಂತರ ಇಬ್ಬರೂ  ಡೇಟ್ ಮಾಡುತ್ತಿರುವ ಸುದ್ದಿ ಮತ್ತು ಫೋಟೋ ಗಳು ವೈರಲ್ ಆಗಲು ಪ್ರಾರಂಭಿಸಿತು. ಒಟ್ಟಿನಲ್ಲಿ ಐದು ಬಾರಿ ಪ್ರೀತಿಯಲ್ಲಿ ಸೋತರೂ ಕೂಡಾ ಇದೀಗ 13 ವರ್ಷ ಕಿರಿಯ ಹುಡುಗಿಯ ಜೊತೆ ಆದಿತ್ಯ ಲವ್ ಲೈಫ್ ಮುಂದುವರೆದಿದೆ. 

ಇದನ್ನೂ ಓದಿ : Nisha Noor: ವೇಶ್ಯಾವಾಟಿಕೆಗೆ ಬಲಿಪಶುವಾದ ರಜನಿಕಾಂತ್ ಜೊತೆ ನಟಿಸಿದ್ದ ಈ ನಟಿ, ಏಡ್ಸ್‌ನಿಂದ ಅಂತ್ಯವಾಯ್ತು ಈ ಸುಂದರಿಯ ಬಾಳು.!

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://bit.ly/3LwfnhK 
Instagram Link -  https://bit.ly/3LyfY2l 
Sharechat Link - https://bit.ly/3LCjokI ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.